Chapter Title : ഗൾഫിലെ മാലാഖമാർ 4 [Jon Snow]

വലിക്കുന്നത് കണ്ടില്ലെ ? "

" അതിന് നിനക്കെന്താ "

" അത് പിന്നെ തന്നെ ആരും അങ്ങിനെ നോക്കുന്നത് എനിക്കിഷ്ടപ്പെടുന്നില്ല "

"അവരെന്നെ അല്ലെ നോക്കുന്നത് നി ഒന്ന് അടങ്ങ് ജെയ്സ"

" ആ എനിക്കറിയില്ല "

" അതെന്താ നിനക്ക് അറിയാത്തത് ? "

അവൻ ദേഷ്യം വന്ന് അവളെ നോക്കി.

പക്ഷെ അവൻ്റെ ആ പൊസ്സസീവ്നെസ്സ് അവളാസ്വദിക്കുകയായിരുന്നു.

"എടാ ഞാനൊരു കാര്യം ചോദിക്കട്ടെ സത്യം പറയണം "

"ഉം ചോദിക്ക് "

" ടാ നിനക്ക് എന്നെ ഇഷ്ടമാണോ ?"

ജെയ്സൻ ഒന്ന് ഞെട്ടി പിന്നെ അവളെ നോക്കി.

" അങ്ങിനെ ചോദിച്ചാൽ എനിക്കറിയില്ല പക്ഷെ തന്നോട് ഇങ്ങിനെയൊക്കെ കാണിക്കുന്നവൻ്റെ ചെകിട് പൊളിക്കാൻ തോനുന്നുണ്ട് "

സ്നേഹയുടെ ചിരി മാഞ്ഞു , അവൾ അവനിൽ നിന്നും മുഖം താഴ്ത്തി കണ്ണുകൾ നിറയുന്നത് അവൾ അറിഞ്ഞു , നെഞ്ചിലാരൊ കത്തി കുത്തിയിറക്കുന്ന

ഒരു വേദന , താൻ എവിടെയൊക്കെയോ ജെയ്സനെ ഇഷ്ടപ്പെട്ടു തുടങ്ങിയിരിക്കുന്നു. അവളവൻ്റെ കൈയ്യിൽ മുറുക്കി പുണർന്നു. പിന്നെ അവർ പരസ്പരം കുറച്ച് നേരത്തേക്ക് ഒന്നു മിണ്ടിയില്ല.

കുറച്ച് മുന്നേക്ക് നടന്ന് അവർ ആളൊഴിഞ്ഞ പുൽ തകിടിലേക്കിരുന്നു. തൻ്റേതല്ലെന്നറിഞ്ഞിട്ടും അവളവനെ ചേർത്ത് പിടിക്കാൻ കൊതിച്ചു. അപ്പോഴേക്കും ആര്യയുടെ മുഖം തെളിഞ്ഞു വന്നു. ഇല്ല ഇത് തെറ്റാണ് ഇവൻ ആര്യേച്ചിയുടേതാണ് , ഒരു നിമിഷം പോലും അവനെ താൻ ആഗ്രഹിക്കുന്നതെ തെറ്റാണ്. അവളുടെ മനസ്സ് കലങ്ങി മറിഞ്ഞു, വേദന കടിച്ചമർത്തി അവൾ കണ്ണുകൾ തുടയ്ക്കുന്നത് ജെയ്സൻ കണ്ടു.

"എന്തു പറ്റി തനിക്ക് "

" അല്ല ഇങ്ങിനൊന്നും ആരുമെന്നെ കെയർ ചെയ്തിട്ടില്ല , എനിക്ക് വേണ്ടി ആരും ഒരാളെയും തല്ലാൻ പോയിട്ടില്ല അതൊക്കെ ഓർത്തപ്പോ എന്തോ പോലെ "

അവനവളെ ചേർത്ത് പിടിച്ചു.

"അങ്ങിനൊന്നുമില്ല ആരായാലും ഇങ്ങിനൊക്കെ തന്നെ പെരുമാറും "

"അത് നിൻ്റെ തോന്നല "

അവൾ പഴയ ഓർമകളിലേക്ക് കൂപ്പ് കുത്തി അന്നൊരിക്കൽ തൻ്റെ ഭർത്താവെന്ന് വിളിക്കുന്നവൻ അടിച്ച് ലക്ക് കെട്ട് അവൻ്റെ കൂട്ടുകാരന് തന്നെ കാഴ്ച വെയ്ക്കാൻ തുനിഞ്ഞത് അവളോർത്തെടുത്തു. പിന്നെ