Chapter Title : ?Evil on earth✨ 3 [Jomon]

കാര്യം ഉറപ്പാ…ആദ്യത്തെ ആ അടിയിൽ തന്നെ എനിക്ക് ഇവളെ ഇഷ്ടപ്പെട്ടു എന്നത്….ആദ്യത്തെ അടി…അടി

അപ്പൊ ഇവളാണോ എന്നെ അടിച്ചത്….അടികിട്ടിയ കവിളിൽ ഞാനൊന്ന് കൈ വെച്ചു….എന്റെ ഈ പ്രവർത്തിയും സംശയത്തോടെയുള്ള നോട്ടവും കണ്ടാവണം അത്ര നേരം എന്റെ മുഖത്തു നോക്കി നിന്നവൾ പെട്ടന്ന് നിലത്തു നോക്കി മണ്ണ് ടെസ്റ്റ്‌ ചെയ്യാൻ തുടങ്ങി

ഏതായാലും കിട്ടാൻ ഉള്ളത് കിട്ടി..ഒരു പ്രത്യേക നിമിഷത്തിൽ എന്റെ കയ്യീന്ന് പോയെന്നുള്ളത് സത്യമാ….അതുകൊണ്ട് മാത്രം ഞാൻ ഷെമിച്ചു..എനിക്ക് പിന്നീയീ അനാവശ്യ ഈഗോയും ദേഷ്യവും ഇല്ലാത്തോണ്ട് പ്രശ്നമില്ല

“ആദി..”

ഞാൻ മെല്ലെ വിളിച്ചു..എന്തോ എന്നൊരു ഭാവത്തോടെയവൾ എന്നെ മുഖമുയർത്തി നോക്കി

“ആദി എന്ന തന്നെ അല്ലെ പേര്..?

എന്തേലും ഒന്ന് തുടക്കമിടാൻ വേണ്ടി ഞാൻ ചോദിച്ചു…ഡയറക്റ്റ് ആയി കാര്യം പറയാനൊരു മടി

”ആദിലക്ഷ്മി…!

ഒറ്റവാക്കിൽ ഉത്തരം തന്നു…പേർ പിന്നെ വേറെങ്ങനെ പറയാനാ അല്ലെ

“ഞാൻ ജോമോൻ..ജോ എന്ന എല്ലാരും വിളിക്കും..താനും അങ്ങനെ തന്നെ വിളിച്ചോ..”

“മമ്..”

“അത് പിന്നെ ഞാൻ ഒരു കാര്യം പറയാൻ വേണ്ടി ആണ് ഇവിടെ നിർത്തിയത്…ചുറ്റി വളഞ്ഞു സംസാരിക്കാനൊന്നും എനിക്ക് അറിയത്തില്ല അതുകൊണ്ട് നേരിട്ടങ്ങു പറയാം….”

“പറഞ്ഞോളൂ…”

“എല്ലാം ഒരു തെറ്റിദ്ധാരണയുടെ പുറത്തു ആയിരുന്നു സംഭവിച്ചത്…നീതു പറയുംബോൾ ഒന്നുമല്ല കാര്യങ്ങൾ..ഞാൻ തന്നെ ഇതിന് മുൻപ് കണ്ടിട്ട് കൂടിയില്ല…”

ഇത്രയൊക്കെ ഞാൻ പറഞ്ഞിട്ടും അവൾക്ക് വല്യ ഭാവവ്യത്യാസമൊന്നുമില്ല..പക്ഷെ കണ്ണ് നിറഞ്ഞിട്ടുണ്ട്…അത് കണ്ടപ്പോ എന്തോ ഒരു വിഷമം പോലെ …

“എനിക്ക് അറിയാമായിരുന്നു…!

പെട്ടന്ന് അവൾ പറഞ്ഞു….

”എന്ത് അറിയാമായിരുന്നെന്ന്..?

ഞാനൊരു സംശയത്തോടെ അവളോട് ചോദിച്ചു…

“ഏട്ടനെന്നെ ഇതിന് മുൻപ് കണ്ടിട്ടില്ലെന്ന്…!

”ഏഹ്..അതെങ്ങനെ…?

മനസ്സിൽ തോന്നിയ