Chapter Title : ഹരിത മനോഹരം 5 [ശ്രീരാജ്] [ക്ലൈമാക്സ്‌]

എല്ലാ ദിവസവും ഹരിയെ പോയി കണ്ട്, കുറച്ചു നേരം ഇരുന്ന്, വീട്ടുകാരോട് സംസാരിച്ച ശേഷമാണ് തിരിച്ചു പോന്നത്.

................................................................

അഞ്ചാം ദിവസം അനുവും ആയിഷയും ഹരി കിടക്കുന്ന ഡോർ തുറന്നപ്പോൾ അവിടെ തർക്കം നടക്കുകയായിരുന്നു. രണ്ടു അളിയന്മാർ ഒഴിച്ച് ബാക്കി എല്ലാവരും അവിടെ തന്നെ ഉണ്ടായിരുന്നു. കോളേജും, ജോലിയും, കുട്ടികളും എല്ലാം ഉള്ളത് കൊണ്ട് അവർ തിരിച്ചു പോയി.

" നിങ്ങളെങ്കിലും ഇവനെ ഒന്ന് പറഞ്ഞു മനസ്സിലാക്ക്, ഡിസ്ചാർജ് ആണ് ഇന്ന്,, കൂടെ വരില്ല എന്ന വാശിയിൽ ഇരിപ്പാണ്. ഈ അവസ്ഥയിൽ ഇവൻ ഇവിടെ എന്ത്, എങ്ങിനെ ചെയ്യാനാ "... ഹരിയുടെ അമ്മ സങ്കടപ്പെട്ടു കൊണ്ട് ഇരുവരോടും പറഞ്ഞു.

ഹരി ചാരി ഇരിപ്പുണ്ടായിരുന്നു. കാലിൽ പ്ലാസ്റ്ററും തലയിൽ കെട്ടുമായി.

അച്ഛൻ സുദേവൻ ഹരിയുടെ അടുത്തെത്തി നിന്നു കൊണ്ട് പറഞ്ഞു : അച്ഛനോടല്ലേ നിനക്ക് ദേഷ്യം, ബാക്കി ഉള്ളവരോട് എന്തിനാ..

ഹരി ഒറ്റ വാക്കിൽ : ഞാൻ ആ വീട്ടിലേക്ക് ഇല്ല...

ഹിമ : ശരി, എന്റെ കൂടെ വന്നൂടെ നിനക്ക്...

ഹരി : ഞാൻ ആരുടെ കൂടെയും ഇല്ല..

ഹൃദ്യ : പിന്നെ നീ ഇവിടെ, ഇങ്ങനെ എന്ത് ചെയ്യാനാ ഹരി...

ഹരി : ഒരു വർഷത്തിന് മുകളിലായി ഞാൻ ഒറ്റക്കല്ലേ, ഇനിയും അങ്ങിനെ നിന്നോളും.

അമ്മ മാലിനി കരഞ്ഞു കൊണ്ട് : എന്താ മോനെ ഇങ്ങനെ....

ഹരി : അത് വീട്ടിൽ നിന്നും പുറത്താക്കുമ്പോൾ ആലോചിക്കണ്ടേ.. എനിക്ക് വീടില്ല, എനിക്ക് ആരും ഇല്ല.. എനിക്ക് ഇഷ്ടമുള്ള പോലെ ജീവിക്കും. വേണ്ട സമയത്ത് നിങ്ങൾ ആരും ഉണ്ടായിരുന്നില്ല. ഒരാൾ പോലും കൂടെ നിന്നില്ല.. കരഞ്ഞു കാലു പിടിച്ചില്ലേ..

ഹരിയുടെ അമ്മയുടെ മുഖം മാറി, കരഞ്ഞു കൊണ്ട് തന്നെ അലറി : മിണ്ടരുത് നീ ഇനി... കണ്ണി കണ്ട അലവലാതി പെണ്ണുങ്ങളെ പ്രേമിച്ച്, നിന്റെ അച്ഛൻ പോയി കാലു പിടിച്ചതാ അവളോട് നിന്റെ അവസ്ഥ കണ്ട് നിൽക്കാൻ പറ്റാത്തോണ്ട്. അവൾ എന്താ പറഞ്ഞത് എന്നറിയുമോ, ടൈം പാസ്സ് ആയിരുന്നു നീ അവൾക്ക് എന്ന്, നീ ഇത്ര കാര്യം ആവും എന്ന്