Chapter Title : ജിമിൽ കണ്ട ബഹറിൻ [ആൽബി]

"കൊല്ലം കുറെ ആയില്ലേ അച്ചായൻ ഇവിടെ.നിങ്ങൾക്ക് മടുപ്പൊന്നും തോന്നുന്നില്ലേ?" "നീയിപ്പോ ആദ്യമായതിന്റെയാ ഈ തോന്നലൊക്കെ.പതിയെ മാറിക്കോളും" "എന്നാലും റോയിച്ചാ.......ഒരുതരം ജീവിതമല്ലെ നമ്മുടെത്.ജോലിക്ക് പോകുക,വരിക.ഇടക്കിങ്ങനെയുള്ള കുറച്ചു നേരംപോക്കുകൾ മാറ്റി നിർത്തിയാൽ ഒന്ന് സന്തോഷിക്കാൻ എന്തുവാ നമ്മുക്ക്?" "ജീവിതം അങ്ങനെയാണ് മോനെ. ഞാൻ വന്നപ്പോഴും നീ ചിന്തിക്കുന്ന രീതിയിൽ തന്നെയാ ചിന്തിച്ചു കൂട്ടിയത്.പക്ഷെ വീട്ടിലെ പ്രശ്നങ്ങൾ ഓർക്കുമ്പോൾ അതൊക്കെയങ്ങു മറക്കും.അതാണ്‌ ഒരു പ്രവാസി."

"പക്ഷെ,നമ്മുടെ സന്തോഷങ്ങളല്ലെ അച്ചായാ നഷ്ട്ടപ്പെടുന്നത്.ശരിക്കും ജീവിതം ആസ്വദിക്കാനുള്ള സമയം നഷ്ട്ടപ്പെടുന്നു എന്നൊരു തോന്നൽ" "മോനെ ജിമിലെ.......നിനക്കും എനിക്കും ഉണ്ട് പ്രശ്നങ്ങൾ.അത് നമ്മളെപ്പോലെയുള്ള ഇടത്തരം ആളുകൾക്ക് പറഞ്ഞിട്ടുള്ളതാ. പിന്നെ നിന്റെ ഇപ്പോഴത്തെ പ്രശ്നം മാറാൻ നിന്റെ ചിന്താഗതികൾ ഒന്ന് മാറ്റിപ്പിടിച്ചാൽ മതി" "എങ്ങനെ?റോയിച്ചനെന്താ പറഞ്ഞു വരുന്നത്?" "എടാ മോനെ.......ഒരിക്കലും നമ്മുടെ നാട്ടിൽ കിട്ടുന്ന സ്വാതന്ത്ര്യം മറ്റൊരു നാട്ടിൽ കിട്ടുമെന്ന് കരുതരുത്.അത് മാത്രം,അങ്ങനെയൊരു ചിന്ത മാത്രം ദൂരെക്കളഞ്ഞാൽ നിന്റെ മടുപ്പ് ഒരു പരിധിവരെ മാറിക്കിട്ടും.പിന്നെ ജീവിതം ആസ്വദിക്കാനും സന്തോഷം പങ്കുവക്കാനും ഏത് നാട്ടിലായാലും പറ്റും.നീ അതൊന്ന് മനസിലാക്കിയാ മാത്രം മതി പ്രവാസജീവിതത്തിലും മടുപ്പുകൂടാതെ ജീവിക്കാൻ.അതിന് ഏത് നാട്ടിലാണോ ജീവിക്കുന്നത് അവിടുത്തെ രീതികൾ മനസിലാക്കി അതിനൊത്തു നിന്റെ ഇഷ്ട്ടങ്ങളും ഒന്ന് പരുവപ്പെടുത്തിയാൽ ഒക്കെ ശരിയാവും.പിന്നെ നിന്റെ മടുപ്പിന്റെ കാരണങ്ങളൊക്കെ എനിക്ക് മനസിലാവും,നാട്ടിൽ അർമാധിച്ചു നടന്നിട്ട് ഇവിടെ പറ്റാത്തതിന്റെയല്ലേ. മോനെ ജിമിലെ ഒരു ചെറിയ തത്വം പറയാം പാട്ടായയിൽ പോകുന്നത് പെണ്ണ് പിടിക്കാനാണെന്ന് നാട്ടിൽ ചിലരെങ്കിലും പറയും. പക്ഷെ നീ ഒന്ന് മനസിലാക്കണം പെണ്ണ് പിടിക്കാൻ പാട്ടായയിൽ തന്നെ പോണോ,അങ്ങ് പാരീസിലും പറ്റും.എന്തിനധികം ഇവിടെ ഈ സൗദിയിലും പറ്റും." "കേട്ടിട്ട് രോമം