Chapter Title : എന്റെ ഡോക്ടറൂട്ടി 29 [അർജ്ജുൻ ദേവ്]

ഐഡിയയാവുമല്ലേ..?? എന്നെ ബ്രെയ്ൻവാഷുചെയ്യാൻ..??"""_ ഇരുന്നിടത്തുനിന്ന് ചാടിയെഴുന്നേറ്റുനിന്ന്
ഒന്നുതെറിച്ചിട്ട് ഞാൻചോദിച്ചതും പകച്ചിരിയ്ക്കാനല്ലാതെ മറ്റൊന്നിനുമായില്ല മീനാക്ഷിയ്ക്ക്... അപ്പോൾ ഞാൻതുടർന്നു;

""...രാവിലേ നീയോരോന്നൊക്കെ പറഞ്ഞിറങ്ങീപ്പോഴേ എനിയ്ക്കുതോന്നീതാ...
എന്തോ ഉടായിപ്പാന്ന്...
ഇപ്പൊറപ്പായി... അപ്പിതായ്രുന്നല്ലേ നിന്റുദ്ദേശം..?? ആയിക്കോട്ടേ..!!"""_ പറഞ്ഞുകൊണ്ട് ബാഗുമെടുത്ത്
ഞാൻ തിരിഞ്ഞുനടന്നു...

രണ്ടടിനടന്നശേഷം തിരിയുമ്പോൾ ഇടിവെട്ടേറ്റപോലെ ഇരിയ്ക്കുന്ന മീനാക്ഷിയെയാണ് കാണുന്നത്...

ഞാൻ നോക്കീതുകണ്ടതും
അവളൊന്നു ചിരിയ്ക്കാനായി ശ്രെമിച്ചു...

ഉടനെ,

""...ഡീ... നെനക്കൈസ്ക്രീം വേണോ..??"""_ ന്നൊരു
ചോദ്യമായ്രുന്നൂ ഞാൻ...

എന്റെയാ ചോദ്യംകേട്ടെങ്കിലും അതിന്റർത്ഥം മനസ്സിലാകാതെ അവളെന്നെ തുറിച്ചുനോക്കിയിരുന്നു...

അപ്പോൾഞാൻ ചോദ്യമാവർത്തിച്ചു;

""...അതേ... നെനക്കൈസ്ക്രീം വേണോ..?? വേണ്ടേ..??"""

""...മ്മ്മ്.! വേണം..!!"""_ നേർത്തശബ്ദത്തിൽ മീനാക്ഷിയുടെ മറുപടിവന്നതും,

""...ആം.! എന്നാവാ... വന്നു കാശുകൊട്..!!"""_ ന്നുപറഞ്ഞു വെച്ചുനടക്കുമ്പോൾ ഞാനറിയാതെ ചിരിച്ചുപോയ്‌രുന്നു...

രണ്ടോമൂന്നോ അടി മുന്നോട്ടുവെച്ചിട്ടുണ്ടാവും
അപ്പോളാണ് എന്തോവന്ന് പുറത്തുവീഴുന്നതറിഞ്ഞത്...

അതിന്,

""...അമ്മേ..!!"""_ ന്നുംവിളിച്ച് പുളഞ്ഞുകൊണ്ട് പിന്നിലേയ്ക്കു നോക്കുമ്പോൾ കയ്യിൽബാഗുംപിടിച്ച് കണ്ണുമുരുട്ടി നിൽക്കുവായ്രുന്നു മീനാക്ഷി...

""...എന്ത്രീ പ്രാന്തീ..??"""_ പുറവും തടവിക്കൊണ്ട് ഞാൻകലിച്ചതും,

""...എത്രയൊക്കെ ആയാലും
നീ നന്നാവൂലല്ലേടാ നാറീ..??"""_ ന്നായ്രുന്നു അവൾടെചോദ്യം...

ചോദിയ്ക്കുമ്പോൾ
ആ മുഖത്തുണ്ടായ ദേഷ്യവും നിസ്സഹായതയുമെല്ലാംകൂടി
കണ്ടപ്പോൾ എനിയ്ക്കു ചിരിയാണ് വന്നത്...

""...സോറി... അത്രപെട്ടെന്നൊന്നും നന്നാവാൻ ഞാൻ തീരുമാനിച്ചിട്ടില്ല..!!"""

""...ഉവ്വ.! കാണാലോ..!!"""_ കെറുവോടെപറഞ്ഞ് ബാഗുമായവൾ ഐസ്ക്രീം വണ്ടീടടുത്തേയ്ക്കു നടക്കുമ്പോൾ ഞാനുംകൂടെക്കൂടി...

""...അതേ ചേട്ടാ...
ഇവനൊരൈസ്ക്രീം കൊടുത്തേക്ക്..!!"""_ ഐസ്ക്രീം വണ്ടീടടുത്തെത്തീതും മീനാക്ഷിവിളിച്ചുപറഞ്ഞു...

""...ഏഹ്.! അപ്പൊ നെനക്കുവേണ്ടേ..??"""_ അത്ഭുതത്തോടെ
ഞാനവൾടെനേരേ തിരിഞ്ഞതിനവൾ മറുപടിയൊന്നുംപറയാതെ തുറിച്ചുനോക്കുവാണ് ചെയ്തത്...

അപ്പോഴേയ്ക്കും ഐസ്ക്രീംചേട്ടൻ കോണിലേയ്ക്കൊരു സ്കൂപ്പ്നിറച്ച് എന്റെനേരേ നീട്ടിയിരുന്നു...

ഞാനതുവാങ്ങുമ്പോൾ അയാൾ മീനാക്ഷിയെനോക്കി...

""...മോൾക്കുവേണ്ടേ..??"""

""...രണ്ടെണ്ണം..!!"""_ വിരലുയർത്തിക്കാട്ടി പതിഞ്ഞശബ്ദത്തിലവൾ
പറഞ്ഞതും, ഉഫ്.! ഒരുമാറ്റോമില്ലല്ലേന്നമട്ടിൽ ഞാനവളെയൊന്നു നോക്കുവായ്രുന്നു...

""...എടാ... നമ്മളിങ്ങനെ ഐസ്ക്രീമൊക്കെക്കുടിച്ച് ബീച്ചിലൂടെനടക്കണത് നിന്റച്ഛനാണംകണ്ടാൽ എന്താവുമവസ്ഥേന്നാലോചിച്ചു നോക്കിയേ..!!"""_