Chapter Title : എന്റെ ഡോക്ടറൂട്ടി 24 [അർജ്ജുൻ ദേവ്]

പോന്നതാ..!!"""_ ന്നായ്രുന്നൂ അവന്റെമറുപടി...

...ഉഫ്.! വീണ്ടും അഫമാനം.! ഈ തൊലിക്കട്ടിയില്ലായ്രുന്നേൽ പോയി ആത്മഹത്യചെയ്യായ്രുന്നു...

ഇതിപ്പോളതും പറ്റാത്തവസ്ഥയാണല്ലോ.!

""...എങ്കിപ്പിന്നെ വെച്ചോണ്ടിരിയ്ക്കാതെ നീയങ്ങവന്റേ കൊടുത്തേക്ക്... രണ്ടൂടെ കൊണ്ടുവെച്ച് കുടിയ്ക്കുവോ കുളിയ്ക്കുവോ എന്താച്ചാച്ചെയ്യട്ടേ..!!"""_ കുഞ്ഞിനുള്ളപാല് നിപ്പിൾബോട്ടിലിലാക്കി അങ്ങോട്ടേയ്ക്കുവന്ന ചേച്ചിയുംവിട്ടില്ല...

""...ഡാ... അതുപാലാണ്... കള്ളാന്നുമ്പറഞ്ഞ്
പിടിച്ചുമേടിച്ചു കുടിച്ചുകളയല്ലേ... കൊച്ചുപട്ടിണിയാവും..!!"""_ ടൂറുപോയ നാവിനു വിശ്രമംകൊടുത്ത് പാൽക്കുപ്പിയിലേയ്ക്കു നോക്കിനിന്നയെന്നെ വീണ്ടുമവൻ ചൊറിഞ്ഞപ്പോൾ ഞാനങ്ങടു കടിച്ചുപിടിച്ചു;

...ഇതു നിന്റെവീടും, പണിതന്നത് എന്റകൂടെവന്ന നാറിയുമായ്പ്പോയി...

അല്ലാണ്ടിതിനെന്തു മറുപടിയാ പറയേണ്ടതെന്നെനിയ്ക്കറിയാമ്പാടില്ലാഞ്ഞിട്ടല്ല.!

ചിരിച്ചുകാണിച്ചുകൊണ്ട് മനസ്സിൽ തെറിവിളിയ്ക്കുമ്പോഴാണ്,

""...എന്നിട്ടാളെവിടെ..??"""_ ന്നുള്ള ചേച്ചിയുടെ ചോദ്യമെത്തീത്...

അതിന്,

""...ഉറങ്ങുവാ..!!"""_ ന്നു മറുപടികൊടുത്തതും
വീണ്ടുമവനിട്ടു താങ്ങി;

""...ഉറങ്ങിയോ, അതോ അടിച്ചു കോൺതിരിഞ്ഞു കിടക്കുന്നോ..??"""

""...ഏയ്.! ഉറങ്ങുവാ..!!"""

""...എന്നാലുമെന്റെ ചെക്കാ... നെനക്കുവേണെങ്കി നീ കുടിച്ചാപ്പോരെ..?? ആ പെണ്ണിനേങ്കൂടിയെന്തിനാ
കുടിപ്പിച്ചേ..??"""_ ജോക്കുട്ടന്റെ മടിയിലിരുന്നകുഞ്ഞിന്
അടുത്തിരുന്ന് കുപ്പിപ്പാല് കൊടുക്കുന്നതിനിടയിൽ ചേച്ചിതിരക്കി...

""...ഞാങ്കുടിപ്പിച്ചെന്നോ..?? ദേ... മറ്റേവർത്താനം പറയരുത്... ഇപ്പഴേയിതൊക്കെ കേറ്റാമ്പറ്റൂന്നുമ്പറഞ്ഞ്
തന്നെത്താൻ വലിച്ചുകേറ്റിയതാ..!!"""

""...ആണോ..??"""_ അതിനെന്നെ പുച്ഛത്തോടൊന്നുനോക്കി;

""...അവളുപറഞ്ഞപ്പോ നീയെന്തിനാ സമ്മതിച്ചുകൊടുക്കാമ്പോയത്..?? അല്ലാ... നീയവളേങ്കൊണ്ടു ഷാപ്പിക്കേറീട്ടല്ലേ അവളുങ്കുടിച്ചേ..?? എന്നിട്ടുമവൾക്കായോ കുറ്റം..?? നീയെന്തിനാ അവളേങ്കൊണ്ടു ഷാപ്പിപ്പോയെ..??"""_ ചേച്ചി കൂട്ടിച്ചേർത്തു...

""...അതോ..?? അതുനിങ്ങടെ കെട്ട്യോനോട് ചോയ്ക്ക്... ഇവന്തന്നാ അവിടെപ്പോയി തിന്നാമ്പറഞ്ഞെ..!!"""

""...ഏഹ്..?? ഇവനോ..??"""_ ഒന്നുമിഴിച്ചചേച്ചി അവന്റെനേരേ മുഖംതിരിച്ചതും,

""...ഡാ... അനാവശ്യമ്പറയരുത്.! ഞാനെപ്പഴാടാ നിന്നോട് ഷാപ്പിപ്പോയി കള്ളുകുടിയ്ക്കാമ്പറഞ്ഞേ..??"""_ ജോയുടെ പിടിവിട്ടു...

""...കള്ളുകുടിയ്ക്കാൻ പറഞ്ഞൂന്ന് പറഞ്ഞില്ലല്ലോ... അവിടെപ്പോയാ ഫുഡ്കിട്ടൂന്ന് പറഞ്ഞതു നീയല്ലേ..?? ആ.! അതുങ്കേട്ടു തിന്നാമ്പോയതുതന്നാ... എന്നിട്ടെരിവുമാറ്റാനെന്നുമ്പറഞ്ഞ് മേടിച്ചുകേറ്റിത്തുടങ്ങീതാ... അവസാനമിങ്ങനൊക്കെയായി..!!"""_ ഒരു ദീർഘനിശ്വാസത്തിന്റകമ്പടിയോടെ പറഞ്ഞുനിർത്തീതും കെട്ട്യോനും കെട്ട്യോളും പരസ്പരംനോക്കി...

ശേഷം,

""...ഉവ്വ.! വിശ്വസിച്ചു.! എന്റെ സിദ്ധൂ... പറയുമ്പോ കുറച്ചൂടെ വിശ്വസിയ്ക്കാമ്പറ്റുന്നെന്തേലും കള്ളമ്പറഞ്ഞൂടേ നെനക്ക്..??"""_ എന്നൊന്നാക്കിച്ചിരിച്ച ചേച്ചി;

""...നീ കള്ളുകുടിയ്ക്കാന്തന്നെ അവളേങ്കൊണ്ടു പോയതാന്നെനിയ്ക്കറിയാം...
പിന്നാള് മീനൂട്ടിയല്ലേ, അപ്പൊ നീ കുടിയ്ക്കുന്നകാണുമ്പൊ അവളുറപ്പായും വേണംന്നുപറയൂലോ... അപ്പൊ പെമ്പറന്നോത്തിയെ സന്തോഷിപ്പിയ്ക്കാൻ നീയങ്ങട് മേടിച്ചുകൊടുത്തു... സത്യത്തിലിതല്ലേ സംഭവിച്ചത്..?? അതങ്ങട് സമ്മതിച്ചാലെന്താ നെനക്ക്..??"""_ ന്നുംചോദിച്ച് നിഗമനപാടവത്തെ കുടഞ്ഞിട്ടപ്പോൾ വായടിച്ചു പൊട്ടിയ്ക്കാനാണെനിയ്ക്കു തോന്നീത്...

അവളൊരു സിബിഐ ഡയറിക്കുറിപ്പ് വന്നിരിയ്ക്കുന്നു...

""...അല്ല ജോക്കുട്ടാ... ഈ ഉള്ളതുപറയാനെന്തിനാ ഇവനിങ്ങനെ ചമ്മുന്നേ..??"""_ ചേച്ചി കണവനെനോക്കീതും,

""...അതേയതേ... നീയെന്തിനാടാ ചമ്മുന്നേ..??"""_ സിബിഐയെ സുഖിപ്പിയ്ക്കാൻ അവനുംമറന്നില്ല...

...മീനാക്ഷിവെച്ച വാള് വെള്ളത്തിലിട്ടുപോയി...
അല്ലായ്രുന്നേ കണ്ണിലൊഴിച്ചേനെ ഞാൻ.!

അവനെനോക്കി