European Dreams 3

Author : P B | www.kkstories.com | Previous Part

ഞങ്ങൾ പാർക്കിൽ നിന്ന് എഴുന്നേറ്റ്

പതിയെ നടന്നു.
ഞാൻ ജോലിയിൽ കേറുന്നതിനെപ്പറ്റി ചിന്തിക്കാതിരിക്കാൻ ശ്രമിച്ചു.
ജീവിതത്തിൽ ആദ്യമായിട്ടാണ് പഠിത്തതോടോ ജോലിയോടോ ഒരു വിരക്തി തോന്നിയത്.
എന്റെ മുന്നിൽ ഇപ്പോ ആകെയുള്ള ലക്ഷ്യം അവൾ മാത്രമായിരുന്നു, അവളെ പിരിഞ്ഞിരിക്കാൻ എന്റെ മനസ്സ് അനുവദിക്കുന്നില്ല.

ഞങ്ങൾ തിരിച്ച് റൂമിൽ എത്തി, ആകെ കൂടെ ഒരു അങ്കലാപ്പ്. രണ്ട് പേരും എന്തൊക്കെയോ ചിന്തയിൽ മുഴുകി എല്ലാം യാന്ത്രികമായി ചെയ്തുകൊണ്ടിരുന്നു.

താമസിക്കാനുള്ള സ്ഥലം ഒക്കെ നോക്കണ്ടെ ജോമോനെ? നിമ്മി എന്നോട് ചോദിച്ചു

ആ നോക്കാമെടി. ഞാൻ വലിയ താല്പര്യമില്ലാതെ പറഞ്ഞു.

ഒരാഴ്ച അല്ലാ ഉള്ളോ, ഇപ്പൊ നോക്കി തുടങ്ങിയാലേ പറ്റത്തോള്ളു. അല്ലേൽ വേണ്ട, ഞാൻ വീട് നോക്കിക്കോളാം. നീ ബാക്കി കാര്യങ്ങളൊക്കെ ശരിയാക്ക്. അവൾ പറഞ്ഞു

ഡി, നിനക്കും എന്റെ കൂടെ വന്നുടെ?

അതെങ്ങനാ ജോകുട്ടാ ശരിയാകുന്നെ?

ഇവിടെ ലാൻഡ് ലോഡിനോട് പറഞ്ഞിട്ടില്ല, റസ്റ്റോറന്റിലും പറഞ്ഞിട്ടില്ല.
അങ്ങനെ ഒരു ദിവസം നമ്മൾ രണ്ടും എല്ലാം ഇട്ടെറിഞ്ഞ് അങ്ങ് ഇറങ്ങിപ്പോകാൻ പറ്റുമോ?
അത് ശരിയാണോ?
ഒന്നുമില്ലേലും കിടക്കാൻ ഒരു വീടും, ഒരു ജോലിയും തന്നവരല്ലേ?
നീ നാളെ എന്തായാലും റസ്റ്റോറന്റിൽ പറ. ഇനി രണ്ടു മൂന്നു ദിവസം കൂടെ നീ ജോലിക്ക് ഉണ്ടാവു എന്ന്. താമസിക്കാതെ ഞാനും പറയാം. എന്നിട്ട് ഇവിടുത്തെ കാര്യങ്ങൾ എല്ലാം ശരിയാക്കിയിട്ട് ഞാൻ നിന്റെ കൂടെ അങ്ങോട്ട് വരും.
നീ ടെൻഷൻ അടിക്കേണ്ട, എനിക്ക് പേടിയൊന്നുമില്ല നീ എന്നെ ഇട്ടേച്ചു പോകുമെന്ന്.

ഞാൻ മനസ്സിൽ വിചാരിച്ചു. ഞാൻ അവളെ ഇട്ടേച്ച് പോകില്ല എന്ന് എനിക്ക് നൂറ് ശതമാനം  ഉറപ്പുണ്ടായിരുന്നു. പക്ഷേ എന്റെ പേടി അവൾ എന്നെ ഇട്ടേച്ച് പോകുമോ എന്നായിരുന്നു. എന്തുകൊണ്ടാണ് എനിക്ക് അങ്ങനെ തോന്നിയത് എന്ന് എനിക്കറിയില്ല. പക്ഷേ ഉള്ളിൽ എവിടെയോ ഒരു ആന്തൽ.
എനിക്കത് അവളോട് പറയണം എന്നുണ്ടായിരുന്നു പക്ഷേ പറഞ്ഞില്ല, പറയാൻ ഒരു കുറച്ചിൽ പോലെ.

ഡാ, വീട് എടുക്കാൻ കാശ് തികയുമോ? സിറ്റിയിൽ നല്ല റേറ്റ് അല്ലെ. ഞാൻ പപ്പായേ വിളിച്ച് കുറച്ച് കാശ് അയപ്പിക്കട്ടെ?

അതൊന്നും വേണ്ടടി, ഞാൻ കുറച്ചു കാശ് നാട്ടിലെ അക്കൗണ്ടിൽ എടുക്കാതെ വെച്ചിട്ടുണ്ട്.
ആവശ്യമുണ്ടെങ്കിൽ അത് എടുക്കാം, അല്ലെങ്കിൽ ക്രെഡിറ്റ് കാർഡ് ഉപയോഗിക്കാം, ശമ്പളം കിട്ടുമ്പോൾ അടച്ചാൽ മതിയല്ലോ.

അതേതാ നിനക്ക് ഞാൻ അറിയാതെ നാട്ടിൽ