Chapter Title : എന്റെ ഡോക്ടറൂട്ടി 24 [അർജ്ജുൻ ദേവ്]

അതിനു ഞാനൊന്നും മറുപടിപറയാതെ വന്നപ്പോൾ, ഇവരിതെന്താ പറയുന്നേന്നഭാവത്തിൽ മീനാക്ഷിയെന്നൊരു നോട്ടം...

""...അമൃതാഞ്ജനുണ്ടാവില്ല... വിസ്ക്മതിയോ..??"""_ ജോക്കുട്ടനെനോക്കി ചിരിയമർത്തിക്കൊണ്ട് ചേച്ചിയുടെചോദ്യം...

""...ആം.! മതി...
എന്തേലുംകിട്ടിയാമതി...
വല്ലാത്ത തലവേദന..!!"""_
മീനാക്ഷിവീണ്ടും നെറ്റിയുഴിഞ്ഞു...

""...അയ്യേ... തലവേദനയ്ക്കാണോ അമൃതാഞ്ജൻചോദിച്ചേ..?? ഇതിനതിന്റാവശ്യോന്നൂല്ല, ഒരു ചെറുതങ്ങട് ചെന്നാത്തീരാവുന്ന പ്രശ്നമേയുള്ളൂ..!!"""_ ജോ തളിച്ചതിന് പിന്നോടിയായി ചേച്ചിയുടമർത്തിയുള്ള ചിരികൂടിയായപ്പോൾ മീനാക്ഷിയ്ക്കു സംശയം:

""...ചെറുതോ..?? എന്തുചെറുത്..?? മനസ്സിലായില്ല..!!"""

""...അതേ... ഞാനിന്നലടിച്ചേന്റെ ബാക്കി ഒരമ്പതിരിപ്പുണ്ട്... എടുക്കട്ടേ..??"""_ കൊന്നാലും വിടില്ലെന്നമട്ടിൽ അവനെടുത്തിട്ട് തളിയ്ക്കുമ്പോഴും
പൊട്ടത്തിയ്ക്കൊരു വകേംമനസ്സിലായില്ല...

അവളപ്പോഴെല്ലാം എല്ലാരേം മാറിമാറിനോക്കുവാണ് ചെയ്തേ...

""...ഇനിയിപ്പൊ കുറച്ചുകഴിയട്ടേ ജോക്കുട്ടാ, ചായകുടിയ്ക്കുവല്ലേ... പിരിഞ്ഞാലോ..??"""

""...ഒന്നുചുമ്മായിരി പിള്ളേരേ... കൊറേനേരായ് രണ്ടൂടതിനെയിട്ട് കളിയാക്കുന്നു...
അവൾക്കൊരബദ്ധം പറ്റിപ്പോയേന് ഇങ്ങനെകളിയാക്കണോ..??"""_ കഴിച്ചുകഴിഞ്ഞെഴുന്നേറ്റ അങ്കിള് രണ്ടെണ്ണത്തിനേം വിരട്ടിയപ്പോൾ ചേച്ചിപയ്യെ അടുക്കളയിലേയ്ക്കു വലിഞ്ഞു...

ശേഷം കയ്യുംകഴുകി അങ്കിള് പുറത്തേയ്ക്കുപോയതും,

""...നിന്നോടിനി പ്രത്യേകംപറയണോ..?? എഴുന്നേറ്റുപോടാ..!!"""_ ന്ന് അമ്മയുടെയൊരു തകർക്കൽ...

അതുകേട്ടതും
കഴിപ്പുനിർത്തി
ഞാനുമെഴുന്നേറ്റു...

""...അല്ലാ... മോനെവിടെപ്പോണു..??"""

""...അത്... അതമ്മയല്ലേ എഴുന്നേറ്റുപോവാൻ പറഞ്ഞേ..!!"""_ ഞാനവരുടെ മുഖത്തേയ്ക്കുനോക്കീതും പാവംവല്ലാതായി...

""...എന്നാലും കഴിച്ചോണ്ടിരുന്ന അവന്റെ മുഖത്തുനോക്കി അങ്ങനെപറഞ്ഞതു ശെരിയായില്ല സ്ത്രീയേ... ഒന്നൂല്ലേലും നിങ്ങളുമൊരമ്മയല്ലേ..?? എന്നിട്ടാണ് മോന്റെപ്രായമുള്ള ഒരു ചെക്കന്റെമുഖത്തുനോക്കി ഇമ്മാതിരിവർത്താനം പറഞ്ഞത്... ഛെ..!!"""_ വാതിൽക്കൽനിന്നുള്ള ജോക്കുട്ടന്റെ ഡയലോഗെത്തീതും കയ്യിലിരുന്ന തവിക്കണേംകൊണ്ടവര് അവന്റെപിന്നാലേയോടി...

പക്ഷേ ഓടുന്നതിനിടയിലും,

""...എടാ... അവൾക്കു
കൈവിറയ്ക്കുന്നുണ്ടേൽ ഒരു പൈന്റെടുക്കട്ടേന്നു ചോദിയ്ക്കെടാ..!!"""_ ന്ന് വിളിച്ചു കൂവുന്നുമുണ്ടായ്രുന്നു...

...ഇവടുള്ളതുങ്ങൾക്കൊക്കെ ആഹാരത്തിനുശേഷം കൃത്യമായി മരുന്നുകൊടുക്കുന്നോ ആവോ..??

സ്വയംചോദിച്ച ചോദ്യത്തിന്,

...അതിന് നീയും നിന്റെതന്തേം എത്രമരുന്ന് കഴിയ്ക്കുന്നൂന്നുള്ള മറുചോദ്യത്തിനുമുന്നിൽ എന്റെഉത്തരംമുട്ടി...

അങ്ങനെ മനസാക്ഷിയേം
കൊഞ്ഞനംകുത്തി ഇരിയ്ക്കുമ്പോഴാണ്,

""...ഓ.! അപ്പൊ എന്റൊപ്പം കുടിയ്ക്കാതിരുന്നത് ഇവടെവന്നിട്ടെല്ലാരോടേം
പറഞ്ഞെന്നെ കളിയാക്കാമ്മേണ്ടീട്ടായ്രുന്നല്ലേ..?? നല്ലതാ..!!"""_ ന്ന മീനാക്ഷിയുടെ വാക്കുകൾ...

""...ആഹാ.! നെനക്കപ്പൊ നേരംവെളുത്തോ..?? സമാധാനം..!!"""_ അവളെയൊന്നുനോക്കിയ ഞാൻ,

""...ആടീ... നിന്നെയിവരുടെമുന്നിൽ നാണങ്കെടുത്താൻതന്നെയാ
ഞാൻ കുടിയ്ക്കാതിരുന്നേ... ഇപ്പെന്താ..??"""_ തിരിച്ചുചോദിച്ചതും അമ്മയടുത്തേയ്ക്കു വന്നു...

അതുകൊണ്ടുമാത്രം പറയാൻതുടങ്ങിയ
വാക്കുകളെയവൾ മുറിച്ചപ്പോൾ അമ്മവീണ്ടും ഞങ്ങളെപ്പിടിച്ചിരുത്തി കഴിപ്പിയ്ക്കുവായ്രുന്നു...

അങ്ങനെയാ
അങ്കമെല്ലാംകഴിഞ്ഞ് തിരിച്ചുറൂമിലെത്തിയപ്പോൾ
പിന്നാലെ
മീനാക്ഷിയുമിങ്ങുപോന്നു...

കേറിവന്നപാടെ കട്ടിലിൽക്കിടന്നയെന്നെ തുറിച്ചുനോക്കിക്കൊണ്ട് അടുത്തേയ്ക്കിരുന്നയവൾ സ്വയംപിറുപിറുത്തു:

""...അതിനിത്രയ്ക്കു
കളിയാക്കാമ്മേണ്ടി എന്തിരിയ്ക്കുന്നു..??
ലോകാത്താരും കുടിയ്ക്കാത്തമാതിരിയാണല്ലോ അതിന്റേക്കെ പറച്ചിലുകേട്ടാൽതോന്നുക...
ആ.! അല്ലേലും ഈ കാട്ടുമുക്കിൽക്കെടക്കുന്നേനൊക്കെ അത്രയ്ക്കുള്ള വിവരല്ലേയുള്ളൂ... എന്നിട്ട് കെട്ട്യോനെ സപ്പോട്ടെയ്യാനായ്ട്ടൊരു
കെട്ട്യോളും... അവളാര് ഉത്തമഭാര്യയോ..?? മീനാഷീടെ സ്വഭാവമറിഞ്ഞൂടൊന്നിനും,