Chapter Title : ഹരിത മനോഹരം 5 [ശ്രീരാജ്] [ക്ലൈമാക്സ്‌]

: എന്റെ അനിയൻ അല്ലേടാ, ഞാൻ നോക്കില്ലേ നിന്നെ.. ബാംഗ്ലൂർ തന്നെ നിൽക്കേം ചെയ്യാലോ, എന്തെങ്കിലും ഉണ്ടെങ്കിൽ അറിയുകയും ചെയ്യാം. പിന്നെ അമ്മക്കോ, അച്ഛനോ, ആർക്കാ എന്ന് വച്ചാൽ വീട്ടിൽ നിന്നൂടെ....

പിന്നെ കേട്ടത് ആയിഷയുടെ ശബ്ദം ആയിരുന്നു : എന്റെ വീട്ടിൽ കൊണ്ട് പോവാം ഹരിയെ..

എല്ലാ മുഖങ്ങളും ആയിഷക്ക് നേരെ തിരിഞ്ഞു.....

ആയിഷ : ഹരി ഓകെ ആവുന്ന വരെ, ഞങ്ങളുടെ പ്രശ്നങ്ങൾ തീരുന്ന വരെ ഞാൻ നോക്കി കൊണ്ട്.

അമ്മ : അതൊന്നും പറ്റില്ല, എന്റെ ചെക്കനെ കള്ള കല്യാണം കഴിച്ചിട്ട് എന്ത് നോക്കാൻ.. അതൊന്നും വേണ്ട..

ആയിഷയുടെ വാ അടഞ്ഞു... തല താഴ്ന്നു..

അച്ഛൻ : മാലിനി അത് നീ അല്ലല്ലോ പറയേണ്ടത് ഹരിയല്ലേ. അവൻ വരില്ല എന്ന വാശിയിൽ എന്തിയാനാ..

ആയിഷ : ഹരിക്ക് ഒരു പ്രശ്നവും ഉണ്ടാവില്ല അവിടെ. ഹരിയെ ഇഷ്ടപ്പെടുന്ന രണ്ടു പേർ എന്റെ വീട്ടിൽ ഉണ്ട്, എന്റെ ഉമ്മയും, എന്റെ മോനും..

ഹിമ : മോനും ഉണ്ടോ... എന്താ അച്ഛാ,, അമ്മേ ഇത്..

ഹരി : എടി.. ഒന്ന് മിണ്ടാതിരി.. ഞാൻ വ്യക്തമായി പറഞ്ഞു, എന്താണ് ഞങ്ങളുടെ കല്യാണം എന്ന്. മോൻ ഉണ്ടായാൽ നിനക്കെന്താ..

ആയിഷ ഹരിയെ ഒന്ന് നോക്കി : ഒരുപാട് സ്ഥലം ഉണ്ട് എന്റെ വീട്ടിൽ, ആർക്കെങ്കിലും, അല്ല, എല്ലാവർക്കും വന്ന് നിക്കാം അവിടെ, എത്ര ദിവസം വേണമെങ്കിലും..

ഹരി ആയിഷയെ നോക്കി : അതൊന്നും ശരിയാവില്ല മാം...

ആയിഷ ഹരിയെ കലിപ്പിച്ചു നോക്കി : അത് ശരിയാവും, അത് മതി..

ഹരി തല താഴ്ത്തി വാ അടക്കുന്നത് ഹരിയുടെ അച്ഛൻ ശ്രദ്ധിച്ചു..

മാലിനി : അത് ശരിയാവില്ല.

സുദേവൻ : മനസ്സ് കൊണ്ട് അല്ലെങ്കിലും അവർ കല്യാണം കഴിച്ചതല്ലേ.. ഹരിക്ക് ഓകെ ആണെങ്കിൽ പിന്നെന്താ,, ഹരി നിനക്ക് ഓകെ അല്ലെ?..

ആയിഷ ഇടയിൽ കയറി: ഹരിക്ക് ഓകെ ആണ്..

സുദേവൻ ഹരിയെ നോക്കി, ഹരി ആയിഷയെ, പിന്നെ ഒന്ന് മൂളി ഹരി : മ്മ്മ്...

................................................................

" നിങ്ങൾ ഇതെന്തിനാ സമ്മതിച്ചത് "...