Chapter Title : ഫിദ [Anamika]

ബാക്കിയുണ്ടായിരുന്ന ഒരു പൊതിയെടുത്തു……തുറന്നു…….കറുപ്പും ചുവപ്പും കുപ്പിവളകൾ,ഒരു കൂട് കണ്മഷി,ചുവന്ന കല്ലുവെച്ച പാലക്കാമാല അതിനു ചേരുന്ന കൊട്ടപോലുള്ള ജിമുക്കി……

“ആഹ്….ഇപ്പോളാ നാളെ story ഇടാനുള്ള ആ ഒരു മല്ലു aesthetics കറക്റ്റ് ആയെ…..ഇനി കുറച്ചു മുല്ലപ്പൂ കൂടെയായ സെറ്റ്….അതെന്റേട്ടൻ രാവിലെ പോയി വാങ്ങൂലെ…….”

അവളവന്റെ താടിയിൽ പിടിച്ചു കൊഞ്ചിച്ചു……..

“നശിപ്പിച്…….മനുഷ്യനിവിടെയൊന്ന് റൊമാന്റിക് ആയി വരുവാരുന്നു……ഒരു ഭരതൻ പടം വൈബ് പിടിച്ചുവന്നതാ…..അവൾടൊരു aesthetics”

“അല്ലേലും നിങ്ങൾ 90s ഇപ്പോ തന്ത വൈബാ……….”

“ആരാടി തന്ത………..” അവനൊന്നു ചാടിയതും അവൾ എണീറ്റ് വാതിൽ കടന്നിരുന്നു…

പില്ലോയിലേക്ക് തലവച്ചു കൈ രണ്ടും മടക്കി അതിനുപിന്നിൽ വച്ചു ശബരി കിടന്നു…….

“അവൾക്കു ചേരില്ലേ താൻ……കുഞ്ഞാണ്….അഭയം കൊടുത്തവനോടുള്ള കടപ്പാടും ആരാധനയും കൊണ്ട് മാത്രം തോന്നിയ പ്രണയം ആകുവോ അവൾക്…..പ്രായം അതാണ്…..ഇനിയൊരിക്കൽ വേണ്ടിയിരുന്നില്ല എന്ന്തോന്നുമോ…….പക്ഷെ അവളില്ലാതെ താൻ……ഈ ജന്മത്തിലെയും ഇനിയുള്ള ജന്മങ്ങളിലെയുമെല്ലാം നെയ്തുകൂട്ടിയ മോഹങ്ങളിൽ അവളും കുഞ്ഞും മാത്രമായിരുന്നില്ലേ…….

ചിന്തകൾ കാടുകയറിയതും ശബരി കണ്ണിറുക്കിയടച്ചു.

വാതിൽ തുറന്നവൾ അകത്തേക്ക് കയറി….കൈ പിന്നിലേക്കാകി പിടിച്ചിട്ടുണ്ട്…….

അടുത്തു വന്നവനെ തട്ടിവിളിച്ചു

കണ്ണ് തുറന്നതും കയ്യിലെ കവർ നീട്ടിപിടിച്ചു

അവനത് കൈയിൽ വാങ്ങി തുറന്ന് നോക്കി…..നേവി ബ്ലൂ കളറിൽ ബട്ടനോട് ചേർന്ന് ചെറിയൊരു കഥകളി പ്രിന്റ് വരുന്ന ഷർട്ടും സിൽവർ കരയുള്ള മുണ്ടും….

“നാളെ രാവിലെ തരാന്നാ വിചാരിച്ചേ…..ഇനിയിപ്പോ തരാതെ കിടക്കാൻ എനിക്കു പറ്റില്ലാത്തപോലെ…….”

പ്രിയപ്പെട്ടോരാൾ ആദ്യമായി തരുന്ന ഓണക്കോടി…..അവനാ കൈ പിടിച്ചൊന്നു ചുംബിച്ചു….

അവളവന്റെ മുഖത്തെ തെളിച്ചക്കുറവ് അതിനിടയിലും കണ്ടുപിടിച്ചു അവൻ ചിരിച്ചു മറക്കാൻ നോക്കുന്നുണ്ടെങ്കിലും……

ഒന്ന് സൂക്ഷിച്ചു നോക്കികൊണ്ട് അവളവന്റെ മടിയിലേക്ക് കയറിയിരുന്നു……

“എന്താ എന്റേട്ടന്റെ ഉള്ളില്……..ഹ്മ്മ്….”

“ഒന്നുല്ല