Chapter Title : ഗന്ധർവ്വയാമം [ഗന്ധർവ്വൻ]

വാതിൽ തുറന്നു കൊടുത്തിട്ടവൾ ടവൽ എടുക്കാനോടി. തിരികെവന്നപ്പോഴേക്കും അവൻ മുകളിലേക്ക് പോയിക്കഴിഞ്ഞിരുന്നു.

" ശിവേട്ടാ .. വാതിൽ തുറക്ക് .."

അവൾ തട്ടി വിളിച്ചു. വാതിൽ തുറന്നതും ടവൽ അവനെ ഏൽപ്പിച്ചു.

" ദാ തല നല്ലോണം തോർത്തി രാസ്നാദി തിരുമ്മു ട്ടോ .. ഞാൻ കഴിക്കാൻ എടുത്തു വെക്കാമെ .."  ധൃതിയിൽ തിരിഞ്ഞ അവളുടെ കൈയിൽ പിടിച്ചവൻ വലിച്ചടുപ്പിച്ചു.

"ശ്യോ .. പോയി തലയൊക്കെ തോർത്തി വാ ചെക്കാ .. പനി പിടിക്കും ട്ടോ .."

അവൾ കുതറി .

"പനി പിടിച്ചാലെന്താ ... നീയുണ്ടല്ലോ കെട്ടിപ്പിടിച്ച് കിടക്കാൻ "..

ഉമ്മ വെക്കാനാഞ്ഞപ്പോഴേക്കും അവളവന്റെ കൈ വിടുവിച്ചു ഗോവണിയ്ക്കടുത്തേക്കോടി .

"രാത്രി നിന്നെ ഞാനെടുത്തോളാമെടി പെണ്ണെ .."

അവൾ നാണത്തോടെ ഗോവണിയിറങ്ങി. രാത്രി അത്താഴം കഴിഞ്ഞു ശിവൻ മുകളിലേക്ക് പോയി . അമ്മു പാത്രങ്ങളെല്ലാം കഴുകിയൊതുക്കി അടുക്കളയും വൃത്തിയാക്കി മേൽ കഴുകി വന്നപ്പോൾ അവൻ  തിരികെ വന്നു ഹാളിൽ ഇരിക്കുകയായിരുന്നു.

"കിടക്കുന്നില്ല്യേ ശിവേട്ടാ.."

തെല്ലൊരു കുസൃതിയോടെയാണവൾ ചോദ്യമെറിഞ്ഞത്.

"ഉം.. നിന്റെ കൂടെയാ ഞാനിന്നു കിടക്കുന്നെ.. നീയൊറ്റയ്‌ക്കെ ഉള്ളുവെന്ന് അമ്മയ്ക്കു ആധി. അതല്ലേ എന്നെ ഇങ്ങോട്ടു പറഞ്ഞുവിട്ടത് തന്നെ.."

അവൻ ചിരിയോടെ മറുപടി പറഞ്ഞു.

"ദേ ശിവേട്ടാ .. കുറുമ്പ് കാട്ടണ്ട ട്ടോ .. വേഗം പോയി കിടന്നോളു .."

ഗൗരവത്തിൽ പറഞ്ഞിട്ടവൾ തിരികെ മുറിയിലേക്ക് പോയതും ശിവനും പിന്നാലെ ചെന്നു.

"എന്തായാലും നീയെന്റേതാകാൻ പോകുവല്ലേ അമ്മൂട്ടീ.. പിന്നെന്തിനാണീ ജാഡ.. കൂടുതൽ ജാഡയിട്ടാൽ നിന്നെ തൂക്കിയെടുത്ത് ഞാൻ മുകളിൽ കൊണ്ട് പോകും . അത് വേണോ ..?"

പിന്നിൽ നിന്നവളെ വരിഞ്ഞുമുറുക്കിക്കൊണ്ടവൻ മന്ത്രിക്കുംപോലെ പറഞ്ഞു. കഴുത്തിൽ നനവ് പടർന്നപ്പോളവൾ പുളഞ്ഞു.

"ശ്യോ ഞാൻ വരാം ന്റെ ശിവേട്ടാ...മുകളിലെക്കു  ചെല്ലൂന്നെ.. ഞാൻ ന്റെ വിരിപ്പും  തലയിണയും ഒന്നെടുത്തോട്ടെ.."

"ഉം.... വേഗം വാ പെണ്ണെ..."

അവൻ മുകളിലേക്ക് കയറിപ്പോയി. അൽപ്പസമയത്തിനുള്ളിൽ വാതിൽ തുറന്നവൾ അകത്തേയ്ക്ക് വന്നു തലയിണയും വിരിപ്പും നിലത്തേയ്ക്കിട്ടു.

"ഞാനിവിടെ നിലത്തു വിരിച്ചു കിടന്നോളാം ട്ടോ  ഏട്ടാ .."

"പിന്നേ.. നിന്നെയിന്നു ഞാൻ ഉറക്കാൻ പോലും പോണില്യ ,,. അപ്പോഴാ