Chapter Title : ഗൾഫിലെ മാലാഖമാർ [Jon Snow]

കൈ കഴുകുന്നതിനിടയിൽ അവൾ ടിഷ്യു വെള്ളം നനച്ച് നെറുകയിലെ സിന്ദൂരം മാക്കുന്നത് കണ്ട് എന്തൊക്കെയോ ചോദിക്കണമെന്ന് അവന് ഉണ്ടായിരുന്നു.

പക്ഷെ അവൻ ഒന്നും മിണ്ടിയില്ല പിന്നെ അവൾ താലി മാല കയ്യിലെടുത്ത് അതിലേക്ക് നോക്കി അങ്ങിനെ തന്നെ നിന്നു, കണ്ണുകളിൽ ഒളിപ്പിച്ചിരുന്ന കണ്ണുനീർ മഴത്തുള്ളി കണക്കെ കവിളുകളിൽ നീർച്ചാൽ പടർത്തി.

അവൻ ഒന്നും മിണ്ടാതെ പുറത്തിറങ്ങി ബിൽ പേയ്മെൻ്റ് ചെയ്ത് അവിടെ വെയിറ്റ് ചെയ്തു , കുറച്ച് കഴിഞ്ഞ് കരഞ്ഞു കലങ്ങിയ കണ്ണും ഒരു ചെറു പുഞ്ചിരിയുമായി ആര്യ അവനടുത്തേക്ക് വന്നു , കയ്യിൽ എന്തോ ഒന്ന് മുറകെ പിടിച്ചിരുന്നു. അവളുടെ കഴുത്തിലെ ശൂന്യത അത് താലിമാലയാണെന്ന് അവന് മനസ്സിലായി.

" ഡോ താൻ പെയ്മെൻ്റ് കൊടുത്തോ. ഞാനല്ലെ ഓർഡർ ചെയ്തത് "

"അത് സാരമില്ല , ഇന്ത്യൻ മണി ദുബായിക്ക് കൊണ്ടുപോയി ഞാനെന്ത് ചെയ്യാനാ "

"എന്നാലും അത് ശെരിയായില്ല "

അവളുടെ പരിഭവം കേട്ടു നിൽക്കാതെ അവൻ ഫ്ലൈറ്റ് അനൗൺസ്മെൻ്റ് കേട്ട് അങ്ങോട്ടേക്ക് നടന്നു പുറകേ അവളും .

ഫ്ലൈറ്റിൽ കയറുന്നതിന് മുന്നെ കിട്ടിയ സമയം മുഴുവനും അവർ പരസ്പരം കൂടുതൽ പരിജയപ്പെട്ടു. അവൻ കുടുതലും തൻ്റെ സുഹൃത്തക്കളെപ്പറ്റിയും വീട്ടുകാരെപ്പറ്റിയുമൊക്കെ വാ തോരാതെ സംസാരിച്ചു ആര്യ തൻ്റെ ജോലിയും വിദേശ ജീവിതവുമൊക്കെയായി കളം നിറഞ്ഞു , എങ്കിലും അവൻ്റെ കാര്യങ്ങളും ഇഷ്ടങ്ങളും ചോദിച്ചറിയാൻ അവൾ ഒരു പ്രത്യേക താൽപര്യം കാണിച്ചു.

എവിടൊക്കെയൊ അവൾ ആഗ്രഹിച്ചിരുന്ന ഒരു പുരുഷനാണ് തൻ്റെ മുന്നിലിരുന്ന് സംസാരിക്കുന്നതെന്ന് അവൾ തിരിച്ചറിയുകയായിരുന്നു, അവൻ പൊതുവേ അവളുടെ പേഴ്സണൽ കാര്യങ്ങൾ ചോദിക്കാതെ പക്വതയോടെ സംസാരിച്ചത് ശെരിക്കും അവളെ അദ്ഭുപ്പെടുത്തി. അവർക്കിടയിൽ പെട്ടെന്നു തന്നെ ഒരു ആത്മബന്ധം ഉടലെടുത്തു.

ടിക്കറ്റ് കാണിച്ച് അവൻ വിമാനത്തിലേക്ക് കയറി, ആദ്യമായി കേറുന്ന ടെൻഷനും , നാട് വിട്ട് പോകുന്ന സങ്കടവും എല്ലാം കൂടി അവൻ്റെ മുഖമാകെ ഇരുണ്ടു. വിമാനത്തിലുള്ളിൽ കയറി ടിക്കറ്റ് കാണിച്ചു. പുറകിലേക്കാണ് സീറ്റ് എയർ ഹോസ്റ്റസ് പുറകിലേക്ക് ചൂണ്ടി പറഞ്ഞു, വിൻഡോ സീറ്റ് ആണ്. അവൻ പുറകിലേക്ക് നടന്ന് ലഗേജ് വച്ച് സീറ്റിലേക്കിരുന്നു.

പെട്ടെന്നാണ് അവളെ