Chapter Title : എന്റെ ഡോക്ടറൂട്ടി 27 [അർജ്ജുൻ ദേവ്]

എന്തൊരുവൈബാണ്...

വേറെവിടൊണ്ട് ഇത്രേം സപ്പോർട്ടീവായ.. ഇത്രക്ക് കൂൾമൈന്റഡായ അച്ഛനുമമ്മേം..??

എന്തൊക്കെ അലമ്പുകാണിച്ചാലും മക്കൾടെകൂടെ... അവരെ സ്നേഹംങ്കൊണ്ട് വീർപ്പുമുട്ടിച്ച്...

വെറുതെയല്ല, ജോക്കുട്ടനും ചേച്ചിയുമൊക്കെ പരസ്പരമിങ്ങനെ സ്നേഹിയ്ക്കുന്നത്...

ഇതൊക്കെക്കണ്ടല്ലേ അവരും പഠിയ്ക്കുന്നെ...

അടുത്തജന്മത്തിലെങ്കിലും
ഈവീട്ടിൽ ഇവർക്കിടയിലൊന്നു ജനിയ്ക്കാൻ പറ്റിയെങ്കിൽ.. ജീവിയ്ക്കാൻ പറ്റിയെങ്കിൽ.!

കഴിയ്ക്കുന്നതിനിടയിൽ വൈകുന്നേരത്തെ അടിച്ചുപൊളി പരിപാടികളെക്കുറിച്ചവർ പ്ലാൻചെയ്യുമ്പോൾ മുഴുവൻ എന്റെചിന്തയതായ്രുന്നു...

എന്നാൽ മീനാക്ഷിയുടെ ഫോണിരുന്നു ബെല്ലടിച്ചപ്പോഴാണ് ഞാൻചുറ്റുമൊന്നു നോക്കുന്നതുപോലും...

""...ഏഹ്.! ഡാ വീട്ടിന്നമ്മയാണല്ലോ... ഇതെന്തോപറ്റി ഇപ്പൊപ്പെട്ടെന്നൊരുവിളി..??"""_ കഴിയ്ക്കുന്നതിനിടയിൽ ഡിസ്പ്ളേയിലേയ്ക്കു നോക്കിക്കൊണ്ട് പറഞ്ഞശേഷം ഫോൺ അറ്റൻഡ്ചെയ്തയവൾ ലൗഡ്സ്പീക്കറിലിട്ട് ടേബിനു പുറത്തായിവെച്ചു...

""...ആ.! പറഞ്ഞോ അമ്മേ... സുഖമാണോ..?? രണ്ടൂസായ്ട്ട് ഇങ്ങോട്ടേയ്ക്കുള്ള വിളിയൊന്നും കാണാണ്ടായപ്പോൾ മറന്നൂന്നാകരുതിയെ..!!"""_ പറഞ്ഞശേഷം
ചമ്മന്തിയിലേയ്ക്കു മുക്കിയ ദോശ വായിലേയ്ക്കു വെയ്ക്കുന്നതിനൊപ്പം എല്ലാരേംനോക്കി മീനാക്ഷിയൊന്നു ചിരിച്ചു...

എന്നാൽ അതിനു തിരിച്ചുള്ളമറുപടി ഞങ്ങളെല്ലാരേം ഒരുപോലെ ഞെട്ടിച്ചു;

""...എന്താ നിങ്ങടെയുദ്ദേശം..?? അവിടെത്തന്നെ കൂടാനാണോ..??"""_ കേട്ടതോ അമ്മയ്ക്കുപകരം എന്റെതന്തപ്പടിയുടെ ശബ്ദവും...

""...ഏഹ്..?? അച്ഛനായ്രുന്നോ..?? എന്തുപറ്റിയച്ഛാ വിശേഷിച്ച്..??"""_ ഒന്നുപതറിയെങ്കിലും അതുപുറത്തു കാണിയ്ക്കാതെ മീനാക്ഷിചോദിച്ചു...

ഉടനെ പുള്ളിയൊരു പൊട്ടിത്തെറിയായ്രുന്നു;

""...അവനോ വീട്ടിക്കേറണോന്നോ കോളേജിപ്പോണോന്നോ പഠിയ്ക്കണോന്നോരു ചിന്തയില്ല... അതുപോലാണോ നീ..?? നീയൊന്നൂല്ലേലുമൊരു ഡോക്ടറല്ലേ..?? അപ്പതിന്റൊരു റെസ്പോൺസിബിലിറ്റി ഈ സൊസൈറ്റിയോടു കാണിയ്ക്കണ്ടേ..?? മാത്രല്ല, നിന്റെസ്റ്റഡീസോ..?? എത്രക്ലാസ്സാണ് മിസ്സാക്കിയേന്നൊരു ചിന്തയുണ്ടോ നെനക്ക്..?? അവസാനം ഞാനായ്ട്ട് നിന്റെഭാവികളഞ്ഞൂന്നേ എല്ലാരുമ്പറയൂ... അതുകൂടെ കേൾപ്പിയ്ക്കാനായ്ട്ടായ്രിയ്ക്കും പോയടത്തുതന്നെ കെട്ടിപ്പേറിക്കിടക്കുന്നേ..!!"""

""...അച്ഛാ... അതുപിന്നെ ഞാൻ.."""_ അതിനിടയിലെന്തോ പറയാനായി മീനാക്ഷിശ്രെമിച്ചെങ്കിലും അതൊന്നുംകേട്ടഭാവം നടിയ്ക്കാതെ പുള്ളിതുടർന്നു;

""...ഒന്നൂല്ലേലും ബേസിക് മാനേസെന്നൊരു കാര്യമുണ്ട്... പിറന്നാളിനു പങ്കെടുക്കാനായിപ്പോയാൽ പങ്കെടുത്തിട്ടിങ്ങു പോരണം...
അല്ലാതവടെന്നിറങ്ങാതെ
കിടക്കുവല്ലചെയ്യേണ്ടത്... അവന്റെകാര്യംപോട്ടേ... വിവരമില്ലെന്നുപറയാം... എന്നാ നീയുമവന്റൊപ്പംകൂടി വകയ്ക്കു കൊള്ളാണ്ടായോ..??"""_ അയാള് വീണ്ടുംനിന്നുതെറിച്ചു...

എന്നാലത്രയുംപേര് കേട്ടുനിൽക്കേ അങ്ങനെപറഞ്ഞതെന്തോ എനിയ്ക്കങ്ങട് സഹിയ്ക്കാൻപറ്റീല...

""...ഇത്രേമത്യാവശ്യപ്പെട്ട് നിന്നെയങ്ങോട്ടു വിളിച്ചുവരുത്താനീ വയസ്സാംകാലത്ത് ഇങ്ങേർടെമറ്റവൾക്കു കൊരുത്തുണ്ടായോന്ന് ചോദിയ്ക്കെടീ..!!"""_ തന്തപ്പടി കേൾക്കണമെന്ന ഒറ്റയുദ്ദേശത്തോടുകൂടി
ഞാനെന്റെ ശബ്ദംമുഴക്കീതും കേട്ടുനിന്നവരെല്ലാം മൂക്കത്തു വിരലുവെച്ചുപോയി...

""...ആ.! നീയോ മുടിയാനായ്ട്ടൊണ്ടായോൻ... നീയേതിലേ വേണമെങ്കിലും
പൊക്കോ... എന്നാലതുപോലല്ലാ പെങ്കൊച്ചിന്റെകാര്യം... അതിനിപ്പൊത്തന്നൊത്തിരി ക്ലാസ്സുമിസ്സായി... അതോണ്ട് ദയവുചെയ്താക്കൊച്ചിന്റെ ഭാവിനശിപ്പിയ്ക്കരുത്... അപേക്ഷയാണ്..!!"""

""...അതിനു ഞാനായ്ട്ടാരേം.."""_ അയാളുപറഞ്ഞതിനു മറുപടിയായി നാവുയർത്തിയെങ്കിലും എനിയ്ക്കുപറയാനുള്ളത് കേൾക്കാമ്പോലും നിൽക്കാതെ അയാള് കോള്കട്ടാക്കി...

""...തൊലിയ്ക്കാനായ്ട്ട്..!!"""_ ഉള്ളിലെ കലിപ്പടക്കാനാവാതെ ഡയനിങ്ടേബിളിനിട്ട് ഇടിച്ചുകൊണ്ട് ഞാനാ ദേഷ്യമടക്കാനായി ശ്രെമിയ്ക്കുമ്പോൾ കൂടിനിന്നയെല്ലാരുടേം കണ്ണുകൾ ഞങ്ങടെ മേലായ്രുന്നു...

""...നെനക്കിപ്പോൾ