Chapter Title : ?Evil on earth✨ 3 [Jomon]

ദിവസം വീണ്ടും മാന്യനായി വീട്ടിൽ തന്നെ ഇരുന്നോണമെന്നാണ് ഓർഡർ..കാരണം ചെറിയച്ചൻ ഈ ദിവസമാണ് unofficial ആയിട്ടൊള്ള മീറ്റിംഗുകളും പിന്നെ മൂപരുടെ പിടിപാടിലുള്ള ഫങ്ക്ഷനുകളും ക്കെ നടത്തുന്നതും പോകുന്നതും അന്നൊക്കെ എന്നെയും കൂടെ കൊണ്ട് പോകും…എന്തിനാണ് എന്ന് ഞാൻ ചോദിച്ച പറയും എനിക്ക് പക്വത ആയി കഴിഞ്ഞാൽ ഞാൻ വേണം ബിസിനസ്‌ എല്ലാം നോക്കി നടത്താൻ അപ്പൊ ആളുകളുമായി സംസാരിക്കാനും ബന്ധങ്ങൾ സ്ഥാപിക്കാനും ഞാൻ പഠിച്ചിരിക്കണമെന്ന്..എന്താല്ലേ..കൊറച്ചൊക്കെ വ്യത്യസ്തമയ ജീവിതരീതി തന്നെ എന്റേത്

“ടാ നീ റെഡി ആയില്ലേ..”

പുറത്തു നിന്ന് ചെറിയച്ചൻ വിളിച്ചു

“ആ ഇപ്പൊ വരാ..”

ഇനിയും നിന്ന അങ്ങേരുടെ സ്വഭാവം മാറും…ഞാൻ വേഗന്ന്  തന്നെ അലമാര തുറന്ന് നോക്കി

വല്ല മാര്യേജ് ഫങ്ക്ഷനും കാണുമിന്ന് അതാവും പുള്ളി തിരക്ക് കൂട്ടുന്നെ അപ്പൊ മെനയുള്ള വല്ലതും ഇട്ടോണ്ട് ചെല്ലണം

അല്ലായിരുന്നേൽ വല്ല ബനിയനും മുണ്ടും മതിയാരുന്നു…ഞാൻ അലമാരയിൽ നിന്നുമൊരു വയലറ്റ് ഷർട്ടും ഒരു ക്രീം കളർ പാന്റും എടുത്തു

ഇന്നത്തേക്ക് ഇത് മതിയാകും…

pee peeee peeee

പുറത്തു നിന്ന് കാറിന്റെ ഹോണടി ശബ്ദം കേട്ടു..ഇനിയും നിന്നാൽ ശെരിയാവില്ല

ഞാൻ വേഗം റൂം പൂട്ടി വെളിയിലെറങ്ങി

മുൻവശത്തെ വാതിലും പൂട്ടി ലോക്ക് ചെയ്തു ഇറങ്ങിയപ്പോളേക്കും ചെറിയച്ചൻ പോർച്ചിൽ നിന്നും കാറെടുത്തു  മുൻവശത്തേക്ക് വന്നു

ഇങ്ങേരു കാറിന് മാച്ച് ആയ ഡ്രസ്സ്‌ ആണോ ഇടാറുള്ളെ..വെള്ള ജുബ്ബയും മുണ്ടുമുടുത്ത വൈറ്റ് കളർ ബെൻസിൽ ഇരിക്കുന്ന ചെറിയച്ഛനെ ഞാൻ നോക്കി

സാധാരണ പെണ്ണുങ്ങൾ ആണ് ഡ്രെസ്സിനു മാച്ച് ആയ കമ്മലും വളയുമൊക്കെ ധരിക്കാർ..എന്തേലും ആവട്ടെ എന്ന് കരുതി ഞാൻ കാറിൽ കയറി