Chapter Title : എന്റെ മാത്രം 2 [ ne-na ]

അവന്റെ മുഖത്തേക്ക് നോക്കി. അവളുടെ കവിളുകൾ ചുവന്ന് തുടിത്തിരുന്നു.
ശബ്ദം പുറത്ത് വരാതെ അവളുടെ ചുണ്ടുകൾ അവന്റെ മുഖത്ത് നോക്കി ചലിച്ചു.
"പോടാ നാറി.."
ഒരു ചെറു ചിരിയായിരുന്നു അവന്റെ മറുപടി.
സീറ്റിൽ നിന്നും എഴുന്നേറ്റ് അവനെ തള്ളിമാറ്റി അവൾ വിൻഡോ സൈഡിലേക്ക് ഇരുന്നു.
കുറച്ച് സമയം കഴിഞ്ഞപ്പോഴേക്കും ട്രെയിനിൽ ആളുകൾ കയറി തുടങ്ങി. അത്രേം നേരം സംസാരിച്ച് ഇരുന്നതൊക്കെ മറന്ന മട്ടിൽ അവൾ വേറെ എന്തൊക്കെയോ അവനോടു സംസാരിച്ച് തുടങ്ങി.
ട്രെയിൻ നീങ്ങി തുടങ്ങിയപ്പോൾ കൊച്ചു കുട്ടിയോടെന്നപോലുള്ള കൗതുകം ആയിരുന്നു അവളുടെ മുഖത്ത്. വിൻഡോയിലെ കമ്പിയിൽ മുഖം ചേർത്ത് വച്ച് പുറത്തെ കാഴ്ചകൾ കണ്ട് അവൾ ഇരുന്നു. പരവൂർ റെയിൽവേ സ്റ്റേഷനിൽ ഇറങ്ങി ബസ് സ്റ്റാൻഡിലേക്ക് നടക്കുമ്പോൾ കൈ വിട്ടു പോകാതിരിക്കാനെന്നവണ്ണം അവന്റെ കൈയിൽ അവൾ മുറുകെ പിടിച്ചാണ് നടന്നത്.
പാരിപ്പള്ളി ബസ് ഇറങ്ങിയ നവീൻ പറഞ്ഞു.
"എന്നാ നമുക്കിനി നാളെ കാണാം.. ഞാൻ രാത്രി വിളിക്കാം."
പിന്തിരിഞ്ഞ് നടക്കാൻ തുടങ്ങിയ നവീന്റെ കൈയിൽ പല്ലവി കയറി പിടിച്ചു. നവീൻ തിരിഞ്ഞ് അവളുടെ മുഖത്തേക്ക് എന്താ എന്നർത്ഥത്തിൽ നോക്കി.
അവളുടെ മുഖത്താകെ നാണം നിറഞ്ഞ് നിന്നിരുന്നു. അവൾ ചുണ്ടുകൾ അനക്കി.
"നീ ചോദിച്ചതിനുള്ള ഉത്തരം നിനക്ക് വേണ്ടേ?"
ചിരിയോടു കൂടി അവൻ പറഞ്ഞു.
"അത് ഞാൻ നിന്നെ കളിയാക്കുവാൻ ചോദിച്ചതല്ലേ.."
"അപ്പോൾ നിനക്ക് അത് അറിയണമെന്ന് ഒട്ടും ആഗ്രഹം ഇല്ലേ?"
നവീൻ ഉത്തരം ഒന്നും നൽകാതെ അവളുടെ മുഖത്തേക്ക് തന്നെ നോക്കി നിന്നു.
അവനോടു ഒന്നും കൂടി ചേർന്ന് നിന്നുകൊണ്ട് അവൾ പറഞ്ഞു.
"ലൈറ്റ് ചോക്ലേറ്റ്