Chapter Title : ഹൃദയം തിരഞ്ഞ സ്വപ്നങ്ങൾ 1 [സ്പൾബർ]

നീ കരുതിയിരുന്നോ…””..

തുള്ളിച്ചാടാൻ തോന്നിപ്പോയി ശോഭക്ക്..ആ പട്ടി വീണു.. വീഴും.. താനത്രമാത്രം കരഞ്ഞ് പ്രാർത്ഥിച്ചിട്ടുണ്ട്..ഒരു തെറ്റും ചെയ്യാത്ത തന്നെ ഈശ്വരൻമാർ കൈ വിട്ടില്ലല്ലോന്ന് നന്ദിയോടെ ശോഭയോർത്തു… അവൾക്ക് വല്ലാത്ത ആശ്വാസം തോന്നി..

കാലൊടിഞ്ഞ് കിടന്നിട്ടും അവൻ പറയുന്ന തെറി കേട്ട് ശോഭക്ക് സഹിച്ചില്ല..ഇനി അവനോട് രണ്ട് വർത്താനം പറയാൻ തന്നെ അവൾ തീരുമാനിച്ചു..

“നിനക്കത് പറ്റിയാ പോരെടാ പട്ടീ… ഒരു തെറ്റും ചെയ്യാത്ത എന്നെ കുറച്ചൊന്നുമല്ല നീ വിഷമിപ്പിച്ചത്… എനിക്കിപ്പോ സന്തോഷമായി… നീ അവിടെക്കിടന്ന് ചത്താ എനിക്കതിലേറെ സന്തോഷമാകും… നിനക്ക് വല്ലതും പറ്റണേന്ന് ഞാൻ കരഞ്ഞ് പ്രാർത്ഥിച്ചതാടാ… എന്നെ എന്തെല്ലാം തെറിയാ നീ പറഞ്ഞത്… ദൈവം എന്നൊരാള് മുകളിലുണ്ടെടാ… ആ ദൈവം എന്നെ കൈ വിട്ടില്ല… നീ അവിടെക്കിടന്ന് ചാകെടാ…””..

അവൻ തിരിച്ചെന്തെങ്കിലും പറയുന്നതിന് മുൻപ് ശോഭ ഫോൺ കട്ടാക്കി.. പിന്നെ ആശ്വാസത്തോടെ ബെഡിലേക്ക് കിടന്നു.. ചുരുങ്ങിയത് ഒരു മാസമെങ്കിലും തനിക്ക് സമാധാനത്തോടെ കഴിയാം..പിന്നെ വരുന്നത് അപ്പോ നോക്കാം.. മനസിലെ ഭാരമൊഴിഞ്ഞ ശോഭ പതിയെ ഉറക്കത്തിലേക്ക് വീണു..

✍️✍️✍️…

രാവിലെ വലിയ ടെൻഷനൊന്നുമില്ലാതെയാണ് ശോഭ ഓഫീസിലേക്ക് പോയത്.. അവൻ ഉണ്ടാവില്ല എന്നറിഞ്ഞിട്ടും അവൾ വഴിയിലുട നീളം അവനെ നോക്കുന്നുണ്ടായിരുന്നു.. ഉച്ചവരെ ജോലി ചെയ്ത ശോഭക്ക് ഉച്ചയായപ്പോ എന്തോ ഒരു കുറ്റബോധം.. അവനോട് പറഞ്ഞത് കുറച്ച് കൂടിപ്പോയില്ലേ എന്നൊരു തോന്നൽ.. അവൻ ചത്താലും തനിക്ക് സന്തോഷമാണ് എന്നൊക്കെയാണ് താൻ പറഞ്ഞത്.. ശത്രുവാണെങ്കിലും അങ്ങിനെയൊന്നും ചിന്തിക്കാനും പറയാനും പാടില്ല..തന്നെ രക്ഷിച്ച ദൈവത്തെ വെല്ല് വിളിക്കും പോലുള്ള പണിയായിപ്പോയത്.. വേണ്ടായിരുന്നു..

അമ്മ തന്ന് വിട്ട പൊതിയഴിച്ച് കഴിക്കാനിരുന്നിട്ടും അവൾക്കൊന്നും കഴിക്കാൻ തോന്നിയില്ല..അതേപോലെ