Chapter Title : എന്റെ ഡോക്ടറൂട്ടി 24 [അർജ്ജുൻ ദേവ്]

അവന്റെ നെഞ്ചത്തേയ്ക്കങ്ങനെ കേറുവൊന്നുമ്മേണ്ട..!!"""_ അച്ഛന്റെ പിന്നാലെ അമ്മയുമെന്റെപക്ഷം ചേർന്നു...

""...അബദ്ധോ..??"""_ അങ്ങോട്ടേയ്ക്കുവന്ന ജോക്കുട്ടന്റെ വായീന്നാണതു വന്നത്...

ശേഷം,

""...അവൻ കുടിയ്ക്കുന്നേൽ കുടിച്ചോട്ടേ... ഒരു പ്രശ്നോമില്ല... എന്നുകരുതി മീനൂനെക്കൊണ്ട്കൂടി കുടിപ്പിച്ചേനാ ഞങ്ങളങ്ങനെ പറഞ്ഞത്..!!"""_ അവന്റെ വിശദീകണവുമെത്തി...

""...അവളെ കുടിപ്പിച്ചെന്നോ..??"""_ കേട്ടതും അങ്കിളെന്നെ തുറിച്ചുനോക്കി...

""...എന്റങ്കിളേ... ഇവര് നൊണപറയുവാ... ഞാനവളെ കുടിപ്പിച്ചേന്നുവില്ല...
അവളവൾടെ ഇഷ്ടത്തിനുകേറി കുടിച്ചതാ... പിന്നെ അടിച്ചുവീലായപ്പോൾ ഞാനെടുത്തിട്ടുവന്നൂന്ന് മാത്രം..!!"""_ ഒന്നുനിർത്തിയശേഷം,

""...അതേ... അവളെ ഞാനായ്ട്ടാണു കുടിപ്പിച്ചേങ്കിൽ അതു നിങ്ങളോടെ തുറന്നുസമ്മയ്ക്കാൻ എനിയ്ക്കൊരു മടീമില്ല..!!"""_ എന്നുകൂടി കൂട്ടിച്ചേർത്തപ്പോൾ പിന്നെയാരും വാപൊക്കീല...

അല്ലേൽചിലപ്പോൾ ഹോസ്പിറ്റലിൽനടന്നേന്റെ ബാക്കി അടുക്കളേൽ നടന്നാലോന്നുള്ള പേടിയുമുണ്ടാവും...

""...ഇതുങ്ങളങ്ങനൊക്കെ പലതുമ്പറയും, സിദ്ധുവതൊന്നും കാര്യവാക്കണ്ടാട്ടോ... മോനിരിയ്ക്ക്, അമ്മ കഴിയ്ക്കാനെടുക്കാം..!!"""_ എന്റെ നെറുകംതലയിൽ കുറച്ചു തണുത്തവെള്ളമൊഴിയ്ക്കുമ്പോലെ അമ്മപറഞ്ഞതും ഞാനാരേം മൈൻഡാക്കാതെ കഴിയ്ക്കാനിരുന്നു...

""...എടാ ചെക്കാ... നിനക്കു ഫീലാവാമ്മേണ്ടി പറഞ്ഞതല്ലടാ... ഞങ്ങളൊരു തമാശയേ ഉദ്ദേശിച്ചുള്ളൂ..!!"""_ അമ്മ കാസ്ട്രോളിൽനിന്നും ദോശ പ്ളേറ്റിലേയ്ക്കിടുമ്പോൾ ചേച്ചി ചായയുമായങ്ങോട്ടേയ്ക്കു വന്നു...

""...വേണ്ട... ഇനി നിന്റൊരു വിശദീകരണവും എന്റെകുഞ്ഞിനു കേൾക്കണ്ട...
മോൻ കഴിയ്ക്ക്..!!"""_ ചേച്ചിയുടെ കയ്യീന്ന് ചായമേടിച്ചെന്റെ മുന്നിൽവെച്ചുകൊണ്ട് അമ്മ മറുപടികൊടുക്കുമ്പോൾ അങ്കിളുമെന്റടുത്തായി കഴിയ്ക്കാനിരുന്നു...

കൂട്ടത്തിലെന്നെനോക്കിയൊരു ചിരിയും...

...എന്നാലും ഇയാളെപ്പോലൊരു നല്ലമനുഷ്യന് എങ്ങനാണാവോ എന്റെതന്തേടെ കൂട്ടുകിട്ടീത്..??

""...എടിയേ... ഇപ്പൊ കെളവനും കെളവിയ്ക്കും നമ്മളെവേണ്ടാട്ടെടീ... സിദ്ധുമതി... ആ... എന്നാന്നുവെച്ചാ ആയിക്കോട്ടേ..!!"""_ പൊണ്ടാട്ടിയേംമണത്ത്
പിന്നാലേവന്ന
ജോയതുപറഞ്ഞതും,

""...ആ മതി.! അതിനു നെനക്കെന്താപ്പൊ..??"""_ അമ്മ തിരിച്ചുചോദിച്ചു...

""...ഓ.! ഞങ്ങക്കൊന്നുവില്ലായേ..!!"""_ ചേച്ചി തുടർന്നു...

""...പിന്നെ ഇവനെയിങ്ങനിട്ടു കൊഞ്ചിയ്ക്കുമ്പോൾ നിങ്ങളൊന്നാലോചിച്ചോണം, ഇതൊന്നുമറിയാതൊരു കുഞ്ഞുപൈതൽ മേലെക്കിടന്നുറങ്ങുന്നുണ്ട്..!!"""

""...അതേ...
അടിച്ചുതാമരയായി
വാളുംവെച്ച്..!!"""_ ചേച്ചിപറഞ്ഞതിനെ ജോക്കുട്ടൻ പൂരിപ്പിച്ചതും രണ്ടൂടൊറ്റച്ചിരിയായ്രുന്നു...

കൂട്ടത്തിലങ്കിളും അമ്മയുംകൂടിചേർന്നപ്പോൾ അത്രയുംനേരം എയറുപിടിച്ചിരുന്ന ഞാനുമൊന്നു ചിരിച്ചുപോയി...

അപ്പോഴാണ് രാവണന്റെവരവ്...
സോറി മീനാക്ഷീടെവരവ്...

ഞാനിന്നലെധരിപ്പിച്ച ടീഷർട്ടോ പാവാടയോമാറ്റാതെ അതേ ഡ്രെസ്സിൽത്തന്നെവരുന്ന കക്ഷിയെക്കണ്ടതും
ഞങ്ങളെനോക്കി ചേച്ചി മിണ്ടല്ലേന്നാംഗ്യംകാട്ടി...

ശേഷം ചിരികടിച്ചമർത്തിയപ്പോൾ ഒരു വെകിടച്ചിരിയോടെ ജോക്കുട്ടനെന്റെതിരെയുള്ള കസേരയിലേയ്ക്കിരിയ്ക്കുവേം ചെയ്തു...

...ഫുഡ്ഡെടുക്കുമ്പോൾ കൃത്യമറിയാനായി ഇവൾക്കുവല്ല ഇന്റിക്കേറ്ററും വെച്ചിട്ടുണ്ടോ ആവോ..??

സംശയംതോന്നിയ ഞാൻ അടുത്തിരുന്നയവളെ അടിമുടിയൊന്നു വീക്ഷിയ്ക്കുമ്പോൾ,

""...ആന്റീ... അമൃതാഞ്ജൻ വല്ലോമിരിപ്പുണ്ടോ..??"""_ നെറ്റിയുമുഴിഞ്ഞുകൊണ്ട് മീനാക്ഷി അമ്മയോടു ചോദിച്ചു...

""...അതെന്താടാ..?? ഇന്നലെ നീ മേടിച്ചുകൊടുത്ത ടച്ചിങ്സൊന്നും ഏറ്റില്ലേ..?? പറക്കുംതളികയിലെപ്പോലെ അമൃതാഞ്ജൻ മണപ്പിയ്ക്കേണ്ട ഗതിയായോ..??"""_ ഒന്നുമറിയാത്തഭാവത്തിൽ ജോക്കുട്ടൻചോദിച്ചതും
ചേച്ചി ചിരികടിച്ചമർത്തി...