Chapter Title : ഗൗരി എന്ന സ്ത്രീയും ഞാനും [ഋഷി]

കേട്ടു. നല്ല ഇമ്പമുള്ള സ്വരം. ഞാൻ മെല്ലെ ജോഗുചെയ്തകന്നു. ആ കണ്ണുകളെന്നെ പിന്തുടർന്നോ എന്നൊരു തോന്നൽ. എന്തിന്? ഒരു പെണ്ണുമിതുവരെ രണ്ടുവട്ടം നോക്കാത്ത ഈ രൂപത്തിനെയോ? അറിയാതെ ചിരിച്ചു പോയി.

ഇതിനിടെ ഇടിത്തീ പോലെ മൂപ്പിലാൻ്റെ പ്രഖ്യാപനം. കേശവാ! (എത്ര ആധുനികമായ പേര്!) ശനിയാഴ്ച ക്ലബ്ബിൽ ഞാനൊരു പാർട്ടി ഹോസ്റ്റു ചെയ്യുന്നുണ്ട്. സീനിയർ സ്റ്റാഫും, ഡീലർമാരും ചില മെയിൻ കസ്റ്റമേഴ്സും. ഒരൈസ് ബ്രേക്കിങ്ങ്. നീയവിടെ കാണണം. വീട്ടിലെ ആരെങ്കിലും കൂടെവേണം. ഒരു പേഴ്സണൽ ടച്ച്.

സാധാരണ ശല്ല്യമൊന്നും ചെയ്യാത്ത മനുഷ്യനാണ്. സ്ക്കൂളുകളിൽ പലവട്ടം ഞാൻ ചെന്നുചാടുന്ന പ്രശ്നങ്ങൾ കാരണം കേറിയിറങ്ങീട്ടുണ്ട്. അന്നൊക്കെ വഴക്കു പറയുകയോ, തല്ലുകയോ ഒന്നും ചെയ്തിട്ടില്ല. ആദ്യമായിട്ടാണ് എന്നോടൊരു കാര്യം ആവശ്യപ്പെടുന്നത്.

ഞാൻ വരാം. ഇതെൻ്റെ വായിൽ നിന്നുമുതിർന്നപ്പോൾ മൂപ്പിൽസിൻ്റെ മുഖത്ത് അപൂർവ്വമായി മാത്രം കാണപ്പെട്ടിരുന്ന മന്ദഹാസം വിടർന്നു.

അടുത്ത ദിവസം റെയ്മണ്ട്സിൻ്റെ ഷോറൂമിൽ എന്നേം കൊണ്ടു പോയി ഇളം ചാരനിറത്തിൽ വെളുത്ത വരകളുള്ള ഷർട്ടും കടും ചാരനിറമുള്ള പാൻ്റും കറുത്ത ബെൽറ്റും.. പിന്നെ ഏതോ ചെരിപ്പു കടയിൽ കയറി മനോഹരമായ ഒരു ജോഡി ഷൂവും മൂപ്പിൽസ് എനിക്കായി വാങ്ങി. പിന്നെ അന്നെല്ലാം അത്ര കോമണല്ലാത്ത ഒരു സലോണിൽ കേറ്റി ഷേവ്, മുടിവെട്ട്, മാനിക്യൂർ... ഇത്യാദി...

പാർട്ടിക്കു മുന്നേ വേഷഭൂഷാദികളണിഞ്ഞ് കണ്ണാടിയിൽ നോക്കിയപ്പോൾ പെട്ടന്ന് ഏതോ അപരിചിതനാണ് എന്നെ നോക്കുന്നത്! എവനാരെടാ! വൃത്തിയിൽ വെട്ടിയൊതുക്കിയ കട്ടി മീശയും സൈഡിൽ വെട്ടിയൊതുക്കിയ മുടിയും... പെട്ടെന്ന് മുതിർന്നുവെന്ന് തോന്നി. നാണുവേട്ടൻ്റെ കണ്ണുകളും നിറഞ്ഞു. മുകുന്ദൻ നിൻ്റമ്മയെ കല്ല്യാണം കഴിക്കുന്ന സമയത്ത് ഈ രൂപമായിരുന്നു. മുകുന്ദൻ തന്തപ്പടിയാകുന്നു!

പാർട്ടിയിൽ