Chapter Title : ജീവന്റെ അമൃതവർഷം 6 [ഏകൻ]

ചോദിച്ചു.

" ആരോടും ഒന്നും പറയാതെ പിന്നെ എങ്ങനെയാണ് വീട്ടിൽ നിന്നും ഇറങ്ങിയത്..?"

" ആര്യ അവൾ ഉണ്ടായിരുന്നു എല്ലാത്തിനും. എന്റെ എല്ലാം എല്ലാമായ കൂട്ടുകാരി. എന്നാൽ ഇതൊന്നും ആദ്യം അവളോട് പോലും പറയാൻ എനിക്കായില്ല. ചേച്ചിക്ക് ജീവേട്ടനെ ഇഷ്ടമാണ് ആ ഇഷ്ടം സാധിച്ചു കൊടുക്കുക അതുമാത്രമായിരുന്നു എന്റെ മനസ്സിൽ. അതുകൊണ്ടാണ് ചേച്ചി പറഞ്ഞപ്പോഴൊക്കെ ഞാൻ അമൃതയായി വേഷം കെട്ടിയത്. അതിനുള്ള സമ്മാനമാണ് ഇത് എന്റെ വയറ്റിൽ കിടക്കുന്ന എന്റെ കുഞ്ഞ്.

അന്ന് വീട്ടിൽ നിന്നും മനപ്പൂർവ്വം വഴക്കുണ്ടാക്കി ആര്യയുടെ കൂടെ ഇറങ്ങിപ്പോയതിനു ശേഷം ഒരു ദിവസം അവളുടെ കൂടെ താമസിച്ചു. പിന്നെ സ്കൂളിലേക്ക് പോയി. അല്ലെങ്കിൽ എല്ലാ സത്യവും എനിക്ക് പറയേണ്ടി വന്നേനെ. അങ്ങനെയായാൽ ആദ്യമായി എന്റെ വയറ്റിൽ കുരുത്ത എന്റെ കുഞ്ഞിനെ എനിക്ക് നഷ്ടമായേനെ. ഇനിയുള്ള എന്റെ ജീവിതത്തിൽ എനിക്ക് ഈ കുഞ്ഞ് മതി. ജീവേട്ടൻ എനിക്ക് തന്ന ഈ സമ്മാനം. "

അതും പറഞ്ഞു വർഷ കരഞ്ഞു.

ഒന്നു രണ്ടു ദിവസം കൊണ്ട് വർഷയും ജീവനും ജീവന്റെ വീട്ടിലെത്തി. കാറിൽ നിന്നും ഇറങ്ങുന്നതിനു മുൻപ് വർഷ ചോദിച്ചു.

" ജീവേട്ടാ ചേച്ചി.. ചേച്ചി ഇത് എങ്ങനെ എടുക്കും. അവൾ എന്നെ തള്ളിപ്പറയുമോ.? "

" ഇല്ല ഒരിക്കലുമില്ല. ഒന്നുമില്ലെങ്കിലും അവൾക്ക് വേണ്ടിയല്ലേ നീ ഇങ്ങനെയൊക്കെ ആയത്. ഇതൊക്കെ സഹിക്കുന്നത്."

അതും പറഞ്ഞ് ജീവൻ കാറിൽ നിന്നും പുറത്തിറങ്ങി. കാറിന്റെ ശബ്ദം കേട്ട് അമൃത പുറത്തേക്ക് വന്നു.

" അമ്മേ ഏട്ടൻ വന്നു. ".

അമൃത വിളിച്ചുപറഞ്ഞു. എന്നിട്ട് നിറവയറുമായി മെല്ലെ മുറ്റത്തേക്ക് ഇറങ്ങി.