Chapter Title : ഇരുട്ടിന്റെ വഴിയിലൂടെ [ആൽബി]

അവന്റെ കണ്ണിലെവിടെയൊ സാറ, അവളുടെ മുഖം തെളിഞ്ഞു.ആ ചിരിക്കുന്ന മുഖം അവന്റെ മനസ്സിൽ ഒരു വേദന നൽകി.വല്ലാത്തൊരു നീറ്റൽ.ഹൃദയം മുറിയുന്നതുപോലെ. നടന്ന വഴി തനിക്ക് തെറ്റിയോ.തെറ്റി എന്നൊരു തോന്നൽ.മനസ്സിന്റെ കോണിൽ പശ്ചാത്താപത്തിന്റെ അംശം വ്യാപിക്കുവാൻ വെമ്പൽ കൊള്ളുന്നുണ്ടോ.വേദനയോടെ അവൻ മനസ്സിലാക്കി എപ്പോഴോ അവളെ താൻ ഇഷ്ട്ടപ്പെട്ടിരുന്നു. അവന്റെ കണ്ണുകൾ മിഴിനീരിനാൽ നിറഞ്ഞു.

സെന്റ് പോൾ ചർച്ച്,മദ്ബഹായുടെ മുന്നിൽ പ്രാർത്ഥനയിലാണ് ഫാദർ ഗോമസ്സ്‌.എപ്പോഴോ അദ്ദേഹത്തിന്റെ അരികിലൊരാൾ മുട്ട് മടക്കുന്നതായി തോന്നി.

തനിക്കെന്താ ഇവിടെ കാര്യം.തനിക്ക് എത്തിനോക്കാൻ യോഗ്യതയില്ല ഇതിന്റെ പരിസരത്ത് പോലും.

"അറിയാം,ഒന്നേറ്റു പറയാൻ വന്നതാ. അനുതപിക്കുന്ന പാപിയെ അവൻ കൈവിടില്ല,കുരിശേറിയവൻ.അതാ വന്നത്"അദ്ദേഹം നോക്കുമ്പോൾ കുമ്പസാരക്കൂടിനു മുന്നിൽ മുട്ടു മടക്കിയിരുന്നു അരുൺ.നഷ്ട്ടപ്പെട്ട കുഞ്ഞാടിനെ കണ്ടുകിട്ടിയ ഇടയന്റെ സന്തോഷം ആ മുഖത്തു തെളിഞ്ഞു. അദ്ദേഹം കുമ്പസാരക്കൂട്ടിലേക്ക് പ്രവേശിച്ചു. ***** അച്ചനൊപ്പം അല്പം ഗൗരവം നിറഞ്ഞ ചർച്ചയിൽ ആണ് അരുൺ."അച്ചന് സാറയുടെ കാര്യത്തിൽ എന്താ ഇത്ര താല്പര്യം"

"സാറ"പറഞ്ഞുവരുമ്പോൾ എന്റെ ചോരയാണ്.എന്റെ പെങ്ങളുടെ ഒരെ ഒരു മകൾ.അവളെ കാണാനില്ല എന്ന് അറിയുമ്പോ എങ്ങനെയാടൊ ഞാൻ.

അച്ചനെങ്ങനെ ഞങ്ങളിലേക്ക്?

പറയാം,ഒന്ന്-അവളുടെ ജന്മരഹസ്യം. തനിക്കും മനസ്സിലായിക്കാണുമല്ലോ. രണ്ട്-നിങ്ങളുടെ പ്രിൻസിപ്പൽ പ്രൊ. ജേക്കബ്.....

ജേക്കബ് സർ?

അതെ തനിക്കും അറിയാവുന്നതല്ലെ. പോലീസ് അന്വേഷണം ഒന്നുമായില്ല. ഒടുക്കം വീട്ടുകാർ തിരക്കിയിറങ്ങി. അങ്ങനെ നിങ്ങളുടെ കോളേജിലും ഞാൻ വന്നു.അദ്ദേഹത്തെ കണ്ടു.ആ വാക്കുകളിലെ കൂസലില്ലായ്മ,ഇത് തന്നെ ബാധിക്കുന്ന കാര്യമല്ല,എന്ന മട്ടിലുള്ള സംസാരരീതി.കൂടാതെ അയാളുടെ കയ്യിൽ കിടന്ന മോതിരം, അതിലെ ചിഹ്നം.അപ്പോൾ ഞാൻ സംശയിച്ചു തുടങ്ങി അയാളുടെ പങ്ക്. അങ്ങനെയാണ് പിന്തുടരുന്നതും, അവിചാരിതമായി നീയും അവരിൽ ഒരാളാണെന്ന് മനസ്സിലാക്കുന്നതും. എല്ലാം കൂട്ടിക്കിഴിച്ചു