Chapter Title : ? ഹോസ്പിറ്റൽ ഗിഫ്റ്റ് ? [Arrow]

എന്റെ നോട്ടവും ഭാവവും ഒക്കെ കണ്ടിട്ടാവണം എന്തു പറ്റി എന്ന് ചോദിക്കും പോലെ പിരികം പൊക്കി, ഞാൻ ഒന്നുമില്ല ചുമൽ കൂച്ചി കാണിച്ചു. അപ്പോഴാണ് എനിക്ക് ആളെ മനസ്സിലായത്, ശില്പ " " അതാരാ ചേട്ടായിക്ക് അറിയാവുന്ന ആൾ ആണോ?? " അഞ്ജുവിന് വീണ്ടും സംശയം. " അഹ്, അവൾ എന്റെ സ്കൂളിൽ തന്ന പഠിക്കുന്നത് ആണ്, ഞങ്ങൾ സെയിം ഏജ് ആണ് ബട്ട്‌ ഡിഫറെണ്ട് ക്ലാസ്സ്‌ ആണെന്നെ ഉള്ളു, പിന്നെ ശരത്തിന്റെ വല്യച്ഛന്റെ മോള് കൂടി ആണ് ആ ഒരു പരിചയം കൂടി ഉണ്ട് " ഒരു പൊട്ടിച്ചിരി കേട്ടാണ് ഞാൻ അഞ്ചുവിനെ നോക്കിയത്, അവൾ എന്തോ വലിയ തമാശ കേട്ടത് പോലെ തലയറഞ്ഞു ചിരിക്കുന്നു. ഞാൻ ഇതെന്തു കൂത്ത് എന്ന ഭാവത്തിൽ അവളെ നോക്കി. " കൂടെ പഠിക്കുന്ന പെണ്ണ്, അതും ചങ്ക് ബ്രോ യുടെ പെങ്ങൾ. ആ കുട്ടിക്കാണോ ഇത്രേം വലിയ ഇൻട്രോ, ചേട്ടായി അവളെ ആദ്യമായി അല്ലാലോ കാണുന്നെ " അവൾ ചിരി ഒന്ന് അടങ്ങിയപ്പോൾ ചോദിച്ചു, പിന്നെ വീണ്ടും ചിരിക്കാൻ തുടങ്ങി. "Ooh ഇത് അത്ര വലിയ തമാശയായിട്ടോന്നും എനിക്ക് തോന്നുന്നില്ല. ഞാൻ അവളെ അങ്ങനെ ശ്രദ്ധിച്ചിട്ടില്ല, പിന്നെ ഞാൻ വലിയ കോഴി ഒന്നുമല്ല, ഇത്രേം ചിരിക്കാൻ ഉള്ള കാര്യം ഒന്നുമില്ല " ഞാൻ ഇത്തിരി കലിപ്പിൽ പറഞ്ഞു. " സോറി ഇനി ചിരിക്കൂല്ല ചേട്ടായി ബാക്കി പറ "  ചിരിച്ചു ചിരിച്ചു വേദന വന്നിട്ടെന്നോണം അവൾ ഒന്ന് നിർത്തി വേദന കടിച്ചു പിടിക്കുന്ന പോലെ കണ്ണുകൾ ഇറുക്കി അടച്ചു പിന്നെ ഒന്ന് ശ്വാസം വലിച്ചു വിട്ട് വേദന അടക്കി, എന്നിട്ട് ബാക്കി കേൾക്കാൻ എന്റെ മുഖത്തേക്ക് നോക്കി ഇരുന്നു. " ഇല്ല ബാക്കി പറയുന്നില്ല, നിനക്ക് ഇതേപോലെ ഇടക്കിട്ട് കേറാൻ അല്ലേ? " ഞാൻ ഇത്തിരി കെറുവോടെ മുഖം വെട്ടിച്ചു. " അയ്യോ സോറി സോറി. ഇനി ഞാൻ ഇടക്കിട്ട് കയറൂല്ല, പ്രോമിസ്" അവൾ ഒരു കൈ തലയിലും, മറുകൈ കഴുത്തിലും പിടിച്ച് ചിണുങ്ങി. അവളുടെ ആ കാട്ടായം കണ്ടപ്പോൾ എനിക്ക് ചിരി വന്നെങ്കിലും ഞാൻ അത് മറച്ചു ഇത്തിരി ഗൗരവത്തോടെ തുടർന്നു. " അന്ന് ഞാൻ വേറെ പരുപാടിക്ക് ഒന്നും പോയില്ല, ഓരോ കാരണങ്ങൾ ഉണ്ടാക്കി അവളുടെ ചുറ്റും കറങ്ങി, എന്റെ നോട്ടവും ഭവവും എല്ലാം അവളും ശ്രദ്ധിച്ചു എന്ന് തോന്നുന്നു.