Chapter Title : എത്തിക്സുള്ള കളിക്കാരൻ 2 [Dhananjay]

പാഠം.. പാവത്തിനെ എങ്ങനെ എങ്കിലും സഹായിക്കണം.. ഞാൻ ചേച്ചിക്ക് എതിരായി ഇരുന്നു.. വീണ്ടും പിണങ്ങിയോ എന്തോ..

"ആരാ ഈ വിൻസെന്റ്" ഞാൻ ചോദിച്ചു..

ഉത്തരം പറയാനോ വേണ്ടയോ എന്ന സംശയം ചേച്ചിക്കുള്ളത് പോലെ തോന്നി..

"മജീദിക്കയുടെ കൂടെ കായംകുളത്തു പണ്ട് ബസ്സിൽ ഉണ്ടായിരുന്നയാളാണ്.. പുള്ളി ഇപ്പൊ നാഗപ്പൂരാണ്.. ഇത്തവണ നാട്ടിൽ എത്തിയപ്പോ എന്റെ അവസ്ഥ കണ്ടു അങ്ങോട്ടേക്ക് വരാൻ പറഞ്ഞതാണ് വിൻസെന്റേട്ടൻ.. "

"പിന്നെ എന്താ പുള്ളിയുടെ അഡ്രസ് തരാത്തത്.. ഏതോ ഹിന്ദിക്കാരന്റെ അഡ്രസ് അല്ലെ തന്നത്.. ചേച്ചി ചോദിച്ചില്ലേ.. "

"അതൊന്നും ഞാൻ ചോദിച്ചില്ല.. അവിടുന്ന് രക്ഷപെടാൻ ഒരു കച്ചിത്തുരുമ്പു കിട്ടിയപ്പോ ഞാൻ വേറെന്തു ആലോചിക്കാനാ.. "

അതെ.. അതും ശെരിയാണ്.. എന്നാലും ആരാണീ വിൻസെന്റ്.. ഞാൻ ഫോൺ എടുത്തു നാണുച്ചേട്ടനെ വിളിച്ചു.. പുള്ളി അവിടെ അസോസിയേഷന്റെ വല്യ പുള്ളി ആണ്.. എന്റെ ഓഫീസിൽ തന്നാ ജോലിയും..

"ആ ചേട്ടാ.. ഞാൻ ട്രെയ്‌നിലാ.. പോയ കാര്യം.. അതൊക്കെ ഞാൻ വന്നിട്ട് പറയാം, ഇപ്പൊ ഒരു ഹെല്പ് ചെയ്.. അവിടെ കായംകുളത്തു നിന്നുള്ള ഒരു വിന്സന്റിനെ അറിയുവോ?.. ആ ഒന്ന് അന്വേഷിക്ക്... നമുക്ക് വേണ്ടപ്പെട്ട ഒരാൾക്ക് വേണ്ടി ആണ്.. വൈകിട്ടേക്ക് മുന്നേ എന്തേലും കിട്ടുവോ എന്ന് നോക്ക് ചേട്ടാ.. ആ എന്നാ ശെരി.. " ഞാൻ ഫോൺ വച്ചു..

ഫോൺ വച്ചപാടേ ചേച്ചി ചോദിച്ചു "ആരാ ഫോണിൽ.. എന്തേലും നടക്കുമോ"

"ഞങ്ങൾക്ക് നാഗ്പൂരിൽ അസോസിയേഷൻ ഒക്കെ ഉണ്ട്.. അതിലെ നാണു ചേട്ടനാണ്.. പുള്ളിക്ക് നല്ല ഹോൾഡാണ്.. എന്തേലും വിവരം കിട്ടാതിരിക്കില്ല.. "

നിസ്സഹായായി വീണ്ടും ചേച്ചി എന്നെ