Chapter Title : എന്റെ ഡോക്ടറൂട്ടി 26 [അർജ്ജുൻ ദേവ്]

എന്തേലും ചോദിയ്ക്കണോലോന്നുവെച്ച് ഞാൻതിരക്കി....

""...എന്റെപേരോ..??
എന്റെപേര് സീത.! എന്തേയ്..??"""_ ഒരുചിരിയോടെ ആന്റിതിരക്കി...

അതിനൊന്നുമില്ലെന്ന് തലയാട്ടുമ്പോൾ,

""...ദേ... ആ പോണതാണ്
ഈ സീതേടെരാമൻ..!!"""_ കാരണവരെ ചൂണ്ടിക്കൊണ്ട് മീനാക്ഷിചിരിച്ചു...

""...അപ്പോളേറ്റോം മുന്നേന്നുപോണതാരാ..?? ഹനുമാനോ..?? മ്മ്മ്.! മലയ്ക്കുപകരം തോളത്തൊരു ചാക്കൊക്കെണ്ടല്ലോ..!!'"""_ ഞാനൊന്നുചിരിച്ചതും മീനാക്ഷിയെന്നെനോക്കി കണ്ണുരുട്ടി...

ശേഷം പിന്നിലേയ്ക്കു നോക്കാനായി കണ്ണുകാണിയ്ക്കുവേം ചെയ്തു...

തിരിഞ്ഞുനോക്കുമ്പോൾ കാണുന്നതോ ഞങ്ങളെനോക്കി പല്ലുകടിയ്ക്കുന്ന ചേച്ചിയേയും... സബാഷ്.!

""...അത്... അതുപിന്നെ ഞാനൊരുതമാശയ്ക്ക്..!!"""

""...നിന്റെതമാശ കുറേക്കൂടുന്നുണ്ട്... ഇങ്ങോട്ടുവാടാ..!!"""_ പറയുന്നതിനൊപ്പം അവരെന്നേയും പിടിച്ചുവലിച്ചുകൊണ്ട് അടുക്കളയിലേയ്ക്കു നടന്നു...

""...ജോക്കുട്ടാ... ഇവൻനിന്നെ പറഞ്ഞതുകേട്ടോടാ..??"""_ അടുക്കളയിലേയ്ക്കു ചെന്നപാടെ ചേച്ചിയുടെചോദ്യം...

അപ്പോഴേയ്ക്കും നിലത്തേയ്ക്കുവെച്ച ചാക്കുതുറന്ന് അതിൽനിന്നുമൊരു വലിയ കാർട്ടൂണവർ പുറത്തെടുത്തിരുന്നു...

""...ഉം..??"""

""...ഇവൻനിന്നെ വിളിച്ചതുകേട്ടോ, ഹനുമാനേന്ന്..!!"""

""...ആ ബെസ്റ്റ്.! അവൻ ഞാനാണെന്നുകരുതി കണ്ണാടീലേയ്ക്കാവും നോക്കിയിട്ടുണ്ടാവുക...
നീ കണാക്കുണാ പറഞ്ഞുനിയ്ക്കാതെ ഇതൊന്നുനുറുക്കാൻ നോക്കിയേ... എത്രേംപെട്ടെന്ന് നുറുക്കിയില്ലേലിതിപ്പോ കേടാവും... മഞ്ഞളിന്റെ പവറൊക്കെയിപ്പോ പോയിക്കാണും..!!"""_ കാർട്ടൂണിനകത്തൂന്നൊരു ബിഗ്ഷോപ്പറെടുത്തു
പുറത്തുവെച്ചിട്ട് ജോക്കുട്ടൻപറഞ്ഞു...

""...ആ അതിപ്പോ നുറുക്കാന്നേ... അല്ലച്ഛാ... ഇതിപ്പെവിടുന്നു സംഘടിപ്പിച്ചു..??"""_ ചേച്ചിയാ കാരണവർക്കുനേരേ തിരിഞ്ഞു...

""...ഓ.! അതുനമ്മടെ ചാക്കോപ്പീടെ പന്നിക്കുഴീലിന്നലെ ചാടീതാ... പിള്ളേരൊക്കെ വന്നിട്ടുണ്ടല്ലോന്നുകരുതി
ഞാനൊരു മൂന്നാല്കിലോ മേടിച്ചോണ്ടുപോന്നതാ..!!"""_ പുള്ളിയുടെമറുപടി...

അപ്പോഴേയ്ക്കും ഫോണും കയ്യിൽപിടിച്ച് അച്ചുവും അടുക്കളയിലേയ്ക്കെത്തി...

ആ പാവപ്പെട്ടവന്റെ തൊത്തെങ്കിലും ബാക്കിയുണ്ടാവോന്ന് ദൈവത്തിനറിയാം...

""...അല്ലാ... തന്തയ്ക്കുംതള്ളയ്ക്കുമെന്താ ഈ സമയത്തിങ്ങോട്ടു പോരാൻതോന്നിയെ..?? പശൂനേംക്കെട്ടിപ്പിടിച്ചവിടിരുന്നാൽ പോരായ്രുന്നോ..??"""_ വന്നപാടെ അവളു മുറുമുറുക്കുവേംചെയ്തു...

""...ഓ.! അവളെയിന്നെലെ കൊടുത്തു..!!"""_ സീതാന്റിയിടയ്ക്കു കേറി...

""...ആ എനിയ്ക്കുതോന്നി... അല്ലേലിങ്ങോട്ടു കെട്ടിയെടുക്കത്തില്ലല്ലോ... സ്വന്തംമക്കളേക്കാളും വലുതാണല്ലോ തള്ളയ്ക്കാ പേട്ടുപശു..!!"""

""...എന്തുപറഞ്ഞാലും
നിന്നേക്കാളുംഭേദം അതുതന്നെയാ..!!"""

""...അതെന്തേ... അതിനുകൊമ്പൊണ്ടോ..??"""

""...പശൂനുപിന്നെ കൊമ്പില്ലേ..??"""_ ആന്റിയുംവിട്ടില്ല...

അതുകേട്ട് ഞങ്ങളൊക്കെ ചിരിയ്ക്കാൻതുടങ്ങീതും അച്ചുകലിപ്പായി...

""...ദേ... എന്നെക്കൊണ്ടൊന്നും പറയിപ്പിയ്ക്കരുത്... അല്ലയീ മക്കളേക്കാളും വല്യ