Chapter Title : ?Game of Demons 8 [Demon king]

: ചേച്ചി.....

സമീറ : ആഹ്...മോളെ....

ആതി ; ഞാനൊന്ന് കെടിപിടിച്ചോട്ടെ....

സമീറ : അത് ചോതിക്കാനുണ്ടോ.... വന്ന് കെട്ടിപിടിച്ചോ....

സമീറ ഇരു കയ്യും രണ്ടു വശത്തേക്ക് ആക്കി അവളെ ആലിംഗനം ചെയ്യാൻ ക്ഷണിച്ചു. ആതി ഓടിപ്പോയി അവളെ പുണർന്നു.

ആതി: അതേ....ചേച്ചി.... സോറി ട്ടോ.... ഞാൻ അറിയാതെ പറഞ്ഞതാ....

ആതി അവളെ കെട്ടിപിടിച്ചുകൊണ്ട് പറഞ്ഞു .

സമീറ : സാരല്ലടാ.... ഇതൊക്കെ ഉണ്ടായൊണ്ടെന്താ... ഇനി എത്ര കാലം കഴിഞ്ഞാലും ഇതൊക്കെ ഓർത്ത് ചിരിക്കാല്ലോ....

അവൾ ആതിയുടെ കവിളിൽ സ്നേഹത്തോടെ പിച്ചിയിട്ട് പറഞ്ഞു.

ആതി: അപ്പൊ ചേച്ചി ഇനിയെന്നെ മറക്കില്ലല്ലേ....

സമീറ : മറക്കെ.... നിന്നെ ഒക്കെ മറക്കാൻ ഞാൻ വല്ല കോമായിലും പോകേണ്ടി വരും....

അവളുടെ വാക്കുകൾ കേട്ട് ആതി കുണുങ്ങി ചിരിച്ചു.

സമീറ : നിന്റെ ഏട്ടൻ മരയോന്തിന്റെ കയ്യിൽ എന്റെ നമ്പർ ഉണ്ട്... അത് വാങ്ങി ഇടക്ക് എന്നെ വിളിക്കണം ട്ടോ.....

ആതി ; ഹമ്മ്.....

സമീറ : നീ മനുവിനെ കാണുന്ന പോലെ എന്നേം കണ്ടോ.... സ്വന്തം ചേച്ചിയായി കരുതിക്കോട്ടോ....

ആതി : അതങ്ങനെ തന്നല്ലേ....

സമീറ : ഹമ്മ്... ഡീ അഞ്ചു... നിന്നോട് കൂടിയാ പറഞ്ഞേ.....

അവൾ അഞ്ജുവിനെ നോക്കി പറഞ്ഞു.

അഞ്ചു : അത് പ്രത്യേകം പറയണോ ചേച്ചി.....

സമീറ : എന്നാലേ.... സമയമായി... കുറച്ചു നേരം ഇരുന്നിട്ട് പോകാൻ കേറിയതാ.... ഇന്ന് തന്നെ തറവാട്ടിൽ പോണം... ട്രെയിൻ ബുക്ക് ചെയ്താണ് വന്നേ....

അത് കേട്ടപ്പോ ആതിക്കും അഞ്ജുവിനും ആകെ വിഷമമായി.

അഞ്ചു : അയ്യോ... ഇത്ര പെട്ടെന്ന് പൂവാണോ....

ആതി : ചേച്ചി.... ഇന്ന് വേണ്ട... നാളെപോവ.... പ്ലീസ്....

ആതി സമീറയുടെ കയ്യിൽ പിടിച് കൊഞ്ചി.

സമീറ : പോകാൻ ആഗ്രഹം ഇല്ലാഞ്ഞിട്ടല്ല മോളെ..... പോയേ പറ്റു... അതാണ്... കുറച്ചു സമയമേ ഇവിടെ നിന്നള്ളു... പക്ഷെ പോകുമ്പോൾ മനസ്സിന് വല്ലാത്ത വിഷമം ആണ്.... നിങ്ങളെ വിട്ട് പോകുന്നതിന്...

ആതി : എന്നാ കുറച്ചു ദിവസം കഴിഞ്ഞു പോവാ ചേച്ചി.... ഞാനാണെങ്കിൽ കൊറേ വഴക്കുണ്ടാക്കി... നിക്ക് എന്തോ പോലെ തോന്നാ.....