Chapter Title : ഇത് ഞങ്ങളുടെ കഥ 2 [Sayooj]

കാര്യമെന്തായി? നീ അതിലുംകൂടെ കുറച്ച് ശുഷ്‌കാന്തി കാണിക്കണം.."

"ഈ നിയാസ് ഒരു കാര്യം ഏറ്റിട്ടുണ്ടെൽ അത് ഏറ്റത് തന്നെയാ.. ഇയ്യ് അതോർത്തു ടെൻഷൻ അടിക്കണ്ട അവളേത് കൊമ്പത്തുള്ളവൾ ആണേലും ഞാൻ പൊക്കിക്കിയിരിക്കും.. ആദ്യം അവളുടെ ക്ലാസ്സിൽ ഉള്ള ഏതേലും ചിക്കിനെ വശത്താക്കണം.. എന്നാൽ കാര്യങ്ങൾ എളുപ്പമാകും.. അതിനുള്ള പരുപാടി ഞാൻ തുടങ്ങിയിട്ടുണ്ട്.."

ഇവൻ ഇതും പറഞ്ഞു നാക്ക് വായിലിട്ടപാടെയാണ് പാത്തുവിന്റെ വരവ്.. തന്റെ ചെമ്പൻ മുടിയിഴകൾ തട്ടത്തിനുള്ളിൽ ഒന്ന് ഒതുക്കി വെച്ച് അവരുടെ ഓപ്പോസിറ്റ് ബെഞ്ചിൽ ഇരുന്ന ശേഷം.,

" ത്രിമൂർത്തികൾ കാര്യാമായിട്ടെന്തോ ചർച്ചയിലാണല്ലോ.. ചിക്കെന്നൊക്കെ കേട്ടല്ലോ.."

നിയാസ് ഒന്ന് ഞെട്ടിയെങ്കിലും ചിരിച്ചു കൊണ്ട് പറഞ്ഞു

"ചിക്കെടീ .. ചിക്ക്.. ചിക്കനില്ലേ.. ഇന്ന് ഉണ്ണി ഉച്ചക്ക് സാപ്പിടാൻ ചോറിന്റെ കൂടെ ചിക്കനാണ് കൊണ്ട് വന്നേ.. ഇവന്റെ അമ്മ കിടിലൻ കുക്ക് ആണ്..അതോണ്ട് എനിക്കും കുറച്ച് ടേസ്റ്റ് നോക്കാൻ തരണം എന്ന് പറയുവായിരുന്നു.."

ചെറിയൊരു ചുറ്റിക്കളി മണത്തെങ്കിലും കാര്യമാക്കാതെ പാത്തു തുടർന്നു.,

"എടാ.. അരുണേ.. ഫസ്റ്റ് ഇയറിൽ നീ ഒരു പെങ്കൊച്ചിനെ നോട്ടമിട്ടിട്ടുണ്ടെന്ന് നിയാസ് പറഞ്ഞല്ലോ.. ഏതാ കക്ഷി?

ഈ തെണ്ടി ഇതൊക്കെ ഇത്രേം വേഗം ഫ്ലാഷ് ആക്കിയോ എന്ന മട്ടിൽ അരുൺ തല തിരിച്ച് നിയാസിനെയൊന്നു നോക്കി..

ഒരു ഇളിഞ്ഞ ചിരിയായിരുന്നു അവന്റെ മുഖത്ത്.

" ഒന്നും തീരുമാനമായിട്ടില്ല പാത്തു.. കണ്ടപ്പോൾ എനിക്കൊരു താല്പര്യം തോന്നി.. അത്ര തന്നെ.. "

"അതെന്തായാലും കൊള്ളാം.. ഇതിൽ എന്റെ ഫുൾ സപ്പോർട്ട് ഉണ്ടാവും .. എന്ത് ഹെല്പ് വേണേലും ചോദിച്ചാ മതി "

അതും പറഞ്ഞു പാത്തു ആരേലും ശ്രദ്ധിക്കുന്നുണ്ടോ