Chapter Title : എന്റെ ഡോക്ടറൂട്ടി 18 [അർജ്ജുൻ ദേവ്]

ഞാനെന്തോ ചെയ്യാൻ..??!!

""...എന്താടീ... എന്തു മൈരിനാ നീയിരുന്നു മോങ്ങുന്നേ..??"""_ റിലേതെറ്റിയ അവസ്ഥയിലും ഞാൻ ചോദിച്ചുപോയി...

""...നിയ്ക്ക്... നിയ്ക്കു വെശക്കണൂ..!!"""_ വയറുംപൊത്തിപ്പിടിച്ചുകൊണ്ടു പറയുന്നതിനൊപ്പം ഒറ്റനിലവിളികൂടി പിന്നാലെവന്നപ്പോൾ, ടൂകൺട്രീസ്മൂവിയിൽ ദിലീപേട്ടൻ സുരാജേട്ടനോടു ഫുഡ് വേണംന്നു പറയുമ്പോഴുള്ള സുരാജേട്ടന്റെ എക്സ്പ്രഷനായിരുന്നു എന്റെ മുഖത്തുംവന്നത്...

എന്തെല്ലാം പ്രതീക്ഷകളോടെയാണ് ശത്രുവിന്റെ സ്ഥാനവുംകൊടുത്ത് ഞാനവളെ ടവറിനുമുകളിൽ പിടിച്ചിരുത്തിയിരുന്നത്...

എന്നാലൊരു നിമിഷംകൊണ്ടവൾ കുണ്ടീംകുത്തി നിലത്തുവീണപ്പോൾ അത്രയുംനാൾ ഞാൻകൊടുത്ത ഹൈപ്പെല്ലാം വെറുതെയായിപ്പോയോ എന്നൊരുതോന്നൽ...

മാത്രോമല്ല, അതെനിയ്ക്കങ്ങോട്ട് അക്സെപ്റ്റു ചെയ്യാനും കഴിഞ്ഞില്ല...

അതുകൊണ്ടു തന്നെ,

""...എടീ... നീ..??"""_ എന്നു ഞാനറിയാതെ ചോദിച്ചുപോയി...

സ്വസ്ഥമായൊന്നു ശ്വാസംവിടാമ്പോലുമെന്നെ സമ്മതിയ്ക്കാതിരുന്ന നീ തന്നെയാണോ ഈ കിടന്നുകാറുന്നേ...?? എന്നഭാവമായിരുന്നെന്റെ മുഖത്ത്...

""...നിയ്ക്കു വെശക്കുന്നെടാ... എന്തേലുമ്മേടിച്ചു താടാ... ഇല്ലേ... ഇല്ലേ ഞാനിപ്പച്ചാവോടാ..!!"""_ അതുമ്പറഞ്ഞ് അലമുറയിട്ടുകൊണ്ടു സോഫയിൽനിന്നുമെഴുന്നേറ്റ മീനാക്ഷി, വയറും തിരുമ്മിക്കൊണ്ടെന്റെ നേരേവന്നു...

എന്നിട്ടു കുനിഞ്ഞുനിന്നെന്റെ ടീഷർട്ടിന്റെ കഴുത്തിലായി കുത്തിപ്പിടിച്ചുലയ്ക്കാനും ശേഷം, സോഫയിൽ എന്നോടൊപ്പമിരുന്ന് എന്റെ നെഞ്ചത്തിട്ടിടിയ്ക്കാനുമൊക്കെ തുടങ്ങി...

സത്യമ്പറഞ്ഞാൽ നിമിഷനേരങ്കൊണ്ടവളൊരു പ്രാന്തിയായി മാറുകായായിരുന്നു...

""...വിഡ്രീ മൈരേ... ദേ... എന്റെ ദേഹന്നൊന്താ സത്യായിട്ടെന്റെ സ്വഭാവമ്മാറും... ഞാമ്പറഞ്ഞില്ലെന്നുവേണ്ട..!!"""_ ടീഷർട്ടിൽ ചുറ്റിട്ടുപിടിച്ചിരുന്ന അവൾടെ കൈരണ്ടും വലിച്ചുപറിച്ചു കളഞ്ഞുകൊണ്ടുഞാൻ വിരട്ടാൻശ്രെമിച്ചെങ്കിലും ആരുകേൾക്കാൻ..??

""...എനിയ്ക്കെവുന്നേലും കൊറച്ചു ഫുഡോണ്ടുവന്നു താടാ... എന്നെക്കൊണ്ടു നിയ്ക്കാമ്പറ്റുന്നില്ലെടാ... പ്ലീസടാ... പ്ലീസടാ..!!""'"_ വയറും പൊത്തിപ്പിടിച്ചിരുന്നവൾ വീണ്ടും നിലവിട്ടുകരയാനായി തുടങ്ങിയപ്പോൾ ആ ഉണ്ടക്കണ്ണുകളിൽനിന്നും വെള്ളം ചാലുവെട്ടിയൊഴുകി...

പക്ഷേ, നല്ല ഡോൾബീസൗണ്ടിലവളുടെ കരച്ചിലെന്റെചെവിയിൽ കേൾക്കുന്നസുഖത്തിൽ... ആ കരച്ചിൽ കുറേനേരം ഞാൻ കണ്ണടച്ച് ആസ്വദിച്ചുകൊണ്ടിരുന്നു...

കുറേക്കഴിഞ്ഞപ്പോൾ കരച്ചിലിന്റെ താളം പോയതിന്റെ ദേഷ്യത്തിൽ കണ്ണുതുറന്ന ഞാൻകാണുന്നത്,

""...എന്നെയിങ്ങനെ പട്ടിണിയ്ക്കിട്ടു കൊല്ലാതെ എവിടുന്നേലുമിച്ചിരി ഫുഡുകൊണ്ടുത്താടാ...!!"""_ന്നും പറഞ്ഞെന്റെനേരെ കയ്യുംനീട്ടിക്കൊണ്ടുവരുന്ന മീനാക്ഷിയെയാണ്...

""...ഈക്കണ്ട ഹോട്ടലൊക്കെപ്പൂട്ടിച്ചിടത്തു നിന്റെ തന്തകൊണ്ടുവന്നു വെച്ചേക്കുന്നോ ഫുഡ്..?? ഒന്നുപോയേടീ..!!"""_ എന്റെനേരേ
നീട്ടിക്കൊണ്ടുവന്ന കൈ തട്ടിത്തെറിപ്പിച്ചു ഞാൻ സോഫയിൽനിന്നെഴുന്നേറ്റു പുറത്തേയ്ക്കു നടക്കാനായി തുടങ്ങിയപ്പോൾ മീനാക്ഷിചാടി വീണ്ടുമെന്റെ ടീഷർട്ടിന്റെ പിന്നിലായി പിടിച്ചുതൂങ്ങി...

""...വിഡ്രീ... കോപ്പേ... എന്നെ കൊല്ലാന്നോക്കീപ്പോൾ നെനക്കിതൊന്നുവായ്രുന്നില്ലല്ലോ തെളപ്പ്‌..?? അതോണ്ടു ഞാനങ്ങു ചത്തുപോയെന്നു കരുതി നീ നിന്റെതന്തയോടു ചെന്നുപറ, ഫുഡ് കൊണ്ടേത്തരാൻ..!!"""_ ഞാൻ വീണ്ടുമവൾടെ കൈ വലിച്ചുപറിച്ചു കളഞ്ഞ് സിറ്റ്ഔട്ടിലേയ്ക്കു നടന്നു...

എന്നാലവളുമെന്റെ പിന്നാലെവന്നു...

""...ഡാ... സോറി... സോറി... ഞാഞ്ചെയ്തൊക്കെ തെറ്റുതന്നാ... അതിനുവേണേൽ ഞാൻ കാലേവീണു മാപ്പുപറയാം... എനിയ്ക്കുകൊറച്ചു ഫുഡ് തന്നാമാത്രംമതി... വെശപ്പെന്നെക്കൊണ്ടു സയ്ക്കാമ്പറ്റാത്തോണ്ടാടാ പ്ലീസ്..!!"""_ കുട്ടികൾ വാശിപിടിച്ചു പിന്നാലെ നടക്കുമ്പോലെ എന്റെ പിന്നാലെ തൂങ്ങിക്കൊണ്ടാണവളതു പറഞ്ഞത്...

കാര്യമ്പറഞ്ഞാൽ എന്റെ ടീഷർട്ടിലങ്ങനെ പിടിച്ചില്ലേൽ ഉറപ്പായും വീണുപോകുമെന്ന അവസ്ഥയിലായിരുന്നു മീനാക്ഷി...

""...ഞാനപ്പഴേ കഞ്ഞിവെച്ചു കുടിയ്ക്കത്തില്ലായ്രുന്നോ... നീയാ അരിക്കലോം ഗ്ലാസ്സും മാറ്റിവെച്ചോണ്ടല്ലേ ഞാനിപ്പം..."""_ സിറ്റ്ഔട്ടിലെ ടെയ്ലിന്മേലിരുന്ന എന്റൊപ്പമിരുന്നവൾ