Chapter Title : എന്റെ ഓര്മ്മകള് - 25 (climax)
ഇനി വരാനിരിക്കുന്ന എല്ലാ ജന്മങ്ങളിലും നമ്മള് ഒന്നായിരിക്കും....”
എന്റെ മനസിന്റെ അഗാധതകളില് നിന്നും വന്ന ആ വാക്കുകള് ഒരു കുഞ്ഞിന്റെ അത്ഭുതഭാവത്തോടെയാണ് അവള് കേട്ടു കിടന്നത്. ഞാന് ആ കണ്ണുകളിലേക്ക് നോക്കി. അവള് സ്വയം മറന്ന് കിടക്കുകയാണോ എന്ന് ഞാന് ശങ്കിച്ചു. കാരണം എന്റെ കണ്ണിലേക്ക് ഒരേ നോട്ടം നോക്കി അവള് കിടക്കുകയായിരുന്നു...
...............................
ഇപ്പോഴും എന്റെ കണ്ണിലേക്ക് നോക്കി അവള് കിടക്കുകയാണ്...ജീര്ണിച്ചു തുടങ്ങിയ ആ ഇല്ലത്തല്ല..സ്വന്തം വിയര്പ്പ് കൊണ്ട് ഞാന് പണിത എന്റെ ഇരുനില സൌധത്തില്, ഞങ്ങളുടെ കിടപ്പ് മുറിയില്. എനിക്ക് ശ്രീദേവിയില് ഉണ്ടായ രണ്ടു മക്കളില് മൂത്തവള്ക്ക് എട്ടും, ഇളയവന് അഞ്ചും ആണ് പ്രായം. മുതലാളി ചെറിയ ഒരു ബിസിനസിന്റെ ചുമതല എന്നെ ഏല്പ്പിച്ചു. അത് എന്റെ കഴിവ് കൊണ്ടോ ഭാഗ്യം കൊണ്ടോ അതോ ശ്രീദേവി എന്ന എന്റെ എല്ലാ ഭാഗ്യങ്ങളുടെയും കാരണമായ സാക്ഷാല് ദേവിയുടെ ഐശ്വര്യം കൊണ്ടോ എന്നറിയില്ല..ദ്രുതഗതിയില് ആയിരുന്നു അതിന്റെ വളര്ച്ച. നല്ലവനായ മുതലാളി എനിക്ക് ലാഭത്തിന്റെ ഒരു വിഹിതം സന്മനസ്സോടെ നല്കിയപ്പോള് ഞാനും ചെറിയ ഒരു മുതലാളി ആയി മാറുകയായിരുന്നു.
എനിക്ക് ഇന്ന് ഒരൊറ്റ ദൌര്ബല്യം മാത്രമെ ഉള്ളു; അതെന്റെ ശ്രീദേവി ആണ്. അവളെ കാണാതെ ഒരു നിമിഷം എനിക്ക് ജീവിക്കാന് പറ്റില്ല. അവളെന്റെ ശരീരവും ആത്മാവും മനസും എല്ലാമാണ്. അവളെപ്പോലെ ഒരു പെണ്ണിനെ എനിക്ക് നല്കിയ ദൈവത്തിനോട് എന്നെന്നും കടപ്പെട്ടുകൊണ്ട് ഈ ജീവിതം ഞാന് തുടരട്ടെ...
------------------------------------------------THE-END--------------------------------------------------
💬 Comments
View all comments