Chapter Title : ?Game of Demons 8 [Demon king]
മോൾക്ക് കുട്ടികൾ ഒന്നുമില്ലേ.....
സമീറ : ഇത് വരെ ഇല്ല അമ്മേ.... ഇനി വേണം .....
പറയാൻ വന്ന വാക്കുകൾ മുഴുമിപ്പിക്കാതെ അവൾ നാണത്താൽ തല താഴ്ത്തി. അഞ്ചുവിന് തന്റെ എല്ലാ നിയന്ത്രണവും നഷ്ടമായി. അവൾ ഇരുന്നിടത്ത് നിന്ന് ചാടി എഴുന്നേറ്റു.
അഞ്ചു : എനിക്ക് സംസാരിക്കണം....
മനു : ആരോട്.....
അഞ്ചു : ഇവളോട്.....
മനു ; അഞ്ചു .... ചേച്ചിന്ന് വിളിയെടി.... എന്റെ പ്രായം ഉണ്ട്...
സമീറ : അങ്ങനെ നീ എന്നെ തള്ളയാക്കണ്ട... നീ പറ അഞ്ചു......
അഞ്ചു : ഇവിടെ വച്ചല്ല.... തനിച്ച്......
അതും പറഞ്ഞ് അവൾ ദേഷ്യത്തിൽ ആതിയുടെ മുറിയിലേക്ക് നടന്നു. പിന്നാലെ എന്തെന്ന് അറിയാതെ സമീറയും...
ഒട്ടും വയ്കാതെ ആതിയും എഴുന്നേറ്റു.
മനു : ഡീ നീ എങ്ങോട്ടാ....
ആതി : ഞാൻ അവിടേക്ക്.....
മനു : അവർ സ്വകാര്യം പറയാൻ പോയതാ... നീ ഇവിടെ ഇരി....
ആതി : നിക്ക് മനസ്സില്ല.... ഞാനും കൂടി അറിയേണ്ട കാര്യമാ അത്......
ആതി ദേഷ്യത്തോടെ മനുവിനോട് പറഞ്ഞു അമ്മയും മനുവും രൂപയും എന്താ കാര്യമെന്ന് അറിയാതെ അവളെ നോക്കി..രാജീവ് ഒന്നും മിണ്ടാതെ തല താഴ്ത്തി ഇരുന്നു.
മനു ; എന്താടി....സീരിയസ് പ്രശനം ആണോ....
ആതി : എന്നെകൊണ്ടൊന്നും പറയിപ്പിക്കണ്ടാ.... ഓരോന്ന് ഒപ്പിച്ചു വച്ചിട്ട്.... ഹും....
ആതി ദേഷ്യത്തിൽ ഉള്ളിലേക്ക് പോയി. അവർ മൂന്ന്പേരും എന്താ കാര്യമെന്ന് അറിയാതെ വായും പൊളിച്ചിരുന്നു.
സമീറ ഉള്ളിൽ കയറിയതും പിന്നാലെ വന്ന ആതി വാതിൽ അടച്ചു. അഞ്ചു തിരിഞ്ഞു നിൽക്കുകയാണ്.
സമീറ : അഞ്ചു.....
അവൾ പതിയെ തിരിഞ്ഞു നോക്കി. ആ കണ്ണുകൾ മുഴുവനായും ഈറൻ അണിഞ്ഞിരുന്നു.
സമീറ : എന്താ അഞ്ചു ഇത്...... നീ എന്തിനാ കരയുന്നത്....
മറുപടി ഒന്നും പറയാതെ അവൾ നേരെ സമീറയുടെ കാലിൽ വീണു. ആ കാലിൽ കിടന്ന് പൊട്ടികരയാൻ തുടങ്ങി. അവളുടെ ചുടുകണ്ണീർ ആ പദത്തിൽ വീഴുമ്പോൾ സമീറയുടെ നെഞ്ചം നീറുകയായിരുന്നു.
സമീറ: അയ്യോ... എന്താ കുട്ടി ഈ കാണിക്കുന്നെ.....
അഞ്ചു : ചേച്ചി..... ചേച്ചിയും ഒരു സ്ത്രീ അല്ലെ.... എന്റെ ജീവിതം നശിപ്പിക്കരുത് ......
അഞ്ചു എങ്ങലടിച്ചു കരയാൻ തുടങ്ങി.സമീറ ആതിയുടെ മുഖത്തേക്ക് നോക്കി അവളുടെ കണ്ണും നിറഞ്ഞൊഴുകുകയാണ്.
സമീറ: നിങ്ങൾക്ക് എന്താ മക്കളെ പറ്റി.... അയ്യേ...എഴുന്നേറ്റെ.....
അവൾ അഞ്ജുവിനെ പിടിച് എഴുന്നേൽപ്പിച്ചു. കണ്ണിൽ നിന്നും അവളുടെ വിഷമം
💬 Comments
View all comments