Chapter Title : ജാതകം ചേരുമ്പോൾ 17 [കാവൽക്കാരൻ]

കല്ല്യാണിയുടെ തട്ടിവിളികേട്ടാണ് പിന്നീട് ഞാൻ എഴുന്നേൽക്കുന്നത്....അപ്പോഴേക്കും സമയം ഒരുവിധമായിരുന്നു....

"എന്തായി സാധനം കിട്ടിയോ... "

എണീച്ചപാടെ ഞാൻ വൈശുവിനോടായി ചോദിച്ചു....

"മ്മ് കിട്ടി... "

ഞങളുടെ ശ്രദ്ധ മുഴുവൻ അവളിലേക്കായി....

"ഇതിൽ പറഞ്ഞത് മൊത്തം പറയാനാണെങ്കിൽ കുറച്ചു സമയം വേണ്ടി വരും അത്കൊണ്ട് ഇതൊന്നു ഞാൻ ഷോർട് ആക്കി പറഞ്ഞു തരാം....

ഈ ബുക്ക്‌ കറുപ്പൻ എന്നയാൾ ആത്മാക്കളെ പറ്റിയെഴുതിയതാണ്.....ഇതിൽ പകുതി വരെയും ആത്മാവും അതിന്റ സ്വഭാവസവിശേഷതകളെയുമാണ് പരാമർശിച്ചിട്ടുള്ളത്.... പകുതി പേജ് കഴിഞ്ഞാൽ ഇതിൽ പറയുന്നത് പൂജകളെ പറ്റിയാണ്.....എന്നാൽ അവസാന പേജുകൾ അടുക്കുമ്പോഴേക്കും ഇതിൽ പറയുന്നത്..."

അതു വരേ പറഞ്ഞു തീർത്തത് വൈശു പേജുകൾ വളരേ വേഗത്തിൽ മറക്കാൻ തുടങ്ങി....

അവൾക്കു വേണ്ട പേജ് എത്തിയതും അവൾ അത് ഞങ്ങളേ തിരിച്ചു കാണിച്ചു...

"സിദ്ധു നിനക്ക് ഈ ചിത്രത്തെ പറ്റി അറിയുമോ.... "

വൈശു ഒരു കരിയിൽ വരച്ച ചിത്രം എന്നേ കാണിച്ചുകൊണ്ട് ചോദിച്ചു....

അതു കണ്ടതും എനിക്ക് ആ ചിത്രം മനസ്സിലായി അത് ആ കാട്ടിലുള്ള ആ വീടായിരുന്നു....

വൈശു എന്നേ ഒന്ന് നോക്കിയ ശേഷം വീണ്ടും തുടർന്നു...

"ഈ ബുക്കിൽ പൂജവഴി അതാമവിനെ എങ്ങനെ തളക്കാം എന്നാണ് പകുതിയിൽ നിന്നും പറയുന്നത് പക്ഷേ എങ്ങനെ ഉന്മൂലനം ചെയ്യാം എന്ന് പറയുന്നത് ബുക്കിന്റെ ലാസ്റ്റ് പേജ്കളിൽ ആണ്...."

വൈശു അത് പറഞ്ഞു നിർത്തിയതും എന്റെ മനസ്സിൽ ഒരു കൊള്ളിയാൻ മിന്നി... എനിക്ക് ഇവരെ രണ്ടു പേരെയും രക്ഷിക്കാനാവുമോ....

"എന്താണ്.... ഇതൊക്കെ എന്നെന്നേക്കുമായി അവസാനിപ്പിക്കാൻ എന്താണ് വഴി..... "

ഞാൻ വൈശുവിനെ കുലുക്കി ചോദിച്ചു....

അവൾ വീണ്ടും പേജുകൾ മറിക്കാൻ തുടങ്ങി.....

ഇത്തവണ അവളെന്നെ കാണിച്ചത് ഒരു കത്തിയുടെ ചിത്രമാണ്......

ഞാൻ ആ ചിത്രത്തിൽ കുറച്ചു നേരം നോക്കിയിരുന്നു...

ഞാനിത് എവിടെയോ കണ്ടിട്ടുണ്ട് പക്ഷേ എവിടെയാണ്.... എന്റെ കണ്ണുകളടച്ചു ആ കത്തിയെ തിരയാൻ ആരംഭിച്ചു....

എന്റെ ചിന്തകൾ എന്നേ കൊണ്ടെത്തിച്ചത് വീണ്ടും ആ വീടിനു മുമ്പിലേക്കാണ്... ആ വീടിന്റെ വാതിലിന്റെ രൂപം എന്റെ മനസ്സിലേക്ക് തെളിഞ്ഞു വന്നു...

അതേ ഈ കത്തി ഞാൻകണ്ടിരിക്കുന്നത് ആ വീടിന്റെ ഡോറിൽ തന്നെയാണ്....