ഏട്ടത്തി [Achillies]

ഏട്ടത്തി Ettathy | Author : Achillies

ഒത്തിരി നാളുകൾക്ക് ശേഷം വീണ്ടും എഴുതി തുടങ്ങിയ കഥയാണ്….പുതുതായി ഒന്നും അവകാശപ്പെടാനില്ലാത്ത കഥ,

പക്ഷെ ഇപ്പോൾ എനിക്കിത് എന്നെ തന്നെ തിരിച്ചു പിടിക്കാൻ ഉള്ള ഒരു ശ്രമമാണ്,

കൂടെ കണ്ടിരുന്ന അത്രയേറെ ഇഷ്ടപ്പെട്ടിരുന്ന ഒരു വെട്ടത്തെ ഇരുട്ടിൽ നിന്നും കയ്യെത്തിപ്പിടിക്കാനുള്ള ഒരു ശ്രമം

തെറ്റുകൾ മാത്രമേ ഉണ്ടാവാൻ ഇടയുള്ളൂ എല്ലാവരും ക്ഷമിക്കണം.

സ്നേഹപൂർവ്വം...❤️❤️❤️

എല്ലാവർക്കും എന്റെ ഹൃദയം നിറഞ്ഞ ഓണാശംസകൾ...❤️❤️❤️

*******************************

"ഡാ ചെക്കാ….എണീറ്റ് വാ….നീ പറഞ്ഞ അഞ്ചു മിനിറ്റു ഒക്കെ കഴിഞ്ഞൂട്ട…"

ബെഡിൽ വട്ടം കിടന്നു ഒന്നുകൂടെ ചുരുണ്ട കിച്ചുവിനെ കണ്ട നീരജയ്ക്ക് കുറുമ്പ് പൊട്ടി…

പുതപ്പ് ഒന്നൂടെ മേലേക്ക് വലിച്ചിട്ട്

"അഞ്ചു മിനിട്ടൂടെ...ചക്കി…."

ന്നു പറഞ്ഞു ചിണുങ്ങിയ അവന്റെ മേലേ നിന്ന് പുതപ്പ് മാറ്റി ബോക്സർ താഴ്ത്തി ചന്തിക്ക് നുള്ളി…

ആഞ്ഞു ചിരിച്ച നീരജയുടെ കുറുമ്പിന് ഞെട്ടിപ്പിടിച്ചെഴുന്നേറ്റ്‌ ബെഡിൽ ഇരുന്നു നോക്കുന്ന കാശിയെ കണ്ടതും അവളിൽ വാത്സല്യം നിറഞ്ഞു…

"ക്ലാസ്സിൽ പോണ്ടേ കിച്ചൂട്ടാ…"

അവന്റെ കവിളിൽ തലോടി പറയുമ്പോൾ അവളുടെ ഉള്ളിലും തേൻപൊഴിയും പോലെ ആയിരുന്നു…

"ഞാ ഇന്ന് ലീവാ…..ഇവർക്ക് തിങ്കളാഴ്ചയും ലീവ് തന്നൂടെ…"

ചിണുങ്ങി പറഞ്ഞു താടിയിൽ കൈ കുത്തി ഇരുന്നു ഉറക്കം പിടിക്കാൻ നോക്കുന്ന കിച്ചുവിനെ കണ്ടതും കുസൃതി ചിരി അവളിൽ വിടർന്നു….