Chapter Title : ജാതകം ചേരുമ്പോൾ 12 [കാവൽക്കാരൻ]

ഞാനോ... ഞാൻ.. ഞാൻ വിചാരിച്ചു.. നേരത്തെ പറഞ്ഞ കഥയുടെ ബാക്കി പറഞ്ഞു തരാം എന്ന്..."

ഉഫ് നാച്ചുറൽ ആക്ടിങ്.... ഇവാനാണ് ശെരിക്കും മൂവി ഫീൽഡ് ചേരുന്നത്.. അമ്മാതിരി അഭിനയമല്ലേ...

"ആണോ... എന്ന വേഗം വാ...."

അവന്റെ ഡയലോഗിൽ ചേച്ചിയും ഫ്ലാറ്റ്...

ഈ നേരത്തെ പറഞ്ഞ കഥ ഇല്ലേ... അത് അരുൺ കേസ് തെളിയിച്ചിട്ടുള്ള കഥയാണ് ട്ടോ... ഒരു നാല്പത് ശതമാനം സത്യവും പിന്നേ ബാക്കി അറുപതു ശതമാനം വെള്ളവും ചേർത്തൊരു കഥ...

ചേച്ചിക്ക് പിന്നേ.... ത്രില്ലിങ് ആയിട്ടുള്ള എന്ത് കണ്ടാലും കേട്ടാലും പുള്ളിക്കാരി ഓൺ ആവും...

പാവം ചേച്ചി...

ഞങ്ങൾ നാലുപേരും... ആ ആൽ തറയിൽ പോയി ഇരുന്നു....

ഇരുന്നതും അരുൺ അവന്റെ തള്ള് തുടങ്ങി...ചേച്ചിയും കല്ല്യാണിയും അവന്റെ തള്ള് കേട്ട് അങ്ങനെ ഇരിക്കാണ്...

മൈര് ഇതൊക്കെ എങ്ങനെ കേട്ടിരിക്കുന്നു ആവോ...

എനിക്ക് വലിയ താൽപ്പര്യമില്ലാത്തോണ്ട്... ഞാൻ പതിയെ തല ചായ്ച്ചു കിടന്നു...

നല്ല തണുത്ത കാറ്റും ശുദ്ധമായ വായുവും... ഹോ.. സ്വർഗം....

"ഒന്ന് തള്ളാണ്ടേ പോയെടാ ഇവിടുന്ന്... "

കണ്ണടച്ചു കിടക്കുമ്പോൾ ആണ് സൈഡിൽ നിന്നും ആ രണ്ടു ചെക്കന്മാരുടെ ശബ്ദം കേൾക്കുന്നത്.. അരുണിന്റെ തള്ളിനെക്കാളും നല്ലത് ഇത് തന്നെ... എന്റെ ശ്രദ്ധ ഞാൻ അങ്ങോട്ട് കൊടുത്തു....

"എടാ.. സത്യായിട്ടും.... "

"എടാ ഈ പ്രേതോം പിശാഷും ഓക്കേ അന്ധവിശ്വാസങ്ങൾ ആണ്... അങ്ങനെ ഒന്നുമില്ല.... "

"അല്ല മോനെ... ഈ പ്രേതം എന്നൊക്കെ പറയുന്നത് ശരിക്കുമുള്ളതാണ്.. ഞാൻ കണ്ടതല്ലേ കുറച്ച് ദിവസം മുന്നേ ഒരു ചേച്ചീനെ പ്രേതം പിടിക്കുന്നത്... "

"അതൊക്കെ നിനക്ക് തോന്നിതാവും... "

"അല്ലടാ... മറ്റേ കാട്ടുകൂടെ പോകുന്ന വഴി ഒരു വീടില്ലേ അവിടുന്ന് കണ്ടതാ ഒരു ചേച്ചിനെ പ്രേതം പിടിക്കുന്നത്.... "

😳

അവരുടെ സംസാരം കേട്ടപ്പോൾ മനസ്സിൽ ഒരു കൊള്ളിയാൻ മിന്നി.. ഇനി ഇവർ പറയുന്നത് നന്ദു ചേച്ചിടെ കാര്യമാവോ...

ഞാൻ ഒരു ഞെട്ടലിൽ കിടന്നിടത്തു നിന്നും എഴുന്നേറ്റു.....

"എന്താടാ... "

ചേച്ചിയാണ്... എന്റെ പെട്ടന്നുള്ള വെപ്രാളം കണ്ടിട്ട് ചോദിച്ചതാവും... പക്ഷെ അതിനൊന്നും മറുപടി കൊടുക്കാൻ എനിക്ക് നേരമോ ക്ഷമയോ ഉണ്ടായിരുന്നില്ല...