Chapter Title : ഹരികാണ്ഡം 4 [സീയാൻ രവി]

ഓരോ സൈഡിൽ ഇരുന്നു. എൻ്റെ അടുത്ത് ധന്യയാണ് ഇരുന്നത്. പടം തുടങ്ങി, ജയറാം കലക്കുന്നു, സുരേഷ് ഗോപി കോമഡി ചെയ്യുമെന്ന് പ്രതീക്ഷിച്ചില്ല, കൊള്ളാം. മഞ്ജു വാര്യർ ഇത് വരെ കാണാത്ത ഫോമിലും. എല്ലാത്തരം വേഷം ചെയ്താലും അവൾ നന്നാക്കും, കന്മദം കണ്ടു ഞാൻ ഒരു ആരാധകനായിപ്പോയതാണ്. എല്ലാവരും ചിരിച്ച് രസിച്ച് പടം ആസ്വദിക്കുന്നു. ഞാൻ കാലൊന്നു നീട്ടി ചുരുക്കി, അല്പം വിടർത്തി വെച്ചു. അറിയാതെ കാൽ ധന്യയെ തൊട്ടു, ഞാൻ കാലൊന്നു വലിച്ചു. അവളെ ഒന്ന് നോക്കി, അറിയാത്ത ഭാവത്തിൽ സ്‌ക്രീനിൽ നോക്കിയിരിക്കുന്നു. ഒന്ന് കൂടി കാലൊന്നു അനക്കി മുട്ടിച്ച് നോക്കി, അവൾ കാൽ വലിക്കുന്നില്ല. ചെറിയ ചൂടുള്ള കാലിൽ എൻ്റെ കാലങ്ങിനെ ചേർത്ത് വെച്ചിരുന്നു. ഇനിയെന്ത് എന്നാലിച്ചപ്പോ കൈപ്പിടിയിൽ അവളുടെ കൈ കണ്ടു. ഇത്രേ നേരം ഇതിവിടെ ഇല്ലായിരുന്നല്ലോ എന്നോർത്തപ്പോ ഒരു സന്തോഷം. ഞാൻ കൈ സീറ്റിനു നടുക്കുള്ള കൈവരിലേക്ക് വെച്ചു, അവളുടെ കൈകൾക്ക് മുകളിൽ ആണ് കൈ വെച്ചത്. ഞാൻ തന്നെ ഒന്ന് ഞെട്ടിയെങ്കിലും കൈ മാറ്റാൻ പോയില്ല.

അല്പം കഴിഞ്ഞപ്പോൾ അവൾ കൈ മലർത്തി എൻ്റെ വിരലുകൾക്കിടയിലൂടെ അവളുടെ വിരലുകൾ കോർത്തു പിടിച്ചു. അറിയാതെയാണോ എന്നറിയില്ലാത്തതു കൊണ്ട് ഒരുപാട് സാഹസത്തിനു പോയില്ല. അപ്പോഴേക്കും ഇന്റർവെൽ ആയി. ഐസ് ക്രീമും കടലയും വാങ്ങിക്കാൻ ഞാനും രാജേഷും പുറത്തേക്ക് നടന്നു. കടയിൽ നിന്ന് ഒരു സിഗരെറ്റ് വാങ്ങി കത്തിച്ചു, രാജേഷിനോട് വേണോ എന്ന് ചോദിച്ചു. അവൻ വലിക്കില്ല. ഒന്ന് പോയി മുള്ളി, വന്നപ്പോഴേക്കും അവൻ കടലയും ഐസ് ക്രീമും വാങ്ങി റെഡി. അകത്തേക്ക് പോയി സീറ്റിൽ