Chapter Title : എന്റെ സുൽത്താന [Marin]

മൂന്നാമത്തെ ദിവസം ഈവെനിംഗ് ഞാൻ സ്കൂളിൽ നിന്നും വന്നു. വിഷണ്ണയായി ഞാൻ എന്റെ കട്ടിലിൽ ഇരുന്നു. ഇന്ന് ആ കുട്ടി വരും. ഞാൻ എന്തു ചെയ്യും.. മൂന്നു ദിവസം പറഞ്ഞു വന്നത് ആണ്... ആകെ നാണക്കേട് ആവും. ഒരു ഒഴിയാബാധ ആയി തോന്നില്ലേ ഇവർക്ക്.

ഞാൻ അങ്ങനെ മൂഡ് ഓഫ്‌ ആയി തല കുമ്പിട്ട് ഇരുന്നു..

" ങ്ഹാ ടീച്ചർ വന്നോ... മേഘ യുടെ ചോദ്യം കേട്ട് ആണ് ഞാൻ തലപൊക്കി നോക്കിയത്.

"ഡീ സോഫീ.. ടീച്ചർ വന്നിട്ട് ഉണ്ട്. ആ ചായ എടുക്ക് വരുമ്പോൾ.. അവൾ കിച്ചണിലേക്ക് നോക്കി വിളിച്ചു പറഞ്ഞു.

" എന്താ ടീച്ചർ ഒരു വിഷമം മുഖത്തു.. അവൾ അടുത്ത് ഇരുന്നു ചോദിച്ചു..

"താമസംസ്ഥലം ഒന്നും വേറെ ശരി ആയില്ല മേഘ.. ഇന്ന് കൃഷ്ണ വരൂലേ.. എന്ത് ചെയ്യും.. ഞാൻ വിഷമത്തോടെ അവളെ നോക്കി..

അതിനെന്താ ടീച്ചർ അന്ന് അങ്ങനെ പറഞ്ഞു എന്നേ ഉള്ളു.. ഒരുമ്മ ഉണ്ടെങ്കിൽ ഉലക്കമേലും കിടക്കാം എന്നല്ലേ.ഞങ്ങളുടെ ബെഡിൽ കിടക്കു ടീച്ചർ.. അവൾ പറഞ്ഞു..

എന്തെ അതിനു ബുദ്ധിമുട്ട് ഉണ്ടോ.. അവൾ എന്നെ നോക്കി.

ഹൈ അതല്ല.. എന്നാലും നിങ്ങൾക്ക് ഞാൻ ബുദ്ധിമുട്ട് ആവില്ലേ.. ഞാൻ പറഞ്ഞു.

അപ്പോഴേക്കും സോഫി ചായ ആയി വന്നു.

എന്താ പ്രശ്നം... അവൾ ചോദിച്ചു.

"പ്രശ്നം ടീച്ചർക്ക് വേറെ താമസം ശരി ആയിട്ട് ഇല്ല..ഞാൻ പറഞ്ഞു രാത്രി ഞങ്ങളുടെ ബെഡിൽ കിടക്കാൻ.. അത് ബുദ്ധിമുട്ട് അല്ലെ എന്ന് ടീച്ചർ.. എന്താ നിനക്ക് ബുദ്ധിമുട്ട് ഉണ്ടോ അതാണ് പ്രശ്നം... മേഘ തമാശ രൂപത്തിൽ പറഞ്ഞു..