Chapter Title : ഗൾഫിലെ മാലാഖമാർ 4 [Jon Snow]

വരാം , ജെയ്സൻ ഇവിടുണ്ടാവും നി ഉച്ചയ്ക്കൊന്നും ഉണ്ടാക്കാൻ നിക്കണ്ട ഞാൻ വന്നിട്ട് പുറത്ത് പോകാം , പിന്നെ ചെറുക്കനെ നീ കൊന്നേക്കരുത് കേട്ടൊ ,എനിക്കാകെ അവനേ ഉള്ളൂ... "

"ഒന്ന് പോ ചേച്ചി "

സ്നേഹ നാണത്തോടെ ആര്യയെ കെട്ടിപ്പിടിച്ചു.

"ശെരിയെടി എന്നാപിന്നെ ഞാൻ പോയിട്ട് വരാം "

" ആ ഓക്കെ "

ആര്യ താക്കോലുമെടുത്ത് ധൃതിയിൽ പുറത്തേക്ക് പോയ്. സ്നേഹ വല്ലാത്തൊരു അവസ്ഥയിലായിരുന്നു. അവൾ വീണ്ടും കിടക്കയിലേക്ക് ചരിഞ്ഞു. ഓരോന്ന് ആലോചിച്ച് കിടന്ന് എപ്പഴോ അവൾ ഉറക്കത്തിലേക്ക് വഴുതി വീണു. സമയം വളരെ വേഗം നീങ്ങിക്കൊണ്ടിരുന്നു.

കതകിലെ തട്ടു കേട്ടാണ് സ്നേഹ ഉറക്കം ഉണർന്നത് , മൊബൈലെടുത്ത് സമയം നോക്കി

"ദൈവമേ മൂന്ന് മണിയൊ , ഞാനെന്ത് ഉറക്കമാ ഉറങ്ങിയത് , ആര്യേച്ചി വന്നിട്ടുണ്ടാവും "

വീണ്ടും കതകിലെ തട്ട് കേട്ടു

"ആ ഇതാ വരുന്നു'"

അവൾ അലങ്കോലമായിക്കിടന്ന മുടി വാരിക്കെട്ടിക്കൊണ്ട് ബെഡിൽ നിന്നെണീറ്റു കതക് തുറന്നു. ജെയ്സനായിരുന്നു പുറത്ത് ,

"എന്ത് ഉറക്കമാണിത് , എത്ര നേരമായി വിളിക്കുന്നു. എന്താ .... എന്തുപറ്റി വയ്യേ....? "

" ആ നല്ല തല വേദന ..ആര്യേച്ചി എവിടെ ?"

ജെയ്സൻ മെല്ലെ കൈ അവളുടെ നെറ്റിയിൽ വച്ചു നോക്കി.

" ശെരിയ നല്ല ചൂടുണ്ടല്ലൊ , ആര്യ വന്നിട്ടില്ല ആ പുള്ളിക്കാരനെ ഹോസ്പിറ്റലിലേക്ക് ഷിഫ്റ്റ് ചെയ്തൂന്ന് പറഞ്ഞു , പിന്നെ തന്നെ വിളിച്ചിരുന്നു , താൻ കോളെടുത്തില്ലാന്നും "

" ആണോ ഞാനറിഞ്ഞില്ലട ഉറങ്ങിപ്പോയി , നി വല്ലതും കഴിച്ചായിരുന്നൊ , ഉച്ചയ്ക്ക് ചേച്ചി വന്നിട്ട് പുറത്തു പോയി കഴിക്കാന്ന് പറഞ്ഞിരുന്നതുകൊണ്ട് ഞാനൊന്നും ഉണ്ടാക്കിയിട്ടില്ല "

"ഹേയ് അതൊക്കെ ഞാൻ സെറ്റാക്കി താൻ ഫ്രഷായിട്ട് വാ ഫുഡ് കഴിക്കാം "

"നീ വാങ്ങിയോ നിനക്കൊന്ന് വിളിക്കാൻ പാടില്ലായിരുന്നൊ ... "

" അതെന്ത ഞാൻ വാങ്ങിയത് താൻ കഴിക്കില്ലാന്നുണ്ടൊ ,"

" അങ്ങിനല്ലട മണ്ടാ നിനക്ക് ഇവിടെ അങ്ങിനെ പരിചയം ഇല്ലാത്തതല്ലെ അതു കൊണ്ട് പറഞ്ഞത "

" ആ അതൊക്കെ കണ്ടു പിടിച്ചു