Chapter Title : ഇതൾ 🍃 4 [Mayakannan]

കവിളുകളിൽ ഒരു നേർത്ത ചുവപ്പ് പടർന്നിരുന്നു.

​"ഹരീ... സത്യം പറഞ്ഞാൽ എനിക്ക് വിശ്വസിക്കാനേ പറ്റണില്ല.!"

അവൾ ശബ്ദം അല്പം താഴ്ത്തി, ആവേശത്തോടെ പറഞ്ഞു.

"ലണ്ടൻ ഓഫീസിലേക്ക് വിത്ത് പ്രൊമോഷൻ... എത്ര നാളായി ഞാൻ ഇതിനുവേണ്ടി വെയിറ്റ് ചെയ്യുന്നു എന്നറിയാമോ?"

​"അനുവിന് അത് കിട്ടേണ്ടത് തന്നെയാണ്,"

ഞാൻ അവളുടെ കണ്ണുകളിലേക്ക് നോക്കി ആത്മാർത്ഥമായി പറഞ്ഞു.

"ഇത്രയും ഡെഡിക്കേറ്റഡ് ആയി ജോലി ചെയ്യുന്ന ഒരാൾക്ക് ഇതിലും വലിയ അംഗീകാരമാണ് കിട്ടേണ്ടത്."

​"താങ്ക്സ് ടാ..."

അനുവിന്റെ ചുണ്ടിലൊരു വശ്യമായ ചിരി വിരിഞ്ഞു. തുടർന്ന് അവൾ ഒരു നിമിഷം എന്നെത്തന്നെ ഉറ്റുനോക്കി.

"അതിരിക്കട്ടെ... അപ്പൊ നമ്മൾ രണ്ടുപേരും എറണാകുളത്തേക്ക് മാറുകയാണ്. ഒരാഴ്ചയേ ഉള്ളൂ കയ്യിൽ. വീട്ടിലെ കാര്യങ്ങളൊക്കെ എങ്ങനെയാ?”

​"വീട്ടിലെ കാര്യം ഞാൻ മാനേജ് ചെയ്തോളാം അനു,"

ഞാൻ പറഞ്ഞു.

"പക്ഷേ... പെട്ടെന്ന് ഒരാഴ്ച കൊണ്ട് അവിടെ റൂമും കാര്യങ്ങളുമൊക്കെ സെറ്റ് ചെയ്യണ്ടേ? അതാണ് ചെറിയൊരു ടെൻഷൻ."

​അനു എന്റെ മുഖത്തേക്ക് നോക്കി ഒരു നിമിഷം ആലോചിച്ചു നിന്നു. എന്നിട്ട് വളരെ സ്വാഭാവികമായി പറഞ്ഞു.

​"എന്റെ അനിയത്തി അപർണ്ണ കല്യാണത്തിന് മുൻപ് കൊച്ചിയിൽ വർക്ക് ചെയ്തിരുന്നപ്പോൾ നിന്ന നല്ലൊരു 2BHK അപ്പാർട്ട്മെന്റ് കാക്കനാടുണ്ട്. ഫുള്ളി ഫർണിഷ്ഡ് ആണ്, അവിടുത്തെ ഓണറെ എനിക്ക് നേരിട്ട് അറിയാം. ഞാൻ വിളിച്ചു ചോദിച്ചാൽ ആ ഫ്ലാറ്റ് നമുക്ക് കിട്ടും."

​അത്രയും പറഞ്ഞിട്ട് അവൾ എന്നെ നേരിട്ട് നോക്കി. ആ മുഖത്ത് ഒരു അല്പം പോലും സങ്കോചമില്ലാത്ത, തികച്ചും പ്രാക്ടിക്കലായ ഒരു ഭാവമായിരുന്നു.

​"ഹരിക്ക് പ്രോബ്ലം ഇല്ലെങ്കിൽ വേറെയൊരു അപ്പാർട്ട്മെന്റോ ഹോസ്റ്റലോ നോക്കി അലഞ്ഞു തിരിഞ്ഞ് പൈസ കളയണ്ട...