Chapter Title : ഹരിത മനോഹരം 2 [ശ്രീരാജ്]

വേണ്ട, ഇടക്ക് എങ്കിലും..

വീണ : നോക്കട്ടെ,, എന്റെ കയ്യിൽ അതിന് ഒരുപാട് സാരി ഒന്നുമില്ല..

ഹരി : അത് ശരിയാക്കാം, എന്റെ ഗിഫ്റ്റ്, ബർത്ത്ഡേ അല്ലെ വരാൻ പോകുന്നെ. ഇഷ്ടപ്പെടുമോ എന്നുള്ള പേടി ഉണ്ട്, അത്രക്ക് ഉള്ള വരുമാനം ഇല്ലല്ലോ..

ഓഫീസിൽ ആരുടെ ബർത്ഡേ വന്നാലും, ഹരിയുടെ ചുമതല ആണ് കേക്കിന്റെയും മറ്റും കാര്യങ്ങൾ നോക്കേണ്ടത്. ബൈ ഓർഡർ ആയിഷ മാം. അതിനായി സോഷ്യൽ കലണ്ടർ ഹരി സൂക്ഷിക്കുന്നുണ്ട് തന്റെ ഓഫീസ് ലാപ്ടോപ്പിൽ.

വീണ: വിലയിൽ എന്താടാ കാര്യമുള്ളത്. ഒരാൾ ഇഷ്ടപ്പെട്ടു, മനസ്സ് അറിഞ്ഞു, വാങ്ങി തരുന്നതിനെ, പൈസയുമായി തൂക്കി നോക്കാൻ പറ്റുമോ...

ഹരിയും, വീണയും പിന്നെയും ഒരുപാട് നേരം ചാറ്റ് ചെയ്ത്, എപ്പോഴോ ഉറക്കത്തിലേക്ക് വഴുതി വീണു.

................................................................

പിറ്റേന്ന് കണ്ണെഴുതി, മേക്കപ്പ് ഇട്ട്, സാരിയിൽ ഓഫീസിൽ വന്ന വീണയെ കണ്ട് ഓഫീസിൽ എല്ലാവരുടെയും കണ്ണ് തള്ളി.

ഹരി പറഞ്ഞപോലെ തന്നെ, എല്ലാവരും തന്നെ പുകഴ്ത്തുന്നത് കണ്ട്, ഒരുപാട് സന്തോഷം തോന്നി വീണക്ക്.

ഓഫീസിലേക്ക് കയറുന്നതിനു മുമ്പ്, ആയിഷയും വീണയെ കണ്ട്, നന്നായി പുഞ്ചിരിച്ചു പറഞ്ഞു : സൂപ്പർ.....

പക്ഷെ പ്രതീക്ഷിച്ച ആളുടെ കയ്യിൽ നിന്ന് ഒരു ചിരി അല്ലാതെ വേറൊന്നും കിട്ടിയില്ല.. ഹരിയിൽ നിന്ന് തന്നെ..

നോർമൽ ആയി സംസാരിക്കുന്നതല്ലാതെ, തന്റെ ലുക്കിനെ കുറിച്ച് ഒരക്ഷരം ഹരി മിണ്ടാത്തത്, വീണക്കു മനസ്സിൽ വല്ലാത്തൊരു കുത്തൽ ആണ് ഉണ്ടാക്കിയത്.

ഇടയിൽ കാഫെറ്റീരിയയിൽ കയറിയ ഹരിയുടെ പിന്നാലെ, വീണയും കയറി.

വീണ: ടാ....

ഹരി : ചേച്ചിയോ,, ചായ ആണോ, കോഫി ആണോ..

കോഫീ മെഷീന്റെ മുന്നിൽ നിന്നുകൊണ്ട് ഹരി ചോദിച്ചു..

കൈ കെട്ടി മുഖം വീർപ്പിച്ചു കൊണ്ട് വീണ ചോദിച്ചു : ഇമ്മാതിരി പരുപാടി കാണിക്കരുത് ഹരി. രാവിലെ കഷ്ടപ്പെട്ട് അണിഞ്ഞൊരുങ്ങി വന്നപ്പോൾ..

ഹരി ചിരിച്ചു കൊണ്ട് : അതിനെന്താ ഉണ്ടായത്, ഏതെങ്കിലും ഒരാൾ ഉണ്ടോ, ചേച്ചിയെ പുകഴ്ത്തതായി..

വീണ പല്ല് കടിച്ചു ഹരിയെ നോക്കി പറഞ്ഞു : നീയൊരക്ഷരം മിണ്ടിയില്ലല്ലോ..

ഹരി : ഇത്രേം പേർ പുകഴ്ത്തിയതല്ലേ ചേച്ചി, ഞാനും കൂടെ കൂടി, ഇനി