Chapter Title : ഗോൾ 7 [കബനീനാഥ്]

ഇറക്കമുള്ള പാവാടയും ടോപ്പുമായിരുന്നു അവളുടെ വേഷം..

“” ഓനെവിടെ വാപ്പാ…….?””

സല്ലുവിനെ കാണാഞ്ഞ് അവൾ ടി.വി ക്കു മുൻപിലിരുന്ന അബ്ദുറഹ്മാനോട് അന്വേഷിച്ചു……

“” ഇങ്ങളൊരുമിച്ചല്ലേ കേറിപ്പോയേ…?”

അതു കേട്ടതും സുഹാന മുകളിലേക്ക് തന്നെ തിരിച്ചു കയറി…

സല്ലു കിടക്കയിൽ കമിഴ്ന്നു കിടക്കുന്നത് അവൾ ചാരിയിട്ടിരുന്ന വാതിൽ തുറന്നപ്പോൾ കണ്ടു…

“” സല്ലൂ…….........”

അവൾ പതിയെ വിളിച്ചു…

അവൻ മുഖമുയർത്തിയില്ല…

അവൾ കിടക്കയിൽ അവനടുത്തേക്കിരുന്നു……

അവൾ കൈയ്യെടുത്ത് , അവന്റെ മുടിയിഴകളിലും പുറത്തും തലോടി…

“” എഴുന്നേൽക്കടാ… …. “

കൊഞ്ചലോടെ അവൾ , അവന്റെ പുറത്ത് ഇക്കിളിയിട്ടു..

എല്ലാം പെയ്തൊഴിഞ്ഞു പോയ സന്തോഷം അവളുടെ മനസ്സിനുണ്ടായിരുന്നു..

സല്ലു , ഇളകുന്നതു കണ്ട്, അവൾ വീണ്ടും ചിരിയോടെ ഇക്കിളിയിട്ടു……

ഒരു എങ്ങലടി കേട്ടതും സുഹാന പരിഭ്രമിച്ചു……

അവൻ ചിരിക്കുകയല്ല……….

കരയുകയാണ്…....!

അവളുടെ ഹൃദയം പിടഞ്ഞു…

അവൾ അവനെ തിരികെ കിടത്താൻ ശ്രമിച്ചതും സല്ലു ബലം പിടിച്ചു……

“” തിരിഞ്ഞു കിടക്കെടാ……. “

അവളവനിലേക്ക്  ചേർന്ന് കുലുക്കി വിളിച്ചു.

സല്ലു , തിരിയാൻ കൂട്ടാക്കിയില്ല…

“”ടാ… …. ഇങ്ങോട്ട്.....””

അവളുടെ സ്വരവും ഇടറിത്തുടങ്ങിയിരുന്നു…

സല്ലു , അനങ്ങാതെ കിടന്നതും സുഹാന സർവ്വ ശക്തിയും പ്രയോഗിച്ച് അവനെ തിരിച്ചു കിടത്തി……

സല്ലുവിന്റെ കണ്ണീരണിഞ്ഞ മുഖം കണ്ടതും  അവളുടെ ഹൃദയം തകർന്നു പോയിരുന്നു……….

“” കരയല്ലേടാ….....””

സുഹാന കരഞ്ഞു കൊണ്ടാണത് പറഞ്ഞത്…

“” നിക്കു വയ്യുമ്മാ….....””

അവൻ കയ്യെടുത്തു മുഖം മറച്ച് വിങ്ങിപൊട്ടി…

“” നിയമോളെ ഞാൻ….. ഒക്കത്ത്… …. “

സല്ലു , മുഖം തിരിക്കാനാഞ്ഞു…

കുത്തിയൊലിച്ചു പോയ ഹൃദയവുമായി സുഹാന