Chapter Title : ?Evil on earth✨ 6 [Jomon]

നോക്കി….പാകമായ എത്തപ്പഴവും ചേച്ചിയുടെ സ്‌പെഷ്യൽ മാവും ചേർത്തുണ്ടാക്കിയ പഴംപൊരിയുടെ സ്വാദിലവൾ ലയിച്ചു നിന്നു..അത് കണ്ട ജോ എങ്ങനെ ഉണ്ടെന്ന് കണ്ണുകൾ കൊണ്ടു ചോദിച്ചു….

“പോരാ..ഇതിന് മധുരമില്ല…?

അവനെയൊന്ന് പറ്റിക്കാൻ വേണ്ടിയവൾ പറഞ്ഞു…

”ഏഹ് മധുരമോ…?

താൻ കഴിച്ചു പകുതിയാക്കിയ പഴംപൊരിയെ നോക്കിയവൻ ചോദിച്ചു….

“ഇതിനെങ്ങനെ മധുരം വരാനാ….പഴത്തിന്റെ മധുരം ആണേൽ കറക്ട് പോയിന്റിൽ ആണല്ലോ..?

അവളെ നോക്കിയവൻ ചോദിച്ചു…

”ആണോ..ചിലപ്പോ എനിക്ക് കിട്ടിയതിന്റെ കുഴപ്പമാകും നിന്റെയൊന്ന് തന്നെനോക്കട്ടെ..“

എന്നും പറഞ്ഞവൾ അവന്റെ കയ്യിലിരുന്ന പാതി പഴംപൊരി വാങ്ങി കടിച്ചു നോക്കി…

”ഹ്മ്മ് നേരാ ഇതിലെ മധുരം ഓൺ പോയിന്റിൽ ആണ്…കൊള്ളാമല്ലേ….?

അതാസ്വദിച്ചു കൊണ്ടവൾ അവന്റെ മുഖത്തേക്ക് ഒന്നുമറിയാത്ത ഭാവത്തിൽ നോക്കി പറഞ്ഞു..ആദ്യമൊന്ന് അത്ഭുതപ്പെട്ടെങ്കിലും പിന്നെയാതൊരു ചെറു പുഞ്ചിരിയായി മാറ്റിയവൻ അവളുടെ മുൻപിലിരുന്ന പാതി പഴംപൊരി എടുത്തു കഴിച്ചു…

“ഇപ്പൊ ഒക്കെ ആയി…”“

അതും പറഞ്ഞവൻ ബാക്കി കൂടി അകത്താക്കി….ജെസി അടുത്തൊന്നും ഫ്രീയാകില്ലന്ന് മനസിലായതോടെ അവർ അവിടെ നിന്നും വീട്ടിലേക്ക് തിരിച്ചു…

മടക്കയാത്രയിൽ വാ തോരാതെ ആദി സംസാരിച്ചു കൊണ്ടിരുന്നു…അവനും അതെല്ലാം കേട്ടുകൊണ്ടിരുന്നെങ്കിൽ ആരുമറിയാതെ അവന്റെയുള്ളിലേറ്റ മുറിവ് നീറിപുകയുന്നുണ്ടായിരുന്നു…ആദിയുമായി ഇടപഴുകുമ്പോൾ മാത്രമാണ് അവനൊരു ആശ്വാസം ലഭിച്ചിരുന്നത് അതുകൊണ്ട് തന്നെ ആണ് ഇന്നവളുമായി പുറത്തേക്കിറങ്ങിയത്..പക്ഷെ വീണ്ടുമാ വീടിനടുത്തേക്ക് അടുക്കുന്തോറും മറക്കാൻ ശ്രമിക്കുന്ന പകയുടെ കണക്ക് അവന്റെ ഉള്ളിൽ നിന്ന് പുറത്തേക്ക് വരാൻ തുടങ്ങി

പെട്ടന്ന് നിശബ്ദതനായ ജോയുടെ മനസ്സിൽ എന്താണെന്ന് പറയാതെ തന്നെ മനസിലാക്കിയ ആദി ഒന്നും മിണ്ടാതെ അവനെ അല്പം കൂടി മുറുക്കെ കെട്ടിപ്പുണർന്നു…..ഒരാശ്വാസം കിട്ടിയത് പോലവൻ ഒരു ദീർഘനിശ്വാസം വിട്ടുകൊണ്ട് ഇടതു കൈ കൊണ്ടു തന്നെ ചുറ്റി