Chapter Title : എന്റെ മാത്രം 4 [ ne-na ]

അവൻ ബാഗും എടുത്ത് റൂമിലേക്ക് നടന്നു. റൂമിലേക്കുള്ള പടികൾ കയറി അവൻ മുകളിൽ എത്തിയപ്പോൾ ആണ് പല്ലവി അവനെയും നോക്കി അവളുടെ വീട്ടിലെ ടെറസിൽ നിൽക്കുന്നു. അവൻ റൂം തുറക്കാതെ അവളുടെ അടുത്തേക്ക് നടന്നു.
"എന്താടി?"
ചിരിയോടെ അവൾ ചോദിച്ചു.
"ഞാൻ റിസപ്ഷന് പോകാൻ ഏത് ഡ്രസ്സ് ഇടണമെടാ?"
നവീന്റെ മുഖത്ത് ചിരി പടർന്നു.
"ഇത് ചോദിക്കാനാണോ വന്ന് നിന്നെ.. നിനക്ക് നല്ലൊരണം എടുത്ത് അങ്ങ് ഇട്ടാൽ പോരെ."
അവൾ ചിണുങ്ങി കൊണ്ട് പറഞ്ഞു.
"എന്നാലും നീ ഒരെണ്ണം പറ."
ചിരിയോടെ നവീൻ പറഞ്ഞു.
"ബ്ലൂ കളർ ചുരിദാർ ഇന്ന് ഇട്.. നാളെ കല്യാണത്തിന് വൈറ്റ് ടോപ്പും റോസ് പാവാടയും."
"ഓക്കേ.."
അവൾ ചിരിയോടെ തിരിച്ച് നടന്നു.
നവീൻ അഞ്ചരക്ക് പല്ലവിയുടെ വീട്ട് മുറ്റത്ത് എത്തുമ്പോൾ അവൻ പറഞ്ഞപോലെ തന്നെ സമയത് പല്ലവി ഒരുങ്ങി നിൽപ്പുണ്ടായിരുന്നു.
നവീൻ പറഞ്ഞ നീല കളർ ചുരിദാർ തന്നെയാണ് അവൾ ധരിച്ചിരുന്നെ. എപ്പോഴത്തെയും പോലെത്തന്നെ അധീവ സുന്ദരി തന്നെ ആയിരുന്നു അവളെ അതിൽ കാണുവാൻ.
പല്ലവി പടി ഇറങ്ങി മുറ്റത്ത് നിന്ന് ചെരിപ്പ് ഇടുമ്പോൾ നവീൻ സുലജയോട് പറഞ്ഞു.
"ആന്റി, ഞങ്ങൾ ഒരു എട്ടു മണി ആകും തിരിച്ചെത്താൻ. എന്തേലും കാര്യം ഉണ്ടേൽ ഇവളുടെ ഫോണിൽ വിളിച്ചാൽ മതിയാകും."
"നിന്റെ ഫോൺ എവിടെ?"
പല്ലവിയുടെ ആയിരുന്നു ചോദ്യം.
"അത് ചാർജ് കുത്തിയിടാൻ മറന്നു പോയി. സ്വിച്ച്ഓഫ് ആയി."
പല്ലവി അവളുടെ കൈയിൽ ഇരുന്ന മൊബൈൽ അവന്റെ കൈയിൽ കൊടുത്തു.
"നിന്റെ ഫോൺ ഇല്ലല്ലോ.. ഇത് നിന്റെ പോക്കറ്റിൽ ഇട്ടേക്ക്, ഞാൻ ചുമന്നോണ്ട്