Chapter Title : എന്റെ ഡോക്ടറൂട്ടി 13 [അർജ്ജുൻ ദേവ്]

പേപ്പറുകഷ്ണമിട്ടുകൊടുത്താൽ ചില്ലറപൈസവിടെ വീഴും…

ആകെ ചളിച്ചില്ലാണ്ടായിനിന്ന അവൾമാരെ നോക്കിയമർത്തി ചിരിയ്ക്കുന്നതിനിടയിലും
ചിലരൊക്കെയാശങ്ക നിറഞ്ഞഭാവത്തിലെന്നെ നോക്കി, ഒരു ഡോക്ടറുപെണ്ണോ…. അതുമീപൊട്ടനോ..??

ഒരസൂയയോടെ അല്ലെങ്കിലതിശയത്തോടെ എന്നെനോക്കി അവളുമാരു ചോദിക്കുമ്പോൾ എവിടൊക്കെയോ
ഒരന്തസ്സുമഭിമാനവുമൊക്കെ എനിയ്ക്കുംതോന്നി…

സംഗതിയീ ഡോക്ടറെന്നൊക്കെ പറഞ്ഞാൽ ഇത്ര വലിയസംഭവമാണെന്ന് ഞാനുമപ്പോളാ മനസ്സിലാക്കുന്നേ…

“”…ആ ഡോക്ടറുതന്നാ… എന്താ അതിനിപ്പം…??”””_ ഞാനൊരു സപ്പോർട്ടുകൂടി കൊടുത്തതോടെ നിൽക്കുന്നിടത്തുതന്നെ കുഴിച്ചിട്ടാൽമതിയെന്ന അവസ്ഥയിലായി അവളുമാര്…

“”…ഡാ… നീയവടെന്തോ കോപ്പുഞ്ചിന്തിച്ചോണ്ടു നിയ്ക്കുവാ…??വായിങ്ങട്..!!”””_ മുന്നേനടന്ന ശ്രീ തിരിഞ്ഞെന്നെ കലിപ്പോടെതന്നെവിളിച്ചതും ഞാനോടി കൂടെച്ചെന്നു…

അന്നു ഞാൻ ചെലവുചെയ്യേണ്ടിയത് അവനെക്കൊണ്ടു ചെയ്യിയ്ക്കുമ്പോഴും അവന്മാരെന്നെ ഇടയ്ക്കിടെ ചൊറിയുവായിരുന്നു….

എങ്കിലും കോത്തിൽ ആപ്പുകേറിയ വിഷമത്തിനിടയിലും
അവളുമാർക്കിട്ടൊന്നു കൊട്ടാൻ പറ്റിയല്ലോന്നായിരുന്നെന്റെ സന്തോഷം…

അവളുമാർക്കു മനസ്സിലായെങ്കിലും ഒരാഴ്ചയ്ക്കിടയിലെന്റെ ലൈഫിൽവന്നമാറ്റം അക്സെപ്റ്റുചെയ്യാനാ പൊട്ടന്മാർക്കു കഴിഞ്ഞില്ലയെന്നതാണു വസ്തുത…..

മീനാക്ഷിയെന്നെ ചൂണ്ടിയതാന്നും ഒന്നും ഞാനറിഞ്ഞോണ്ടല്ലെന്നുമൊക്കെ
മനസ്സിലൊരായിരംവട്ടം പറഞ്ഞുനോക്കിയെങ്കിലും അതക്സെപ്റ്റുചെയ്യാൻ മനസ്സാക്ഷിപോലും
മടിയ്ക്കുന്ന പോലെ…

എന്നാൽ… എന്നാലതാണു സത്യം…. പണ്ടെങ്ങോ അറിവില്ലാത്ത
പ്രായത്തിലവളോടുതോന്നിയ ഇഷ്ടം… അതിപ്പോളെന്റെ മനസ്സിലില്ല…
അതിനിയുണ്ടാവുകേമില്ല… ആരെന്തു പറഞ്ഞാലും അതിനുള്ളിലെ സത്യം മാറത്തില്ല... മാറാൻ പോണതുമില്ല...

“”…സിത്തൂ…!!”””_ ക്യാന്റീനിലിരുന്നോരോന്നു ചിന്തിച്ചുകൂട്ടുമ്പോൾ പെട്ടെന്നാണ്
ശ്രീയുടെ വിളികേട്ടത്….

അതിനവനെയൊന്നു നോക്കുമ്പോളവനെന്റെ ഫോണിലേയ്ക്കു
കണ്ണുകാണിച്ചു…

...മൈര്.! വീട്ടിന്നു തന്തപ്പടി മെനക്കെട്ടു വിളിച്ചുമരിയ്ക്കുവാണ്…

വല്ലവന്റേം
കൊടലുംപണ്ടോമൊക്കെ വലിച്ചുപുറത്തിടേണ്ട നേരത്ത് ഇയാളെന്തിനാ
എന്നെയിങ്ങനെ കൊല്ലാക്കൊല ചെയ്യുന്നത്…??_ എന്നും മനസ്സിൽ പ്രാകിക്കൊണ്ട് ഫോണെടുത്തതും
അയാളങ്ങോട്ടലറി:

“”…നീയിതെവടെ പോയി ചത്തുകെടക്കുവാടാ…?? നിന്നെക്കാണാതെയീ കൊച്ചിവിടെക്കിടന്നു
വെഷമിയ്ക്കുവാ…!!”””_ തന്തപ്പടി ഉഗ്രകോപത്തോടെ ചിതറിയതും ഞാനെന്തോ ചെയ്യണമെന്നറിയാത്ത അവസ്ഥയിലായി….

കോപ്പ്.! അവൾടെമുന്നെ നിന്നാലേ മനസ്സമാധാനമ്പോവൂന്നു കരുതിയാ ചാടിയെറങ്ങിപോന്നേ…. എന്നിട്ടിപ്പഴാ നായിന്റെമോളു
വീട്ടിക്കെടന്നു ഡാവിറക്കുന്നോ…?? മുഴുമൈരത്തീനെ തല്ലിക്കൊന്നു കെണറ്റിലെറിയേണ്ട
സമയംകഴിഞ്ഞു...

“”…എന്താടാ നിന്റെ നാവെറങ്ങിയോ…?? ഞാഞ്ചോയ്ച്ച കേട്ടില്ലേ…
നീയിപ്പെവിടാന്ന്…??”””

“”…ഞാൻ… ഞാങ്കോളേജില്..!!”””_ ഒരോളത്തിനു ഞാനങ്ങു പറഞ്ഞതും പുള്ളിക്കാരനൊന്നു
ഞെട്ടിയപോലെ തോന്നി…

“”...ങ്ഹേ.! കോളേജിലോ..?? എടാ നായേ... നെനക്കീ നാട്ടിലുമൊത്തം നാറ്റിച്ചു മതിയാവാഞ്ഞിട്ടാണോടാ
ഇപ്പൊ നീ
കോളേജിലേയ്ക്കെഴുന്നള്ളീത്..?? മര്യാദയ്ക്ക്... മര്യാദയ്ക്കിപ്പോളിങ്ങു
വന്നോണം... ഇല്ലേൽ തലമണ്ട തല്ലിപ്പൊട്ടിയ്ക്കും ഞാൻ..!!”””

""...വേണ്ടാ... വേണ്ടാന്നുപറഞ്ഞിട്ടും കേൾക്കാണ്ടു തലേക്കെട്ടിവെച്ചു ബാക്കിയൊള്ളോർടെ മുന്നില് മനുഷ്യനെ നാണങ്കെടുത്തീതും പോരാഞ്ഞിട്ടിപ്പൊ ഞാന്നാറ്റിച്ചെന്നോ...
അലവലാതിത്തരം പറഞ്ഞാലൊണ്ടല്ലും... തന്തയാന്നൊള്ളതൊക്കെ ശെരിയാ.. എന്നുകരുതി സയ്ക്കുന്നേനൊരു പരിധിയൊണ്ട്..!!”””_ അങ്ങേരോട് ഓൾറെഡിയുണ്ടായ്രുന്ന കലിപ്പിനൊപ്പം കോളേജിൽ പിള്ളേരുടെമുന്നിൽ നാണങ്കെട്ടതുങ്കൂടിയായപ്പോൾ എനിയ്ക്കെന്നെത്തന്നെ
നിയന്ത്രിയ്ക്കാനായില്ല, ഞാനൊന്നലറി...

“”...സിത്തൂ..!!”””_ പെട്ടെന്നു പിന്നിൽനിന്നും
ശ്രീയുടെ വിളികേട്ടതും ഞാനവനെ
തിരിഞ്ഞുനോക്കി...

“”...എന്താ..?? ആരാ ഫോണില്..??”””_ അവൻ
ചെയറിൽനിന്നുമെഴുന്നേറ്റ്
അടുത്തേയ്ക്കുവന്നപ്പോൾ ഞാൻ കയ്യിലിരുന്ന ഫോണവന്റേൽകൊടുത്തു...

അവൻ ഫോൺവാങ്ങി
വളരെകാര്യമായി
സംസാരിയ്ക്കുന്നതും
ഞാൻ മൊത്തത്തിൽ പൊളിഞ്ഞിരിയ്ക്കുന്നതുമൊക്കെ കണ്ടിട്ട് കൂടെയുണ്ടായിരുന്നവന്മാർ പലപ്രാവശ്യമായി കാരണംതിരക്കി…