Chapter Title : എന്റെ ഡോക്ടറൂട്ടി 22 [അർജ്ജുൻ ദേവ്]

""...രാത്രിയാവട്ടേ... ആരുമറിയാതെ ഞാനിവടെന്നു ചാടും... നോക്കിയ്ക്കോ..!!"""_ എന്നുമ്പറഞ്ഞു മുടിയൊതുക്കുമ്പോൾ,

""...എടാ... അതൊക്കെ മോശവാ... നമുക്ക് കയ്യിലുള്ളകാശ് കൊടുത്തേച്ച് ബാക്കി വീട്ടിലെത്തീട്ടയച്ചുതന്നോളാന്നു പറഞ്ഞ് മാന്യമായിറങ്ങിപ്പോവാം... അല്ലാണ്ടൊരു വീട്ടിൽവന്നിട്ട് രാത്രീൽ മതിലുചാടിപ്പോണതത്ര നല്ലതായ്ട്ടെനിയ്ക്കു തോന്നണില്ല..!!"""_ എന്നായ്രുന്നു മീനാക്ഷിയുടഭിപ്രായം...

""...മോശമാണെന്നുപറയാൻ, ഞാൻ മതിലുചാടുന്നത് നിന്റതന്തേപ്പോലെ കള്ളവെടി വെയ്ക്കാനല്ല... എന്റെ ജീവൻരെക്ഷിയ്ക്കാനാ... പിന്നിതിനൊക്കെ നിന്നോടാരും അഭിപ്രായഞ്ചോദിച്ചില്ല, നിന്നെയാരും കൊണ്ടുപോകുന്നതുമില്ല... നീ റെസ്റ്റൊക്കെയെടുത്ത് കയ്യിലുള്ള കാശുങ്കൊടുത്ത് മെല്ലെയങ്ങുവന്നാൽ മതി..!!"""_ ഞാനൊന്നു നിർത്തി...

ശേഷം,

""...അല്ല... ഇനി വെപ്രാളപ്പെട്ട് നീയങ്ങുവന്നിട്ടും കാര്യവില്ല... നെനക്കീ തെങ്ങിന്റെ നെഞ്ചത്തേയ്ക്കുകേറ്റാൻ അവിടെ ജീപ്പൊന്നുംകിടപ്പൂലല്ലോ..!!"""_ എന്നുകൂടി തുടർന്നതും അവളുകുറച്ചുനേരമെന്റെ മുഖത്തേയ്ക്കു നോക്കിയിരുന്നു...

പിന്നെന്തോ ഓർത്തിട്ടെന്നപോലെ മുഖഭാവംമാറുകയും കവിളൊക്കെ ചുവക്കുവേംചെയ്തു...

""...ഓഹോ.! അപ്പതായ്രുന്നല്ലേ നിന്റെ മനസ്സിലിരുപ്പ്..?? ഇല്ലടാ... മീനാക്ഷീടെ കൊക്കിനു ജീവനുണ്ടേലതു സമ്മതിയ്ക്കില്ല..!!"""_ കണ്ണുരുട്ടി, പല്ലുകടിച്ചുംകൊണ്ടവൾ പറഞ്ഞത് സത്യത്തിലെനിയ്ക്കു മനസ്സിലായില്ല...

...എന്റെ മനസ്സിലിരിപ്പോ..?? അതെന്താ സംഗതി..?? അങ്ങനെ മനസ്സിലുവെയ്ക്കാനും മാത്രം വളർന്നോ ഞാൻ..??!!

""...എനിയ്ക്കെന്തു മനസ്സിലിരിപ്പ്..?? ഒന്നുപോയേടീ..!!"""_ പ്രത്യേകിച്ചൊരു പ്ലാനും മനസ്സിലില്ലാത്തതിനാലൊന്നു പുച്ഛിച്ചതും,

""...അല്ല... എനിയ്ക്കറിയാം, ഞാനിവടെ വണ്ടിയിടിപ്പിച്ചതും ഹോസ്പിറ്റലിലായതുമൊക്കെ വെള്ളംചേർത്തുവിളമ്പി വീട്ടിലെന്നെ നാണങ്കെടുത്താമ്മേണ്ടി ഓടണതല്ലേ..?? സമ്മതിയ്ക്കത്തില്ലടാ..!!"""_ അവൾ ചുണ്ടുകൂർപ്പിച്ചു...

ശേഷം, കുറച്ചുനേരത്തേയ്ക്കു ഞാനൊന്നും മിണ്ടീല...

കാര്യമ്പറഞ്ഞാൽ അങ്ങനൊരു സാധ്യതയെനിയ്ക്കു പോയിരുന്നില്ല...

...എന്തായാലുമതു കൊള്ളാം.! ഒരു വെടിയ്ക്കു രണ്ടുപക്ഷി... വീട്ടിലെ മീനാക്ഷിയുടെ ഇമേജുംപൊളിയ്ക്കാം... അവൾടെ ശല്യോന്തീരും... ഈശ്വരാ... ഈ ബുദ്ധി നേരത്തേ തോന്നീലല്ലോന്നാണ്.!

""...എന്താ ആലോയ്ക്കുന്നേ..?? പുതിയെന്തേലും കൊനഷ്ടാണോ..??"""_ ഞാനൊന്നും മിണ്ടുന്നില്ലെന്നുകണ്ടതും മീനാക്ഷിയുടടുത്ത ചോദ്യവുംവന്നു...

അതിന്,

""...തേങ്സ്..!!"""_ എന്നായ്രുന്നെന്റെ മറുപടി...

പിന്നെ,

""...ഇങ്ങനൊരൈഡിയ പറഞ്ഞുതന്നതു നന്നായി... ഇല്ലേൽ ഞാനിങ്ങനൊരു സാധ്യതയറിയാതെ പോയേനെ..!!"""_ എന്നുകൂടി കൂട്ടിച്ചേർത്തതും മീനാക്ഷിയൊന്നമ്പരന്നു...

""...അപ്പൊ... അപ്പതല്ലായ്രുന്നോ നിന്റെപ്ലാൻ..??"""_ ചെറിയൊരങ്കലാപ്പോടെ അവളതുചോദിച്ചപ്പോൾ ചുമൽകൂച്ചിക്കൊണ്ട് "അല്ല" എന്നുമാത്രം മറുപടികൊടുക്കുവേം ചെയ്തു...

അതോടെ മീനാക്ഷിയ്ക്കെന്തു ചെയ്യണമെന്നറിയാത്തവസ്ഥയായി...

ആ ഒരുഭാവത്തിൽത്തന്നെ കുറച്ചുനേരമവളെന്നെ നോക്കുവേംചെയ്തു...

എന്നിട്ട്;

""...ഞാനതൊരു തമാശയ്ക്കു പറഞ്ഞതാ... നീയത്രയ്ക്കു മണ്ടനൊന്നുമല്ലെന്ന് എനിയ്ക്കറിഞ്ഞൂടേ... ഞാൻ നിന്നെയൊന്നു പരീക്ഷിച്ചുനോക്കീതാ... എങ്ങനുണ്ടെന്റെ ബുദ്ധി..??"""_ എന്നൊരു ഡയലോഗും...

""...നല്ലടിപൊളി ബുദ്ധി... സത്യത്തിൽ നെനക്കിത്രേം ബുദ്ധിയുണ്ടെന്നു ഞാങ്കരുതീരുന്നില്ല... ഏതായാലും താങ്സ്ഡീ..!!"""_ ആക്കിയ ചിരിയോടുള്ള എന്റെയാ പറച്ചിലുകേട്ടതും മീനാക്ഷിയുടെ മുഖമൊന്നുചെറുതായി...

""...എടാ... നടന്നതുനടന്നു... നെനക്കീ സംഭവിച്ചതില് എന്തുനഷ്ടപരിഹാരം വേണോങ്കിലും ഞാന്തരാം... പക്ഷേ, ഇവടെ നടന്നതൊന്നും