Chapter Title : ഇരുട്ടിന്റെ വഴിയിലൂടെ [ആൽബി]

കുറച്ചുസമയം അവർക്കൊപ്പം ചിലവിട്ടശേഷം സാറ പോകാനിറങ്ങി."തനിക്ക് ഈ മൂവിക്ക് കൂടെ നിന്നൂടെ"അരുണിന്റെ ചോദ്യം കേട്ട് അവൾ അവന്റെ കവിളിൽ നുള്ളി.നിഷ്കളങ്കമായി ഒരുത്തരം പ്രതീക്ഷിച്ചു തന്നെ നോക്കുന്ന അരുണിനോട്‌,അത് സ്നേഹപൂർവ്വം നിരസിച്ച അവൾ തിരിഞ്ഞുനടന്നു. പുറത്തുവരെ അവരും.

"നാളെ രണ്ടാളും എത്തിയേക്കണം. വൈകരുത്.എന്റെ മമ്മക്ക് നിങ്ങളെ കാണണം എന്ന് പറഞ്ഞു.ഇവിടെ എനിക്ക് ആകെയുള്ള ഫ്രണ്ട്‌സല്ലെ."

പിറ്റേന്ന് അവളുടെ വീട്ടിൽ ഗെറ്റ് ടുഗെതർ പ്ലാൻ ചെയ്തിരുന്നു.അത് ഒരിക്കൽകൂടി ഓർമ്മിപ്പിച്ചശേഷം റോഡിലേക്ക് ഇറങ്ങിയ അവളുടെ കുറുകെ ഒരു സ്കോർപിയോ വന്നു നിന്നു.അവളെ വലിച്ച് ഉള്ളിലേക്ക് കയറ്റി വേഗതയിൽ അവിടെനിന്നും പാഞ്ഞുപോയി.അരുൺ പിറകെ ഓടി എങ്കിലും,ഫലമുണ്ടായില്ല.അതിന്റെ നമ്പർ മനസ്സിൽ കുറിച്ച് അവൻ തന്റെ ഫോൺ ഡയൽ ചെയ്തു.

പോലീസ് സ്റ്റേഷനിൽ അരുണിന്റെ മൊഴി രേഖപ്പെടുത്തുകയാണ്,ഒപ്പം അഞ്ജുവും.അവർ കണ്ട കാര്യങ്ങൾ ഇൻസ്‌പെക്ടറോട് വിശദീകരിച്ചു.ഈ സമയം തന്നെ വിധുവും ജേക്കബും അവിടെയെത്തി.ഒപ്പം ജേക്കബിന്റെ സുഹൃത്ത് ഒരു വക്കീലും.

"എന്താ അരുൺ,എന്താ ഉണ്ടായെ?"

വിധുവാണ് ചോദിച്ചത്.അവരോടും നടന്ന കാര്യങ്ങൾ വിശദീകരിച്ചു. കൂടെ വന്ന വക്കീൽ കാര്യങ്ങൾ തിരക്കുന്നുണ്ട്.അതെ സമയം തന്നെ ഒരു സ്ത്രീ അലറിവിളിച്ചുകൊണ്ട് അകത്തേക്ക് ഓടിക്കയറി.പിന്നാലെ ഒരു മധ്യവയസ്സ് ചെന്നയാളും.

"സാറയുടെ മമ്മയും പപ്പയും ആണ് സർ"വിധു ഓഫീസറെ ബോധിപ്പിച്ചു. അഞ്ചു അമ്മയെ സൈഡിലുള്ള ബഞ്ചിലേക്ക് ഇരുത്തി.അവളെയും കെട്ടിപ്പിടിച്ചു കരയുന്ന ആ സ്ത്രീയെ കണ്ട് അരുണിന്റെ നെഞ്ച് പിടഞ്ഞു. ജേക്കബും ഗ്രിഗറിയും ഒപ്പം വക്കീലും കാര്യങ്ങൾ തിരക്കി വേണ്ട പരാതി നൽകുന്ന തിരക്കിലാണ്.വല്ലാതെ അസ്വസ്ഥനാവുന്നതുകണ്ട് വിധു അരുണിനെ പുറത്തേക്ക് കൂട്ടി.

എന്താ അരുൺ,കൊച്ചുകുട്ടിയാണോ നീയ്?

എന്റെ കണ്മുന്നിലാ അവളെ.....ഒന്നും കഴിഞ്ഞില്ല മാം.

"പോട്ടെ,നിന്നെക്കൊണ്ട് കഴിയുന്നത് നീ