Chapter Title : ഹിതയുടെ കന്നംതിരിവുകൾ 1 [സിമോണ]

പേരിടാഞ്ഞതിന്, ഞാൻ ഇടയ്ക്കിടയ്ക്ക് കുത്തി നോവിച്ചിരുന്ന പാവം എന്റെ അപ്പനോടും അമ്മച്ചിയോടും മനസ്സാ മാപ്പുപറഞ്ഞ്, ഞാൻ അവന്റെ മുന്നിൽ നമ്ര നിരസ്കയായി തലയാട്ടി..

"യെസ് സാർ.. ദിസ് ഈസ് മൈ വൈഫ് ഹിത അലക്സ്.. ഷീ ഈസ് എ ഹൌസ് വൈഫ് സാർ.. ഷീ കുക്ക് വെരി വെൽ സാർ.. ടുഡേ ഔർ സ്‌പെഷ്യൽ, ഈസ് ഹെർ ചിക്കൻ ബിരിയാണി സാർ.." അത് കേട്ടതും എന്റെ ഉള്ളു മൊത്തം കാളി മൂക്കിലൂടെ പുകവന്നപോലൊരു ഫീലിംഗ് വന്നു..

"കർത്താവെ... വേറെ ഏതേലും കള്ള കന്യാസ്ത്രിമാരുടെ തലേൽ കെട്ടി വെക്കേണ്ടതിന് പകരം, ഈ അന്തക്കാലനെ നീ എന്തിനെനിക്ക് തീറെഴുതി തന്നു???" ഞാൻ നോക്കുമ്പോ മനോഹരേട്ടനും ഡാനിയുമെല്ലാം വാ പൊത്തി ചിരിയമർത്തുന്നു...

"തരാം.. കള്ളപ്പന്നികളെ.. ഇനിം ഇവിടെ ബർത്ത് ഡേയും ആനിവേഴ്‌സറിയുമൊക്കെ വരും... ഞാൻ വല്ല പുല്പായ ചുറ്റിപ്പൊതിഞ്ഞു നിക്കും.. നീയൊക്കെ എന്തോന്നെടുത്തുവെച്ച് വെള്ളമൊലിപ്പിക്കുമെന്ന് ഞാനൊന്ന് കാണട്ടെ.." പല്ലിറുമ്മി മനസ്സിൽ പറഞ്ഞുകൊണ്ട്, കലിപ്പിൽ ഞാനൊന്നു നോക്കിയതും, മനോഹരേട്ടൻ ടപ്പേ ന്നു ഡീസന്റായി.. ഡാനി മൂപ്പരുടെ തൊട്ടപ്പുറത്തായതിനാൽ എന്റെ നോട്ടം കണ്ടില്ല..

ഫ്രൻസ് സിനിമയിലെ ശ്രീനിവാസനെപ്പോലെ, ചിരി നിർത്താൻ പാടുപെടുന്ന അവനെനോക്കി മനോഹരേട്ടൻ മെല്ലെ ആത്മഗതം ഇറക്കി... "ഹതഭാഗ്യൻ"

കള്ളു ചെറുതായി തലയ്ക്കു പിടിച്ചതോണ്ടാവും... തന്റെ ബോസ് "ഹിത അല്ലേ" ന്നു മലയാളത്തിൽ ചോദിച്ചത് ഇച്ചായന്റെ ചെവിയിലോട്ടു കയറിയിരുന്നില്ലെന്നു തോന്നുന്നു..

"അലക്സിന്റെ റിലേറ്റീവ്‌സ് വേറെ ആരും വന്നില്ലേ... " ബോസ്സിന്റെ ചോദ്യം കേട്ടതും ഇച്ചായന്റെ രണ്ടു കണ്ണുകളും ഉന്തിത്തള്ളി പുറത്തോട്ടു തലയിട്ടു.. വീണ്ടും വീണ്ടും കണ്ണുകൾ അടച്ചു തുറന്ന് ഇച്ചായൻ ഒന്ന് തല