Chapter Title : ഗ്രീഷ്മത്തിനപ്പുറം പൂക്കാലമുണ്ടാവും.. 1 [സ്പൾബർ]

ഒന്നും മിണ്ടാതെ ചോറ് വാരിക്കഴിക്കാൻ തുടങ്ങി..

“അപ്പാ… എന്താ പ്രശ്നം… ?.

ഇതിങ്ങനെ പോയാൽ ഞാൻ വല്ലടത്തേക്കും ഇറങ്ങിപ്പോകും… മമ്മിയെങ്കിലും പറ… ഇനി ഒരു മകനോട് പറയാൻ പറ്റാത്തതെന്തെങ്കിലുമാണോ… ?”..

രണ്ടാളും മിണ്ടിയില്ല…

“മമ്മിയേലും ഒന്ന് പറ… എനിക്കിതൊക്കെ കണ്ടിട്ട് ഭ്രാന്ത് പിടിക്കുന്നുണ്ട്… “..

മാത്തുക്കുട്ടി ഒച്ചയുയർത്തി..

“എടാ മാത്തൂ… നാളെ രാവിലെ എനിക്ക് കർണാടക പോണം… നീയിരുന്ന് സാവധാനം കഴിക്ക്…ഞാനൊന്ന് കിടക്കട്ടെ…”..

ഒരു ബന്ധവുമില്ലാത്ത കാര്യം പറഞ്ഞ് അപ്പൻ എഴുന്നേൽക്കുന്നത് കണ്ട് മാത്തു അന്തം വിട്ടു..

ജോണിച്ചൻ ഇടക്ക് കർണാടക പോകുന്നതാണ്.. മരം എടുക്കാൻ.. അയാൾ നേരിട്ട് മരം ലോഡ് കൊണ്ടുവരികയാണ്.. പോയാൽ മൂന്നാല് ദിവസം കഴിയും വരാൻ..

“ഉം… പോയി കിടന്നോ… കർണാടക പോയിട്ട് തിരിച്ച് ഇങ്ങോട്ട് തന്നെയല്ലേ വരുന്നത്…നമുക്ക് കാണാം… മമ്മിക്കൊന്നും പറയാനില്ലേ… ?”..

മാത്തു, ബീനയോട് ചോദിച്ചു..

“നിനക്കറിയേണ്ടത് അങ്ങേരോട് ചോദിക്ക്… എനിക്കൊന്നും പറയാനില്ല…"..

ബീന തിരിഞ്ഞ് അടുക്കളയിലേക്ക് നടന്നു.. മാത്തു നിരാശയോടെ അവിടെത്തന്നെ ഇരുന്നു.. ഇത് പ്രശ്നം ഗുരുതരമാണ്.. ഒരു മകനോട് പറയാൻ പറ്റാത്ത പ്രശ്നമാവും.. എന്ന് വെച്ച് എത്ര കാലം ഇങ്ങിനെ പോകും.. ഇതിനൊരു പരിഹാരം വേണ്ടേ… ?.

✍️… ബീന കിടക്കാനായി മുറിയിലെത്തുമ്പോ, ജോണിച്ചൻ നാളെ പോവുമ്പോ കൊണ്ടുപോവാനുള്ള ഡ്രസൊക്കെ മടക്കി ബാഗിൽ വെക്കുകയാണ്.. കർണാടക പോയാൽ നാലഞ്ച് ദിവസം കഴിഞ്ഞേ മടങ്ങി വരൂ.. അവിടെ കൂപ്പിൽ പോയി മരം നോക്കിയെടുത്ത് അത് ലോഡാക്കി ആ ലോറിയിലാണ് മടങ്ങുക.. എല്ലാം ഒരുക്കിക്കൊടുത്തിരുന്നത് ബീനയാണ്.. ഇപ്പോൾ കുറച്ച് ദിവസമായി ജോണിച്ചന്റെ എല്ലാ കാര്യങ്ങളും ചെയ്യുന്നത് ജോണിച്ചൻ തന്നെയാണ്..

“മകൻ