Chapter Title : എന്റെ ഡോക്ടറൂട്ടി 29 [അർജ്ജുൻ ദേവ്]

നൈസിന് അടുക്കളയിൽനിന്നും അച്ഛനിറങ്ങിയ ഭാഗത്തേയ്ക്കു നടക്കുമ്പോൾ ജോക്കുട്ടനപ്പോഴും മുരിങ്ങാക്കോലും പിടിച്ച് എയറിലേയ്ക്കുള്ള യാത്രയിൽ തന്നെയാണ്...

ഇത്രനേരം അടിച്ചു കൊടുത്തതിനൊക്കെ തിരിച്ചു കൊടുക്കാതിരിയ്ക്കുമോ ബാക്കിയുള്ളോര്...

അതുകൊണ്ട് മാത്രം ഞാൻ രക്ഷപ്പെട്ടു...

അതിനിടയിൽ,

""...ഇതിപ്പോ ആരുമറിയാതെ രണ്ടുംകൂടി പണിപറ്റിച്ചു കഴിഞ്ഞാൽ തക്കുടുവെങ്ങനെ സഹിയ്ക്കോ ആവോ..?? എന്റൊരഭിപ്രായത്തിൽ അതു നിങ്ങളീ കുരുന്ന് മനുഷ്യനോടു കാണിയ്ക്കുന്ന നീതികേടല്ലേ...?? ഞാമ്പറഞ്ഞന്നേയുള്ളൂ..!!"""_ ന്നുള്ള മീനാക്ഷിയുടെ ഡയലോഗും ഉയർന്നുകേട്ടു...

എനിയ്ക്കതുകേട്ടതും ചിരിവന്നു...

...ഇവളെന്നാലും ഇത്രയ്ക്കു വൈബ് ടീമായ്രുന്നോ..?? ശ്ശെയ്.!

മനസ്സിലങ്ങനേം കരുതി നടക്കുമ്പോൾ അടുക്കളപ്പുറത്തെ ചെറിയ പന്തലിനുപുറത്തായി കിടന്ന കസേര വലിച്ചടുപ്പിയ്ക്കുകയാണ് ജോക്കുട്ടന്റച്ഛൻ...

കൂടെ ചേച്ചിയുടച്ഛനുമുണ്ട്...

""...അച്ഛാ... കൂയ്.! എന്താണ് പരിപാടി..??"""_ പാഞ്ഞടുത്തേയ്ക്കു ചെന്ന് ഞാനുമവർക്കൊപ്പം കൂടി...

അങ്ങനവർക്കൊപ്പം ചുമ്മാ ഓരോന്നൊക്കെ പറയുമ്പോഴാണ് മീനാക്ഷിയങ്ങോട്ടേയ്ക്കു വരുന്നത്... വന്നപാടെ,

""...സിത്തൂ... ഒന്നിങ്ങട് വരോ..??"""_ ന്ന് കുറച്ചു മാറിനിന്നുവിളിച്ചതും അച്ഛനോടു കണ്ണുകാണിച്ചിട്ട് ഞാനങ്ങോട്ടേയ്ക്കു ചെന്നു...

""...എന്താടീ..??"""_ ഞാനവൾടടുത്തേയ്ക്കു ചെന്നിട്ട് ചുറ്റുമൊന്നു കണ്ണോടിച്ചു...

""...എടാ... സംഭവം ജോക്കുട്ടൻ തമാശയായ്ട്ട് പറഞ്ഞതാണേലും എനിയ്ക്കെന്തോ ഒരു വല്ലായ്ക..!!"""_ വിടർത്തിയിട്ടിരുന്നതിൽ നിന്നും രണ്ടോമൂന്നോ മുടിയിഴകൾ കാറ്റിൽപ്പറന്ന് മുഖത്തേയ്ക്കുവീണത് മാടിയൊതുക്കി ചെവിയ്ക്കുപിന്നിലേയ്ക്കു ചൊരുക്കിക്കൊണ്ട് മീനാക്ഷിപറഞ്ഞു...

""...എന്തിന്..??"""_ തിരിച്ചതു ചോദിയ്ക്കുമ്പോൾ എന്റെകണ്ണുകൾ മിഴിഞ്ഞിരുന്നു...

...ഈശ്വരാ... ഇനിയിവൾക്കിപ്പൊ കുഞ്ഞിനെ വേണോന്നുപറയാൻ വന്നതാണോ..??_ ഞാൻ ഞെട്ടിയഭാവത്തിൽ നിൽക്കുമ്പോൾത്തന്നെ അവൾമൊഴിഞ്ഞു;

""...അല്ലടാ... നമുക്കു കുറച്ചു ചിക്കനോ ബീഫോ എന്തേലുംമേടിച്ചാലോ..?? ഇല്ലേൽപ്പിന്നെ അതൊരു കുറച്ചിലല്ലേ..?? തമാശയായ്ട്ടാണേലും അവനങ്ങനെപറഞ്ഞപ്പോൾ മുതൽ എനിയ്ക്കെന്തോ ഒരു വല്ലായ്ക... നമ്മളവടെയായിരുന്നപ്പോൾ അവരൊരു കുറവുംവരാണ്ടു നോക്കിയതല്ലേ..!!”””_ അനുവാദത്തിനെന്നോണം എന്നെനോക്കിയവൾ പറയുമ്പോഴാണ് എന്റെ കിളിതിരിച്ചുവന്നത്...

...ഹൊ.! അപ്പൊ ഞാനുദ്ദേശിച്ചതല്ല.!

""...എടാ... നീയെന്താ ഒന്നുംമിണ്ടാത്തേ..??"""_ അവള് വീണ്ടുമെന്നെ തുറിച്ചുനോക്കുമ്പോൾ
അവളാപ്പറഞ്ഞതിലും കാര്യമുണ്ടെന്നെനിയ്ക്കു തോന്നി...

“”...പക്ഷേ ഫണ്ട്..??”””

“”...എടാ... അതു ഞാന്തരാം... നീ പോയൊന്നു മേടിയ്ക്കോ..??”””_ അവളുവീണ്ടും അപേക്ഷാസ്വരം പുറത്തെടുക്കുമ്പോൾ,

""...അതിനിപ്പൊ ചോദിയ്ക്കാനെന്തിരിയ്ക്കുന്നു..?? ഞാൻ ദേ പോവുവല്ലേ..!!"""_ ന്നുംപറഞ്ഞൊരു ചിരിയായ്രുന്നു ഞാൻ...

""...എടാ... എന്നാ നീയിതുമേടിയ്ക്കാനാണ് പുറത്തുപോണതെന്ന് ആർടടുത്തും പറയണ്ട... അവരറിഞ്ഞാ സമ്മതിയ്ക്കൂല... അതുകൊണ്ട് വേറെന്തേലുംപറഞ്ഞ് പോയാമതി കേട്ടോ..!!"""_ ന്നവൾ പറഞ്ഞതിന് ഞാൻ തലകുലുക്കീതും,

""...എന്നാലൊന്നു നിയ്ക്കേ... ഞാനിപ്പൊ ക്യാഷെടുത്തിട്ടുവരാം..!!"""_ ന്നും പറഞ്ഞവൾ അകത്തേയ്ക്കു കേറി.. ആ നേരം ഞാൻ തിരിച്ചച്ഛന്റടുത്തേയ്ക്കു വിട്ടു...

“”...എന്താടാ..?? എന്താ പ്രശ്നം..??