Chapter Title : ജയന്റെ ഭാര്യ ഉഷ [അപ്പന്‍ മേനോന്‍]
അരലിറ്റര്‍ നെപ്പോളിയന്‍ ബ്രാണ്ടി വാങ്ങി ബാഗില്‍ വെച്ചു. രാത്രിയില്‍ ജയന്റെ കൂടെ ഇരുന്ന് അടിക്കാം എന്നുള്ള പ്രത്രീക്ഷയില്‍.
എന്നിട്ട് അവരുടെ തന്നെയുള്ള റെസ്‌റ്റോറന്റില്‍ കയറി ഒരു ചിക്കന്‍ ബിരിയാണിയും കഴിച്ചു. അതൊക്കെ കഴിഞ്ഞ് ഇറങ്ങിയപ്പോള്‍ സമയം 2 1/2. എന്നിട്ട് വിമല തന്ന നമ്പറില്‍ വിളിച്ചു. ജയന്റെ ഭാര്യ ഉഷയാണ്‍് ഫോണ്‍ എടുത്തത്. ഒരു ഓട്ടൊ എടുത്ത് നേരെ ഗാന്ധിനഗറിലേക്ക് വരാന്‍ പറഞ്ഞു......
വീട് അറിയില്ലല്ലോ ഉഷേ.........
അതിനെന്താ ഞാന്‍ വീടിനു മുന്‍പില്‍ കാത്ത് നില്‍ക്കാം…അതുപോരെ...... എന്റെ പൊന്നു സാറെ.
ഏതൊക്കെയോ വഴികളില്‍ കൂടി ഓട്ടോ പാഞ്ഞു.....ഒടുവില്‍ ഉഷ റോഡരികില്‍ നില്‍ക്കുന്നത് ദൂരെ നിന്നെ ഞാന്‍ കണ്ടു.......ഡ്രൈവറോട് വണ്ടി നിര്‍ത്താന്‍ പറഞ്ഞു.......ഓട്ടോക്കൂള്ള കൂലി കൊടുത്ത് ഞാന്‍ പെട്ടിയുമായിട്ടിറങ്ങി......
എന്നാലും എന്റെ പൊന്നു സാറെ......ഞങ്ങളെയൊക്കെ ഇത്രയും പെട്ടെന്ന് മറന്നോ... ഇടയ്‌ക്കൊക്കെ ഒന്ന് വിളിക്കാനുള്ള സന്മനസ്സ് എങ്കിലും കാണിക്കാമായിരുന്നില്ലെ......
ഞാന്‍ ഒന്ന് ചമ്മിയെങ്കിലും.....ഉഷേ.....നിങ്ങളുടെ ഫോണ്‍ നമ്പര്‍ അന്ന് തന്നത് എവിടെയോ എഴുതി വെച്ചു. ഞാന്‍ വരുന്നവരെ തപ്പിയിട്ടും കിട്ടിയില്ല. ഒടുവില്‍ ഞാന്‍ അങ്കമാലിയില്‍ എത്തിയപ്പോഴാണ്‍് വിമല നിങ്ങളുടെ നമ്പര്‍ തപ്പി എടുത്ത് തന്നത്.
ഞങ്ങള്‍ അന്നു സാറിനെ വിളിച്ചതിനുശേഷം ഒത്തിരി ട്രൈ ചെയ്തു. സാറിനെ എവിടെ കിട്ടാന്‍. ഈ നമ്പര്‍ ഇപ്പോള്‍ നിലവില്ലാ എന്നുള്ള സ്ഥിരം മറുപടിയാണ്‍് ഞങ്ങള്‍ക്ക് കിട്ടികൊണ്ടിരുന്നത്. അതോടെ അങ്ങോട്ടുള്ള വിളി ഞങ്ങളും നിര്‍ത്തി.
അത് നിങ്ങള്‍ പോയതിനുശേഷം ഞാന്‍ ലാന്‍ഡ് ലൈന്‍ മാറ്റി ഒരു വില്‍ ഫോണ്‍ എടുത്തു. അപ്പോള്‍ നമ്പറും മാറി. അതുകൊണ്ടായിരിക്കും നിങ്ങള്‍ വിളിച്ചപ്പോള്‍ കിട്ടാതിരുന്നത്. എന്നാല്‍ നിങ്ങള്‍ക്ക് എന്റെ ബാങ്കിലേക്ക് വിളിച്ചൂടായിരുന്നോ.......
💬 Comments
View all comments