Chapter Title : ഹിതയുടെ കന്നംതിരിവുകൾ 1 [സിമോണ]

സാധാരണ നിലക്ക് അത് മിസ്സാവാൻ പാടില്ലാത്തതാണ്

"അത്... ഹോ!!!... നാവിൻ തുമ്പേലിരിക്കുന്നു.." ഡാനി, കയ്യിലിരുന്ന ജ്യൂസ് ഗ്ലാസ്സിലേക്കൊന്നു തുപ്പി... മനോഹരേട്ടൻ തലനീട്ടി ഗ്ലാസ്സിലേക്ക് എത്തിനോക്കി... കൂടെ ഞാനും.. രക്ഷയില്ല.. ഗ്ലാസിൽ, ഇംഗ്ലീഷ് ആൽഫബെറ്റ്‌സ് ഒന്നും കാണാനില്ല.... വെറും ജ്യൂസ് മാത്രം. ഒക്കെ ചെറുനാവിന്റെ പിറകിൽ അവരുടെ ബോസിനെ പേടിച്ച് ഒളിച്ചിരിക്കാവും.

ഞാൻ മേലോട്ട് നോക്കി, വലതു ചൂണ്ടുവിരൽ മടക്കി, ഓടിച്ചൊന്നു കുരിശു വരച്ചു...

മേലെയിരുന്ന് എന്റെ തിരക്കഥ എഴുതിക്കൊണ്ടിരുന്ന കർത്താവിന്റെ പഴയ ഹീറോ പേനയിലെ മഷി, നിബ്ബിന്റെ പിളർപ്പിനിടയിൽ, താഴെ വീണു കിടന്നൊരു താടിരോമം കുടുങ്ങി ഇത്തിരി ലീക്കായി..

ഹേയ്!!!!.... ന്നും പറഞ്ഞ് പേനയെ ചീത്തപറയാൻ വേണ്ടി കണ്ണുരുട്ടീതും, മൂപ്പരുടെ കോൺസൻട്രേഷൻ പോയിക്കിട്ടി..

എന്തിനധികം എന്റെ പൊന്നു ഒടപ്പെറന്നോരെ.... അതോടെ "അലക്സിന്റെ ബോസ്, ഹിതയെ ചീത്ത വിളിക്കട്ടെ" എന്ന് എഴുതാൻ പോയിടത്ത്, തെറ്റി, "അലക്സിന്റെ ബോസ്, ഹിതയെ ചീത്തയാക്കട്ടെ" എന്നായി മാറി.. (സത്യായിട്ടും..)

ഗുദാഫിസ്... അങ്ങനെ എന്റെ ആപ്പീസ് പൂട്ടാനുള്ള തിരക്കഥയും റെഡിയായി..

എന്തായാലും വരാനുള്ളതൊന്നും വഴീൽ തങ്ങില്ലല്ലോ.. കർത്താവിനു പറ്റിയ കൈയബദ്ധം അറിയാതെ, ശുദ്ധഹൃദയയായ ഞാൻ, വെറുതെ പേടിച്ച്, അങ്ങോട്ടും ഇങ്ങോട്ടും അലക്സിന്റെ ഫ്രെണ്ട്സിനെ മുന്നിലൂടെ കറങ്ങി നടന്നു.. അവരെങ്കിലും കുണ്ടികളുടെ ഇളകിയാട്ടം കണ്ടു തൃപ്തിയടയട്ടെ..

ഇച്ചായൻ അതിനിടയിൽ, രണ്ടുമൂന്നു പ്രാവശ്യം കൂട്ടുകാരെയും വിളിച്ച് ബെഡ് റൂമിലേക്ക് മുങ്ങുന്നത് ഞാൻ നോട്ട് ചെയ്തിരുന്നു. പിന്നെ കഴിച്ചോട്ടെ ന്നു വെച്ചു.. ബർത്ത് ഡേ ബോയ് അല്ലേ...

കൃത്യം പന്ത്രണ്ടെ അൻപതായപ്പോൾ ഫ്ലാറ്റിന്റെ ഡോറിൽ കാളിംഗ് ബെൽ മുഴങ്ങി. "ഹിതേ...ആരാണെന്നു നോക്കിക്കേടി.." ബെഡ്‌റൂമിൽ കൂട്ടുകാരോടൊപ്പം സ്മാൾ ലാർജാക്കി വിഴുങ്ങിയിരുന്ന ഇച്ചായൻ, പതിവില്ലാത്ത സമയത്തുള്ള മണിമുഴക്കം കേട്ടപ്പോൾ അകത്തുനിന്ന് വിളിച്ചുകൂവി.

"വാച്ച്മാനാവും... ഞാനൊന്നു നോക്കട്ടെ ഇളയമ്മേ..." ദം ബിരിയാണിയാണെന്നു പറഞ്ഞു പറ്റിക്കാൻ, ചെമ്പിന്റെ ഏറ്റവും താഴെ ഞാൻ പതിപ്പിച്ചു വെച്ചിരുന്ന കോഴിക്കഷണങ്ങൾ, ബിരിയാണി ചെമ്പിൽ കൈലിട്ടിളക്കി, മേലോട്ടെത്തിച്ച് നേരെ വയറ്റിലേക്ക് അപ്പ് ലോഡ് ചെയ്തുകൊണ്ടിരുന്ന ഇളയമ്മമാരെ കിച്ചണിൽ തന്നെ ഇരുത്തി ഞാൻ ഹാളിലെ ഡോറിനരികിലെത്തി..

വാതിൽ തുറന്നപ്പോൾ ബ്ലാക്ക് ജീൻസും, അഡിഡാസ് ന്റെ ലോഗോ പ്രിന്റ് ചെയ്ത, റൌണ്ട് നെക്ക് വൈറ്റ്