ജീവന്റെ അമൃതവർഷം 6 [ഏകൻ]

മതിയായിരുന്നല്ലോ..? ജീവേട്ടന് വർഷ ഇപ്പോൾ എവിടെ ആണെന്ന് അറിയാമോ..? ആ പാവത്തിനെ ഒന്ന് വിളിക്കാറെങ്കിലും ഉണ്ടോ..?"

"അതിന് ഞാൻ എന്തിനാ വർഷയെ വിളിക്കുന്നത്.?. അച്ഛനും അമ്മയും പറഞ്ഞല്ലോ.. അവളെ വിളിച്ചാൽ കിട്ടാറില്ലെന്നും. അവൾ ദൂരെ ഏതോ സ്കൂളിൽ ടീച്ചർ ആയിട്ട് പോയെന്നും."

"ജീവേട്ടൻ അല്ലേ ഇപ്പോൾ പറഞ്ഞത് വർഷ ജീവേട്ടന്റെ അനിയത്തി ആണെന്ന് എന്നിട്ട് ഒരിക്കൽ പോലും വിളിച്ചില്ലല്ലോ..? അവൾ വർഷ അവൾ ജീവേട്ടന്റെ അനിയത്തി ഒന്നും അല്ല. അവളാണ് ജീവേട്ടന്റെ യഥാർത്ഥ ഭാര്യ."

"എന്ത്.""

ജീവൻ പെട്ടന്ന് ബ്രേക്ക് ചവിട്ടി കാർ നിർത്തിയിട്ട് ചോദിച്ചു.

"അവൾ. അവളാണ് എന്റെ യഥാർത്ഥ ഭാര്യ എന്നോ..? നീ എന്തൊക്കെയാ ഈ പറയുന്നത്. നിനക്ക് വട്ട് വല്ലതും ഉണ്ടോ...?"

"ഉണ്ട്. എനിക്കല്ല. അവൾക്ക് വർഷയ്ക്ക്. അവളുടെ ചേച്ചിയോടുള്ള സ്നേഹത്തിന്റെ വട്ട്. ജീവേട്ടനോടുള്ള സ്നേഹത്തിന്റെ വട്ട്. അല്ലെങ്കിൽ സ്വന്തം ജീവിതം കളഞ്ഞു ഇങ്ങനെ ഒരു കാര്യത്തിന് ആരെങ്കിലും മുതിരുമോ..?

"ആര്യേ നീ എന്താണ് പറയുന്നത് എന്ന് നിനക്ക് വല്ല ബോധവും ഉണ്ടോ..?"

"അങ്ങനെ എങ്കിൽ ഞാൻ ഒരു കാര്യം ജീവേട്ടനോട് തിരിച്ചു ചോദിച്ചോട്ടെ..? അമൃതേച്ചിയേയും വർഷയേയും ഒരുമിച്ചു കണ്ടാൽ ഇതിൽ ഏതാണ് വർഷ ഏതാണ് അമൃത എന്ന് ജീവേട്ടന് തിരിച്ചറിയാൻ കഴിയുമായിരുന്നോ..?"

"അത് അവരുടെ അച്ഛനും അമ്മയ്ക്കും പോലും പ്രയാസം ആകുമ്പോൾ എനിക്ക് എങ്ങനെ തിരിച്ചറിയാൻ പറ്റും..?"

"അങ്ങനെ എങ്കിൽ ജീവേട്ടന്റെ കൂടെ ഉള്ളത് അമൃതേച്ചി തന്നെ ആണെന്ന് ജീവേട്ടൻ എങ്ങനെ ഉറപ്പിക്കും..?"

"ആര്യേ.. നീ എന്താ പറഞ്ഞു വരുന്നത്...? അപ്പോൾ എന്റെ കൂടെ ഉള്ളത് അമൃത അല്ലേ വർഷ ആണോ..?"

"ഇത്രയും നാൾ ഒരുമിച്ചു താമസിച്ചിട്ടും ജീവേട്ടന്റെ കൂടെ ഉള്ളത് ആരാണെന്ന് പോലും ജീവേട്ടന് ഉറപ്പിക്കാൻ പറ്റുന്നില്ലേ ..?"

ജീവൻ കാർ ഒരു സൈഡിൽ നിർത്തി. അങ്ങനെ ഇരുന്നു. അവിടെ അടുത്ത് കണ്ട ഒരു കടയിൽ പോയി ആര്യ ഒരു കുപ്പി തണുത്ത വെള്ളവും ആയി വന്നു എന്നിട്ട് അത് ജീവന് കൊടുത്തു.

'"ഇന്നാ ഇത് കുടിക്ക്. ഇത്രയും പറഞ്ഞപ്പോൾ ഇങ്ങനെ ആണെങ്കിൽ ഇനിയുള്ളത് കൂടെ പറഞ്ഞാൽ ജീവേട്ടൻ എങ്ങനെ ആകും. "

ജീവൻ ആ വെള്ളം വാങ്ങി കുടിച്ചു എന്നിട്ട് ആര്യയെ നോക്കി പറഞ്ഞു.

"ആര്യേ ഇങ്ങനെ സസ്പെൻസ് നിർത്തി പറയാതെ. എന്താണെങ്കിലും തുറന്നു പറയൂ. നമുക്ക് എന്തിനും വഴിയുണ്ടാക്കാം."

"പറയാം. പക്ഷെ എനിക്ക് ഒരു വാക്ക് ജീവേട്ടൻ തരണം."

"എന്ത് വാക്ക്..?"

"അത് ഞാൻ പറയാം. പക്ഷെ എനിക്ക് വാക്ക് തരണം."

"എന്ത് വാക്ക്. അത് അറിയാതെ ഞാൻ എങ്ങനെ വാക്ക് തരും. ഞാൻ പഴയ കാല രാജാവ് ഒന്നും അല്ല. കാര്യം അറിയാതെ വാക്ക് തരാൻ.. ആര്യ കാര്യം എന്താണെങ്കിലും പറയൂ . എന്ത് പ്രശ്നത്തിനും നമുക്ക് പരിഹാരം കാണാം., "

"അത് പോര. എനിക്ക് രണ്ട് വാക്കുകൾ വേണം. ഒന്ന്. ഞാൻ പറയുന്നത് കേട്ട് ജീവേട്ടൻ ഒരു പ്രശ്നവും ഉണ്ടാക്കില്ല എന്ന വാക്ക്. പിന്നെ എന്റെ വർഷയെ സംരക്ഷിച്ചു കൊള്ളും എന്ന വാക്ക്. അവൾക്ക്