ഗ്രീഷ്മത്തിനപ്പുറം പൂക്കാലമുണ്ടാവും 1

Greeshmathinappuram Pookkalamundavum Part 1 | Author : Spulber

✍️….പത്ത് മുപ്പത്തഞ്ച് പണിക്കാരെയും വെച്ച് ഒരു ഫർണിച്ചർ ഷെഡ് നടത്തുകയാണ് ജോണിച്ചൻ.. തരക്കേടില്ലാത്ത ബിസിനസാണ്.

കട്ടിലും, അലമാരയും, ഡൈനിംഗ് ടേബിളും, ചെയറും, സെറ്റിയും തുടങ്ങി എല്ലാതരം ഫർണിച്ചറുകളും ജോണിച്ചൻ ഉണ്ടാക്കി വിൽക്കുന്നുണ്ട്.. സ്വന്തമായി ഷോറൂമില്ലെങ്കിലും നാലഞ്ച് ഫർണിച്ചർ ഷോറൂമിലേക്ക് ജോണിച്ചൻ സാധനം കൊടുക്കുന്നുണ്ട്.. കൂടാതെ മരക്കച്ചവടവുമുണ്ട്..

കൂടുതൽ പണിക്കാരും ബംഗാളി ഭായിമാരാണ്.. നാലഞ്ച് മലയാളികളുമുണ്ട്.. അൻപത്കാരനായ ജോണിച്ചന് തരക്കേടില്ലാത്ത ഒരു വീടും, അത്യാവശ്യം ചുറ്റുപാടുകളുമുണ്ട്..

വീട്ടിൽ നാൽപത്തിനാല് കാരിയായ ഭാര്യ ബീനയും, രണ്ട് മക്കളും.. മൂത്തത് മകൾ നിത.. അവൾക്കിപ്പോ ഇരുപത്തഞ്ച് വയസുണ്ട്..കഴിഞ്ഞ വർഷം അവളെ വിവാഹം കഴിപ്പിച്ചയച്ചു.. ഇളയവൻ മാത്തുക്കുട്ടി.. അവനിപ്പോ ഇരുപത്തിമൂന്ന് വയസ്..

പഠനത്തിൽ താൽപര്യമില്ലാതിരുന്ന മാത്തുക്കുട്ടി പ്ലസ്റ്റൂ വരെ തട്ടിമുട്ടി പോയി..ഇപ്പോഴവൻ അപ്പന്റെ ഫർണിച്ചർ ഷെഡിലെ സഹായിയാണ്..

മില്ലിൽ ഈർന്ന് വെച്ച മരം വണ്ടിയിൽ കയറ്റി ഷെഡിൽ കൊണ്ടുവന്നിടുക,പണിക്കാർക്ക് കൃത്യമായി മരം എടുത്ത് കൊടുക്കുക..

ആണി പശ തുടങ്ങിയ സാധനങ്ങൾ തീർന്നാൽ അതെത്തിച്ച് കൊടുക്കുക..

പോളിഷ് ചെയ്യാനുള്ള സാധനങ്ങൾ കൊണ്ടു വരിക, ഫർണിച്ചർ ലോഡ് കയറ്റി വിടുക ഇതൊക്കെ മാത്തുക്കുട്ടിയുടെ പണിയാണ്..

നേരം വെളുത്ത് രാത്രി വരെ അവൻ ഷെഡിലുണ്ടാവും.. ഒരു ദിവസം ആയിരം രൂപ കൂലിയുമുണ്ടവന്..

ജോണിച്ചന് ഓർഡറെടുത്ത് മരം മില്ലിൽ നിന്ന് അറുപ്പിക്കുന്ന പണിയേ ഉള്ളൂ..

പിന്നെ ഓർഡറനുസരിച്ച് പണിത്തരങ്ങൾ ഫർണിച്ചറാക്കി മാറ്റി, അത് പോളിഷ് ചെയ്ത്, വണ്ടിയിൽ കയറ്റിക്കൊടുക്കുന്നത് വരെ മാത്തുക്കുട്ടിയുടെ ഉത്തരവാദിത്ത്വമാണ്.. അതവൻ ഭംഗിയായി നിറവേറ്റുകയും ചെയ്യും..

നല്ല ആരോഗ്യവാനാണ് മാത്തുക്കുട്ടി..