Chapter Title : ജീവിതവും ജീവിത മാറ്റങ്ങളും [മിക്കി]

ഇന്ന് നക്കിലേക്ക് എത്തുകയാണ് കൃപയേച്ചി..

ചേച്ചിയെ കൂട്ടികൊണ്ടുവരാൻ തിരുവനന്തപുരം എയർപോർട്ടിലേക്ക് ഇറങ്ങുന്നതിന് തൊട്ടുമുൻപുള്ള ഒരു ചെറിയ ബഹളമാണ് കുറച്ച് മുൻപ് ഞാനും അനീഷേട്ടനും തമ്മിൽ ഉണ്ടായത്.
🔅🔅🔅🔅🔅

“നീ ഇന്നും കുടിച്ചല്ലേ” മുറിക്ക് പുറത്തേക്കിറങ്ങി ഹാളിലേക്ക് ചെന്നതും അനീഷേട്ടനോടായിരുന്നു രമയമ്മയുടെ ചോദ്യം.

“ആര് കുടിച്ചെന്ന്..? അമ്മ ചുമ്മ ആവശ്യമില്ലാത്ത കാര്യം പറയല്ലേ… കേട്ടല്ലോ..?” നട്ടാൽ മുളക്കാത്ത കള്ളവും പറഞ്ഞിട്ട് മുണ്ടും മടക്കിക്കുത്തി മുറ്റത്തേക്ക് ഇറങ്ങുന്ന അനീഷേട്ടനെ ഞാൻ അതിശയത്തോടെ നോക്കി നിന്നു, “ഇതൊക്കെ എങ്ങനെ സാധിക്കുന്നൊ എന്തോ..?” എന്ന ചിന്തയോടെ.

“ഡാ അച്ചു.. പോകുന്ന വഴിക്ക് അവൻ ബാറിൽ കേറണം എന്ന് വല്ലോം പറഞ്ഞാൽ നീ വണ്ടി നിർത്തുവൊന്നും ചെയ്യല്ല്.. വിട്ട് പോയേക്കണം.. കെട്ടല്ലോ” രമയമ്മ എന്നോട് പറയുന്നത് കേട്ടപ്പോൾ എനിക്കെന്തോ വിഷമാണ് തോന്നിയത്..

“മൂത്തമ്മ വിഷമിക്കണ്ട ഞാൻ എവിടെയും നിർത്തില്ല… എയർപോർട്ടിൽ ചെന്നിട്ടെ ഞാൻ വണ്ടി നിർത്തു പോരെ..?” ഞാൻ പറഞ്ഞ് നിർത്തിയതും

“ഡാ നീ ഇറങ്ങാൻ നോക്ക്… ചുമ്മ അവരോട് മറുപടി പറയാൻ നിക്കാതെ” മുറ്റത്ത് നിന്നും അനിയേട്ടൻ സ്വല്പം ദേഷ്യത്തോടെ വിളിച്ച് പാറഞ്ഞു.

“എന്ന നീ വെള്ളം മൂഞ്ചിയേച്ച് ചെല്ലട…! അവള് ഇങ്ങോട്ട് വരാതെ നേരെ അവൾടെ വീട്ടിലേക്കങ്ങ് പോകും..! അവസാനം നീ ഇവിടെ മൂഞ്ചി തെറ്റി നടക്കും.” രമയമ്മയാണ് അത് പറഞ്ഞത്, അത് കേട്ടതും അനിയേട്ടൻ ചാടിതുള്ളി ഹാളിലേക്ക് വന്നു.

“തള്ളെ… മിണ്ടാതെ നിങ്ങടെ കാര്യം നോക്കി നിന്നോണം കേട്ടല്ലോ..! എനിക്കിട്ട് ഉണ്ടാക്കാൻ വരല്ലേ..”

“അവള് പറഞ്ഞതിൽ എന്താടാ തെറ്റ്” അനിയേട്ടൻ രമയമ്മെ വഴക്ക് പറഞ്ഞ് നിർത്തിയതും മുറിക്കുള്ളിൽ നിന്നും വല്യച്ഛൻ